وانت دامك ماتحبين الدراسة في الغرب!!
وش حارق رزك..؟؟ ليش الحسد..؟؟؟ صحيح اللي بالمنتدى مو كلهم مبتعثين ( و أنا منهم ) بس لازم نتمنى الخير لغيرنا بدل أسلوب الفتنه والحسد
لاحول ولا قوة الا بالله..
عرض للطباعة
يعطيك العافه وجزاك الله خير
شكرا لصاحب الموضوع ويستاهل االتفاعل والاهتمام فعلا هناك اشياء لازم ننتبه لها ونعطيها وقت واهتمام
لانو انت مسلم وتمثل الاسلام وتمثل دولتك دولة الاسلام والتي تحكم بالشريعة الاسلامية وهي اللي مطلعتك بعد الله سبحانه فلازم انو احنا ناخذ مكارم الخصال واحسنها وندع سفاسفها ياخي احمد الله سبحانه على هذه النعمة وهي نعمة الاسلام انت تروح وتجي الجامعة وتشوف الكفر بعينه (على قولة احد الدكاترة يقول تحس ان الارض ماتبغاك واني احمد الله كل يوم على انه من علي بالاسلام)على العموم هو لازم يكون هناك افكار واشياء تغير في الواحد خصوصا في الغربة وهذا طبيعي وبالتالي انا هنا اتكلم على حسب شخصية هذا الدارس او الانسان هل هو واثق الخطوة وقوي الشخصية او هل هو مهزوز الشخصية يعني صفة أمعة مع الخيل ياشقراهنا تكون التغيرات والصفات اللي اكتسبها هذا الشخص وأسأل الله المولى الحق المبين جل جلاله أن يقينا شر الفتن وان لايفتنا في ديننا وسوء الاخلاق وان يوفق اخواني المبتعثين والمبتعثات الطاهرات لما يحب ويرضى
وتقبلوا مروري
ملاحظة
نؤيد التغيير لاكن التغيير للأفضل
نعم أنا قابل للتغيير وسأظل قابل للتغيير
مادام التغيير محمودا وايجابيا ويؤدي للافضل
لماذا نرى التغيير على انه شيء سلبي دايما وان سيئاته تطغى دايما على ايجابياته ؟؟!!
لماذا نرى ان التغيير في المباديء والعادات والتقاليد شي سيء ؟؟ ومحرم الاقتراب منه ؟؟؟
المباديء والعادات والتقاليد ليست دينا , ويمكن ان تتغير اذا كان هناك أفضل منها
لماذا لا نتغير في (بعض) عاداتنا وتقاليدنا العقيمة وبعض المباديء اذا كانت تتسبب في امور تضرنا وتخجلنا احيانا من ان يعرفها العالم ؟؟!!
انا لست ضد العاادات والتقاليد والمباديء (الحسنة), ولكن هناك بعض منها يجب ان تتغير
لماذا لا تكون أفكارنا منفتحة ( في حدود واطار الادب والدين ) ؟؟!!
أليست أفضل من بعض أفكارنا المنغلقة والمتحجرة والتي لا نجرؤ ان نقترب منها فقط لاننا لا نريد التغيير ؟؟!!
للأسف مفهوم التغيير عندنا دايما يتجه الى مفهوم التغيير السيء والمنحرف !!
أتمنى أن لا يفهم التغيير على انه فعل سيء , مهين , وغير مرغوب به بسبب أفعال بعض الأشخاص
لنجعل التغيير للأفضل هو شعارنا ..
السلام عليكم ورحمة الله
حبيبي انا حديك نصيحة وياريت تسمعها لانها من قلبي
انا معاك انو في اشياء غلط بتسير كثير ومانقدر نسكت عنها
الغلط مو في الدين لاكن الغلط في تفكيررنا وفهم هذا الدين
انا مني مطوع ولا متشدد لاكن الفكرة اللي ابغا اوصلها لك انو في بعض الاسئلة لو جيت سئلتها لي نفسك عن الاسلام ممكن تكفر والعياذ بالله
اسمو الاسلام وجيا من كلمة الاستسلام
يعني انك انتا مستسلم لهذا الدين ولا تجلس تفكر وتسئل نفسك اسئلة مالها داعي لانها لاسمح الله ممكن توصل للواحد الى الالحاد !!!!
