التحويل من معهد إلى معهد بامريكا *-*

اللي اعرفه لو قلت لهم ابي ضمان مالي عشان قبول معهد بيقولون لك لا لان:

الملحقية ماتعطيك ضمان مالي للمعهد فقط

يقولون لك جب لك قبول مبدئي من الجامعة والمعهد

يعني قبول مشروط

ويعطونك كذا ضمان مالي

تاخذ الضمان المالي تعبي ابليكشن الجامعة لتخصصك وللمعهد

بيرسلون لك قبول مبدئي

وارسله بعدين على الحكومة الالكترونية وعب ابليكيشن تغيير معهد

وانتظر موافقة الحكومة الالكترونية

اذا وافقو

هم هنا دايركت يرسلون الضمان المالي الاصلي لجامعتك

بعدين جامعتك ترسل لك ورقة تاخذها لمعهدك تسوي اخلاء طرف

وهم يعبونها لك ويرسلونها لمعهد ك الجديد

وبعد كذا راح يصلك الاي توني الجديد

بس انتبه انك تطلب من المعهد الجديد قبولك يكون على نفس رقم السيفس حقك مايغيرونه

ووووبس

بالتوفيق

ودعواتك لي تتيسر اموري

الله ييسر امرك أخوي و يجزاك خير ؛ لكن يا بعدهم أنا عندي قبول مشروط من نفس الجامعة اللي ادرس في معهدها الحالي و أنا فقط ابغى اغير المعهد فقط أما الجامعة كويسة و رنكها عالي ، ما ادري إذا ينفع كذا اغير فقط المعهد أو لا ؟! جعل مثواك الجنه انتظرك أو اي احد عنده خلفية يفيدني ، وشكر الله لكم سعيكم.

انا انشالله بغير قريب بس سوال هل يتآخرون الحكومه الالكترونيه بالرد لاني ابغى اغير باسرع وقت والله

والله اللي اعرفه عادي تجيب قبول مشروط من اكثر من جامعة
وتروح للي تبيها

يعني ادرس اللغة بمكان ثاني وارجع لجامعتك

بس الافضل انك تراسل مشرفك او مشرفتك وتتاكد منها بتعطيك الخبر اليقين

بالتوفيق

اسبووووع

بالتوفيق

بتنصدم انه اغلب المعاهد بتكون نفس الشي (مليانه سعوديين و مدرسين عاديين)، يعني انت كيف قيمت المعهد انه سئ؟ هل ما يعلمونكم الريدنق و الرايتق مثلا؟ هل ما يجاوبون على اسألتك اذا ما عرفت شي بالكلاس؟ اذا تبي نصيحتي حاول تطور نفسك بنفسك و خل المعهد اداة مساعدة لك و ما عليك من الشباب اللي يحبطون و يقعدون يقولون حنا ما نتطور بسبب المعهد،،

الموضوع سهل جدا اخوي

اول شي اطلب من مشرفك يعطيك ظمان مالي لغرض القبول For Admission Purpose موجه لنفس المعهد والملحقيه دايم يعطون ظمانات لمعاهد. بشرط يكون معترف فيه وغير موقف

بعدين تعبي نموذج التقديم حق المعهد الجديد وتدف%

جزاك الله خير أخوي كفيت و وفيت ..

أنا قيمت المعهد بناء على ثلاثة عوامل أعتقد انها رئيسية من وجهة نظري أولاً المدرسين يوجد في المعهد تقريباً 6 مدرسات وهذا قليل بالنسبة لمعهد فيه ما يقارب 70 إلى 80 طالب وكلهم عرب ما عدا 2 صنيين ولك ان تتخيل كم طالب في الفصل الواحد و للآسف الشديد 5 مدرسات اعمارهم فوق الستين و واحده عمرها تقريباً 40 و فوق ! .. العامل الثاني المناهج سيئة لدرجة أن المدرسات بانفسهن يذمون في المناهج ! .. العامل الثالث طريقة التدريس البدائية المدرسة (بكسر الدال) تجي الكلاس و تنثبر على الكرسي و تقراء المنهج علينا و إذا اخطأ احد الطلاب في عبارة أو شيء من هذا القبيل لا يوجد تصحيح للخطأ مثل الريدينق و الواجبات تعتبر تسلية لا يوجد من يهتم بتلك الواجبات و يقوم بتصحيحها ..! وزد لديك عامل ايضافي شكاوي جميع الطلاب من سوء المعهد حتى من امضى سنوات في هذا المعهد فلا يمكن اهمال تلك التجارب ..
إذا بحاول اطور نفسي بدون مساعدة المعهد لماذا إذا ً تدفع الوزارة لذلك المعهد ؟!
و من الخطأ اتباع نصيحتك سواء النصيحة لي أنا أو لغيري..

ونهاية المطاف اشكرك على محاولة المساعدة ، ولك مني كل الاحترام و التقدير ..

الله يجزاك خير أخوي و إن شاء الله في موازين حسناتك ، طيب بالنسبة لقبول الجامعة المشروط اللي معي هل لازم اغير الجامعة ايضاً لاني سمعت أن لو غيرت المعهد فقط راح يستقعدون لي الجامة في الشروط مثل اختبار التوفل و الجي ار اي ..؟ و ماهي نصايحك من وجهة نظرك ؟
أنا في انتظارك أو من لدية خبرة في هذا الموضوع ..

على حسب الجامعه
فيه جامعات تعطيك قبول مشروط على معهدهم فقط وفيه جامعات تعطيك قبول مشروط على معهدهم أو على درجة التوفل وفيه جامعات بس على درجة التوفل وهنا تقدر تختار اي معهد

عموما اكثر الجامعات تعطيك قبول مشروط على درجة التوفل او الايلتس

وانصحك تعطي المعهد حقه وما تنسى تشتغل على التوفل او الايلتس من بدري

الله يوفقك اخوي

اللي أعرفه انهم وقفوا التحويل بين المعاهد.. النظام القديم كان يسمح للطالب بالتحويل مرة وحدة لكن ألحين ولا مرة.
لكن ممكن يسمحون لك اذا جبت قبول مشروط بس بياخذ وقت وحوسه خصوصاً إذا كنت ماستر.