السلام عليكم
كيف حالكم ان شاء الله بخير
مثلي مثل بقية الاعضاء الجدد نلاحظ تكرار الاستفسارات في البحث عن افضل الجامعات في امريكا وبقية الدول الاخرى , لدرجه اتوقع ان 60% من مواضيع منتدى مبتعث كلها استفسارات مكررة عن جامعات
أنا وجهتني مشكلة في البحث عن الجامعات لدرجة ابحث في قوقل عن جامعة معينه ومن ثم ابحث عن معلومات عن الولاية اللي فيها هذه الجامعة وعن مدينتها من جميع النواحي .. وفي النهاية اتغاضى عن الجامعة بسبب عدم توفر تخصصات اريدها ,او عدم وجود قبول مشروط او لاسباب أخرى تظهر حينها
حتى وجدت موقع ممتاز جداً بالصدفة باللغة العربية , يحل لكم مشاكل البحث في قوقل والمنتدى يعرض لك جميع الجامعات اللي تبيها ... الموقع هذا يبحث لك عن الجامعة على مايلي :
1- الدولة
2- الولاية أو المنطقة
3- التخصص الاكاديمي
4- المستوى الاكاديمي ( بكالريوس , ماستر , دكتوراة )
5- المدينة
6- الموقع يصنف الجامعات عبر وكلات ومنظمات عالمية في تصنيف الجامعات مثل: ( تصنيف تايمز للجامعات وتصنيف SHJT لترتيب الجامعات )
واخيراً وليس اخراً الموقع
باللغة العربية
عموماً ابدأ لكم بالشرح
ندخل على موقع
كود:
http://www.hotcourses.ae/
بتطلع لكم الصفحة الرئيسية ... نبدا نروح للقائمة اللي على يسار المتصفح
http://www.mbt3th.us/vb/imgcache/111805.png
هنا في نموذج نعبيه باللغة العربية او الانجليزية .. على حسب ذوقك
الخيار الاول نختار المستوى التعليمي اللي تبيه ( بكالريوس , ماستر , دكتوراه )
http://www.mbt3th.us/vb/imgcache/111812.png
الخيار الثاني تكتب اسم التخصص علشان يطلع لك الجامعات اللي تدعم التخصصات .. طبعاً انا كتبت علوم وعطاني المتصفح جميع الاقسام اللي تبدأ بأسم علوم ... اخترت علوم الحاسب :)
http://www.mbt3th.us/vb/imgcache/111816.png
الخطوة قبل الاخيرة نختار نمط التعليم ( دوام كامل , او تعليم عن بعد اللي هو عبر الانترنت ) بما ان اغلبنا نبي ندرس برى فطبيعي راح بنختار تعليم بدوام كامل
الخيار الاخير تختار الدولة اللي تبيها ( امريكا , كندا , نيوزلاندا ... ألخ ) القائمة امامك تنق وامش :dribble: انا اخترت امريكا
ثم اخر شيء اضغط على البحث عن مقررات
انتظر حتى تطلع لك نتائج البحث
http://www.mbt3th.us/vb/imgcache/111819.png
بعدها بتطلع نتائج العرض طبعاً بيعرض لك جميع الجامعات بتخصص علوم حاسب في امريكا .. طبعاً كذا بتتعبون تدورون جامعه جامعه , حنا الان خلصنا من هم التخصص وطلعنا جميع الجامعات اللي عندها تخصص علوم حاسب , لكن تواجهنا مشكله وهي اختيار الولاية او المدينه
بسيطة جداً .. على يسار الصفحة مكتوب رقم ( 1 ) فيه مربع احمر حاطين قائمة بالولايات كل اللي عليك اضغط على اسم الولاية اللي تبيها .. وبتتغير نتائج العرض وبيعطيك جميع الجامعات بتخصص علوم الحاسب او التخصص اللي تبيه في الولايه اللي تبيها
طبعاً بعض نتئاج الجامعات ممكن ماهي مناسبة او خايفين ان الجامعه تصنيفها مو قوي .. بسيطة جداً !!
عندك فوق النتائج المربع الاحمر رقم ( 2 ) الموضح في الصورة تختار ترتيب على حسب التصنيف او التقييم ... ألخ
وبتظهر لك ترتيب الجامعات من اقوى تصنيف في اعلى الصفحة حتى اندى تصنيف اسفل الصفحة
اذا عجبك تصنيف جامعه معينه .. كل اللي عليك تضغط على اسمها وبيعطيك جميع المعلومات عنها من عدد الطلاب ومتى تأسست و رابط موقع الجامعه او معلومات عن التخصصات والبرامج المطروحه في التخصص تكون اسفل اسم الجامعة .. ويعلمك الموقع اذا فيه معهد تابع للجامعة , ويعلمك انواع القبولات اللي يعطونها للمتقدمين.
وبكذا يكون باقي عليكم الاستفسار عن المدينة اللي فيها الجامعة , وقبل ماتسوون اي شيء توكلوا على الله
وان شاء الله الموضوع يفيدكم ويسهل عليكم في اختيار الجامعة