تكفون ساعدوني متورطة وضايقة فيني الدنيا

ساعدوني الله يجزيكم كل خير


حايسه حوسه مايعلم فيها الا الله







تخصصي فيزياء

ماابغى ادرس فيزياء نظرية لانها مواد جامده ومالها مستقبل الا التدريس وانا حابه ادرس تخصص يكون


فيه مجالات العمل واسعه

رسيت على تخصص فيزياء طبية مره عجبني هالتخصص لان بيكون مجال العمل عندي تدريس

ومستشفيات

انصدمت ان هالتخصص الامريكان يشتكون يقلون انو جامعاتهم قليلة وسويت بحث وساعدني العم قوقل في

الترجمة اكتشفت ان تقريبا عدد الي تقدم دكتوراه في الفيزياء الطبية في امريكا بس 20 جامعة بلد فيه اكثر

من 1000 جامعه بس عشرين جامعة تقدم هالتخصص؟؟ ابشركم بعد هالجامعات من اقوى 100 جامعة امريكية والقبول عندهم صعب مره وطلباتهم واجد والجامعات الي حطيت عيني عليها وقبولها سهل نوعا ما

مثل توليدو واريغون ستيت الملحقية وقفتها

ودي اختار تخصص يكون تبع العلوم الطبية او الصحية ايش هي التخصصات الي اخذها الي عرفت انو

فيه علم مختبرات وتغذيه واشعه هل مسموح لي ادرسها بما اني تخصصي علمي ؟

وهل بسهولة يقبلون اغير تخصصي؟

الله يعينك ويوفقك

ياليت الاخوان يفيدونك

اليوم في الملقتى تطرقوا لهالشي وتكلم عن الفيزياء وقال ممكن انهم يدرسون تقنية معلومات
بالصدفة كنت سامع هالجملة حتى استغربت بين الربط بين تقنية المعلومات والفيزياء!
طبعا هو ذكرها كمثال بسيط على التغييرات المقبولة بالتخصص

عمومًا لو تبين اسم الشخص المسؤول عن هالأمر بخصوص التخصصات وهو اللي عنده العلم الأكيد بهالشي راح أراجع جدول الملتقى وأقولك عنه

دائما اختلاف التخصصات تعتبر اكبر مشكله تواجه المبتعثين

انا بصراحه ماني شايف اي شي تتضايقين عليه وتجيك هموم

اختلاف التخصصات ماهو مشكله وعمره ماينقص من خبره وجهد الطالب ولو تبحثين بتشوفين ان اغلب الدكاتره في اقوى الجامعات تختلف تخصصاتهم القديمه والجديده

البعثه والنجاح لها ضريبه وهي التعب والدراسه

اذا حاطه عينك على تخصص الفيزياء الطبيه هذا هو موجود قدامك وله شروط حققي هالشروط وبتحصلين قبول

لاتقولين اقوى جامعات ومدري ايش اللي يدرسون فيها ماهم اقل منك مستوى وتقدرين تحققين اللي يبون بجهدك وتعبك

ماتقدرين تلبين طلباتهم وشروطهم ليش تعزلين وتتضايقين ؟؟؟؟

اختي معليش والله مااملك اجابه لك بس عندي سؤال انا عارف انك تنتظرين اجوبه بس مشيها لي ذي المره
سؤالي جامعة اوريجن ستيت موقفه انا نفسي اقدم عليها بيكالوريس ماركتنق وفي موقع الوزاره موبين
انها موقفه واذا موقفه كيف عرفتي واكرر آسف على السؤال اللي خاش عرض.
سلاااااااااااااااااام.

