تم تحويلي الى المحكمه الامريكيه

تعجبني ردود الدوافير خاصة البنات

كأنهم يقرولك من كتاب دليل المبتعث


أقول خذ العلم من مجرب

زي ماقالوا الأخوان هذي محكمة مرور

أنا أشوف محكمة المرور هذي وحده من حسنات أمريكا ياليت يطبقوها عندنا

لا يبغالها محامي ولا ملحقية وتكبر الموضوع ماأتكلم إلا مع محامي وخرابيط

هو الكلام كله اللي لازم تفكر فيه كيف تحسس القاضي انك طفران وغريب عشان يخفف عنك الغرامة والسلام وزي ماقالوا يمكن مايجي العسكري ويلغيها القاضي

طبعا القانون يختلف من ولاية لولاية بعض الولايات يرموك في التوقيف كم يوم ولا خدمة مجتمع زي ماقالوا ولا غرامه

بس إذا انت في كنتاكي مالك إلا غرامة حسب القانون عاد انت وشطارتك مع القاضي كم تصير الغرامة عليك لكن ماأتوقع أكثر من 250 دولار

لاتكبر الموضوع عشان لايكبر

خذ العلم قبل امس ما اخذ مخالفة سرعة وبعد اسبوع عندي موعد في المحكمة الموضوع ما يحتاج ابداً انك تبلغ الملحقية و كل من قال بلغ الملحقية هذا مع احترامي .... يتكلم من راسة بدون اي خبرة ، ولا تخاف لا راح تنسجن ولا شيء و المحكمة فقط شغلتها يثبتون عليك التهمة أو إذا صح التعبير يصادقون اقوالك فقط لا غير ويقدرون قيمة المخالفة و أكبر ضرر متوقع لك هو غرامة ما تتعدى 200دولار و 3 نقاط في سجلك المروري بالنسبة للنقاط اغلب الولايات إذا جمعت 12 نقطة خلال سنة تحرم من القيادة مدة سنة أو سنتين ، المهم توضح للقاضي انك تحمل رخصة سعودية و تعطيه من الكلام الرخيص عشان يتساهل معك في قيمة المخالفة وعدد النقاط .

بالتوفيق،،

يامهندس الله يستر عليك انتبه موضوعك تحول إلى المحكمة الأمريكية --- ياخي ماأدري ايش فيهم متقصدين السعوديين ، ماغير يرسلونا على المحاكم الأمريكية

لازم تكلم الملحقية قبل مايطيح الفاس في الراس وشوفلك محامي شاطر يقنع القاضي ان طبلونك خربان ولا رادار العسكري معلق

تحلى بالصبر واذا سألوك أسأله مالأمها داعي قلهم لا أتكلم حتى تأتي الملحقية

في الملتقى الملحقية قالت عاملوني كأني أختكم لاتخلوني أخر من يعلم

أنا أنصحك تكتب خطاب لوزارة الخارجية تشرح فيه أسباب المخالفة عساهم يسددون المخالفة عنك

وها لاعاد تسرع مو كل شويه الملحقية بتدفعلك


============= تنويه للطلاب المستجدين : لاتقرأ هذه الرسالة وكلام المهندس صحيح ميه ميه

مشكور ابو قصى والله يجزاك الخير

انا فهمت المخالفه بس مافهمت الثانيه كيمونتي سيرفرفس


وجزاك الله خير

ليش لمن احد يكتب موضوع يصير اتجاه الموضوع الرئيسي الى موضع ثاني ماله علاقه بالأول ؟؟؟
فيدو اخوكم وحطو نفسكم مكانه وربي يمكن انا خايفه اكثر منه هههه مدري اسم المحكمه يخوف

اخوي انا حصلت لي المشكلة في كلورادو في مدينة دنفر اول شي التاامين من قوانين الولاية انك لازم تاامن او اول ما تشتري السيااره لازم تاامين اول تنقل الملكية وبكيفك انت تاامن ولا المهم اذا معك رخصة سعودية ولا دولية رروح والسيااره تبعك يعني باسمك واذا هي حقت شخص ثاني واذا صديق روح ومعااك اوراق الثبووتيه الا تشبت مليكة السيااره ومعااك بطاقتك الدراسية عشاان يعرفوون انك طاالب وهي مخاالفه تدفع عليها فلووس بس يتااكدوون من الاوراق للسياراه على باالك تقظة الشميسي يلا التوقيف ياا عاامي هذا بلد متتطور

لا تخاف و لا تشيل هم... إن شاء الله أمورك بسيطة و محلولة.... كلها مسألة غرامة و تخلص منها .. المهم تكون صادق و تعترف بخطأك.... و مثل ما تفضلوا الأعضاء، لازم تبلغ الملحقية.. و الحمد لله إن القصة كلها مخالفة مرور...
الله يفرج همك و ييسر أمورك

اخوي وضعك سليم باذن الله ،،

المحكمة تروح هناك يجي العسكري اللي حرر لك المخالفة وتجي انت ..

يستعرضون موضوعك قدام القاضي .. يتم الحكم عليك .. يا سماح .. يا مخالفة ،،

مايحتاج محامي ولا يحتاج شي .. و هم يوفرون لك مترجم في حال كانت لغتك ضعيفه شوي ..

ولا تشيل هم

وبالنسبه للنظام الامريكي .. لما يجيك شرطي يعطيك اي مخالفة مثلا سرعه او عدم ربط حزام ..

تقدر تطالب برفع قضيه و تروح للمحكمه وهم يستدعون الشرطي ..

في حال ماحضر الشرطي ممكن انك تكسب هالقضيه وتطيح عنك المخالفة .. وفي حال حضر .. اقصى شي بيصير انك بتدفع قيمه المخالفة العادي ..

طبعا هالكلام مب في كل المخالفات .. في الامور المعقولة

واحد من اصحابي كان راكب ورا ومب رابط الحزام .. شرطي عطاه مخالفه بقيمه ١٧٥ دولار ،، فـ راح للمحكمه وقال لهم السالفه واستدعوا الشرطي وماحضر الشرطي وطيحوا عنه المخالفه .. !