مسااعدة شباب

ودي اروح بعثة لامريكا على حسابي ثم بحول على حساب الدولة

بسال عن الضمان البنكي او المالي

كم لازم يكون بحسابك(ادنى سعر) لان فيه واحد قالي 75000

والسلام ختام

4 مشاهدات وولا رد

ياخي مايضركم لو تفيدونن

لا يوجد حد أدنى واحد للكل. الحد الأدنى للشهادة البنكية لازم يغطي جميع تكاليف الدراسة و المعيشة لك و لمرافقيك لمدة سنة دراسية واحدة، يعني المبلغ يعتمد على المعهد أو الجامعة اللي ناوي تقدم عليها. و كل معهد أو جامعة يقدر يعطيك المعلومة هذي اللي عادة تكون منشورة في مواقعهم على الإنترنت. معاهد اللغة بشكل عام تكلف أقل من الجامعات في السنة الواحدة، و بالتالي الضمان المالي يكون أقل. حسب تجرتي في التقديم على الجامعات، ما قد حصلت شي أقل من 80 ألف ريال و في المتوسط 125 ألف. طبعاً ممكن تحصل جامعات تطلب ضمان أقل أو أكثر بكثير.

قبل ما تطلع الضمان ابحث عن المعاهد أو الجامعات اللي انت مهتم تقدم عليها و شوف كم التكاليف السنوية (دراسة، سكن، مصروف،..).

الحد الأدنى للجامعات يحسب تكاليف دراسة 12 ساعة لمدة فصلين في السنة، و هذا هو الحد الأدنى من الساعات الدراسية للطالب الأجنبي. لما تحصل على قبول و الـI-20 بيكون مكتوب فيه التكاليف السنوية و تحته المبلغ الي انت قدمته بالضمان المالي، و طبعاً مبلغك لازم يكون يساوي أو أعلى.