الله يسهل امرك
للاسف ما عندي فكره لكن ...
وَفِي الصَّحِيحَيْنِ عَنْ أَبِي هُرَيْرَةَ مَرْفُوعًا { أَنَا عِنْدَ ظَنِّ عَبْدِي بِي وَأَنَا مَعَهُ إذَا ذَكَرَنِي}
أَنَا عِنْدَ ظَنِّ عَبْدِي بِي فَلْيَظُنَّ بِي مَا شاء
وترا الله الي يسير الامور فلا تظنينه انه بيحوسك ظني به ظن حسن. ولا يدخل الشيطان الشك بقلبك
حَدِيثِ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - ادْعُوا اللَّهَ وَأَنْتُمْ مُوقِنُونَ بِالإِجَابَةِ .
الله يسهل أمرك يارب اشرحي صدرك فالله له الأمر من قبل و من بعد :roll:
و أكثري من الأستغفار و شوي شوي بحث وحركه وبتلقين الي تبينه ما يحتاج الامر زعل والله بتنحل وتقولين ياليتني ماضيقت صدري علي غير فايده ...

اقتباس:

---

المشاركة الأصلية كتبت بواسطة المجهـر

الله يعينك ويوفقك

ياليت الاخوان يفيدونك

---

الله يوفقك على دعواتك

ليه مارديتي على سؤالي ترى دخلت على موضوعك ماكنت ادري وش الموضوع بالضبط
بس كانت نيتي اساعدك لما قريت عنوان الموضوع والحين حسيت مالك نيه تساعديني؟
الله يسامحك بس مشكور
سلاااااااااااااام

اقتباس:

---

المشاركة الأصلية كتبت بواسطة السآهر

اليوم في الملقتى تطرقوا لهالشي وتكلم عن الفيزياء وقال ممكن انهم يدرسون تقنية معلومات
بالصدفة كنت سامع هالجملة حتى استغربت بين الربط بين تقنية المعلومات والفيزياء!
طبعا هو ذكرها كمثال بسيط على التغييرات المقبولة بالتخصص

عمومًا لو تبين اسم الشخص المسؤول عن هالأمر بخصوص التخصصات وهو اللي عنده العلم الأكيد بهالشي راح أراجع جدول الملتقى وأقولك عنه

---

اخوي الساهر الفيزياء نوعا ما يعتبر شي مقبول ان ندرس تقنية معلومات او علوم الحاسب بس السؤال يقبلون ادرس تخصص طبي او صحي مثل تغذية او علم المختبرات؟
اكون ممتنه لك اخوي لو تكتب اسم الشخص الي اقدر استفسر منه
الله يوفقك وترجع السعودية ومعك اعلى الشهادات من ارقى الجامعات

اقتباس:

---

المشاركة الأصلية كتبت بواسطة E's-soul

دائما اختلاف التخصصات تعتبر اكبر مشكله تواجه المبتعثين

انا بصراحه ماني شايف اي شي تتضايقين عليه وتجيك هموم

اختلاف التخصصات ماهو مشكله وعمره ماينقص من خبره وجهد الطالب ولو تبحثين بتشوفين ان اغلب الدكاتره في اقوى الجامعات تختلف تخصصاتهم القديمه والجديده

البعثه والنجاح لها ضريبه وهي التعب والدراسه

اذا حاطه عينك على تخصص الفيزياء الطبيه هذا هو موجود قدامك وله شروط حققي هالشروط وبتحصلين قبول

لاتقولين اقوى جامعات ومدري ايش اللي يدرسون فيها ماهم اقل منك مستوى وتقدرين تحققين اللي يبون بجهدك وتعبك

ماتقدرين تلبين طلباتهم وشروطهم ليش تعزلين وتتضايقين ؟؟؟؟

---

جزاك الله خير كلامك مشجع ومطمن
يااخوي الكريم الجامعات القوية يشترطون ارقام عاليه في التوفل grE والمتقدمين لتخصص فيزياء طبية كثير على كلام دكتور في جامعة

سان انتونيو في تكساس قال ان لو تقدموا 100 طالب ياخذون 6 وانت عارف ان الاولوية لطلاب امريكا وبعدها الدوليين وان كانت

الجامعة قليلة توهقنا