اخوكم يبي النصيحه (مهمه للدراهم )

السلام عليكم اخباركم عندي استفسار الله لايهينكم

الان انا بامريكا وعندي مبلغ بحسابي بالسعوديه (سامبا ) ابغي اودع المبلغ بحسابي الامريكي (ويلز فارقو)

المشكله اني مااقدر اسحب اكثر من خمسه الاف ريال باليوم فاذا بغيت اسوي ايداع لازم اسحب بعدين اودع

رحت ل ويلز فارقو وقاللي فيه طريقه ثانيه اللي هي كاش ادفانس (cash advance ) طريقته كيف بياخذ بطاقتي السعوديه ويمررها على الجهاز كاني بشتري شي يعدين يخصم المبلغ من حسابي السعودي وينقله لحسابي الامريكي

وشرايكم بالطريقه هذي افضل ولا لا

لاني صار لي موقف بايخ بصراحه رحت ابسحب 600 دولار وواودعهن وطلعت لي عشرات بعدين هنقت (تعطلت بنص العمليه) الاله |(المكينه atm) فانخصم من حسابي ستميه وانا مااستلمت الا ميتين المهم اني كلمتهم (الامريكان ) وقالو كلم البنك السعودي ويرفع طلب مبالغه بالمبلغ والبنك الامريكي يراجع حساباته ويردوننه لي ان شاء الله

بس اخاف تطول





ا

الصرااااحه مــآآ عندي خلفيه ...

أتمنى أحد يفيـــدك ...

:)

اللللله يعينك شغلتك صارتلي هنا في السعودية وأتعبتني كيف وأنت بأمريكا والخلاف بين بنكين
ماعرف صراحة يفيدونك إن شاء الله
رفع

اخوي افضل طريقة توصلت لها هي تحويل عادي بس لازم شخص هو الي يروح للبنك في السعودية

يقول هذا مبلغ ابي احوله للبنك الفلاني ويعطيهم البيانات التالية

اسم البنك
رقم البنك
الراوتنيق نمبر
اسم المستقبل
رقم حسابه
تليفونه
عنوانه

يومين بالكثير وهي بحسابك وماياخذون رسوم كثيرة

الطريقة الثانية انه يكون حسابك بالبنك السعودي تقدر تتحكم فيه الكترونيا وتحول عن طريقه

فيه طريقة ثالثة هي عن طريق اليونيون .. وهي تحويل مايلزمك يكون عندك حساب .. يعني واحد يحولك من السعودية عن طريق انجاز وتروح لليونيون في امريكا وهو منتشر ومعك هويتين وتسحب المبلغ
وهذي ماانصح بها الا في مبالغ صغيرة ماتتعدا الف دولار لانهم ياخذون رسوم كثير عالفاضي واذا مبلغك كبير مايعطونك اياه كامل الا بعد ايام تقول يقسطونك حلالك

بالنسبة للكاش ادفانس ماافتيك فيه لاني مااعرفه لكن مستقبلاً أنصح يكون في السعودية شخص تثق فيه معه بطاقتك او صلاحية سحب من حسابك عشان يحولك مباشرة بدون لفلفة وحركات بنوك نص كم

الله يوفقك