لاتخلي الشيطان يلعب في راسسك واتعوذ بالله من ابليس
واحمد الله على اكبرنعمة اعطاك ياها اللي هيا نعمة الاسلام
روح شوف غيرنا ناس تعبد البقروالنار ويضربو نفسهم
ترى ديننا مافي زيو ولا ماكان كل سنة يسلم اكثر من مليون مسلم امريكي وهذه الاحصائية فجعت الامريكان نفسهم
ديننا عمرو ما يناقد ويعكس العقل بس في اشياء لازم يقبل الواحد فيها زي ماهيا
وترى حياتهم مو جميلة زي ما انت متوقع وهما يحسدو بعض من قلبهم لاكن كل واحد يجتهد عشان يوصل لشيء وفي النهاية تلقاه وصل لانو لكل مجتهد نصيب .....
ونحن لسنا شعب مضطهد ومش الكل ضعيفي الشخصية لااااااااااااااا تعمم غلط التعميم اصابع يدك مهي زي بعض !!
في مننا القارىء والمفكر والمخترع واللي خجلان من نفسو اسمحلي اقلو انو هوا انسان جبان مهند ابو ديا لو تعرفو هذا مخترع وكان يخترع اختراعات جدا جبارة وسرلو حادث وانعمى !!
كتبو ماتت اختراعات مهند
وقال بعدها الكلام اللي في الجرايد بالنسبة لي كان اقوى من الحادث نفسو وسار يخترع اختراعات جبارة وقال احمدلله اني سويت هذا الحادث لاني سرت اشوف او اعمل الشيء دا وانا حاسس بالمكفوفين
* يرجع الخوف والرهبة من الناس والاعلام بالنسبة لي من تربية الوالدين لانهم ما زرعو فيه من هوا صغير انو يكون جريء لاتقول السعودية والشعب السعودي احنا يارب لك الحمد عاشين بخير ونعمة كبيرة ..........
واذا كانو هما زي ماقلت هما منتصرين علينا ترى كل شيء با اسباب هما بيخططو وينكرو للمسلمين واللي ماسكين الاعلام يهود !!!
وهما في حرب معانا والله يستر
وجهة نظر
بالنسبة لي حلو التغييير لاكن للاحسن ليش ما نقلدهم في اشياء حسنة مثلا القراءة
كل الناس بتقرأ وفيي كل مكان
ومثل الامانة
انا مؤيد للتغيير اذا كان الافضل ولاكن لايكون على حساب ديييننا
او مثلا نقلدهم في تغيير اخلاقيتنا او اشكالنا هذا الشيء ليس محبذ وانا لا اقصد مثل هذا النوع من التغيير .....
فعلا أنا مع التغيير ولكن في حدود تعاليم الدين الاسلامي
و أتمنا من كل مغترب أن يكون صوره مشرفه للدين الاسلامي اولا و لبلده ثانيا
لن اتغير ....
لأني أنا كما أنا ..
تغيرت منذ أن هربت خادمتنا !!!!
نعم وجزاها الله خير على خطوتها ...
نعم تغيرت هنا ولست هناك
تعلمت هنا
كيف أطبخ
كيف أنظف الحمامات - أكرم الله القارئين -
كيف أنظف الصحون
كيف أغسل ملابسي
كيف أكويها
كيف أرتب مجلسي
حاجات كتيييييييييييييييييييييييييييييييييييييييييييييييي ييييييرة يا جماعة
بس
لمن شردت خدامتنا :)
صدقوني يا جماعة العيب فينا إحنا ومن البلا الخدامات إلي ما فيهم خير ...
تصدقو بالله - أكيد -
إني كنت متين زي الفيل وزني 95 والحمدالله وأمي الله يخليها لنا يارب لا تحرمني من دعوتها
مسكت فيا شغل مو طبيعي :D
والحمدالله طلعت رجال :)
بعد 10 شهور يا جماعة وزني تتوقعو كم وصل ؟
76 :)
ولا دخلت نادي ولا أي شي ..
بس شغل في البيت :)
والله يا جماعة لو الواحد يقوم يهز طولو ويشتغل في البيت يعرف قيمة الرز إلي أمه بتطبخه :)
تقولو لي إحترام الوقت
أنا ولله الحمد أحترم الوقت وكتيرين ناس زعلو مني وأنا زعلت منهم عشان لمن أعطي موعد يجيني بعدها بـ 30 ساعة :\
مسألة إحترام الوقت الحمدالله من صغري :)
لكن .........
ممكن أتغير !
في الأشياء الحياتية الأخرى ...
يعني صراحة انا حاس إني ما راح أتغير ذاك التغيير إلي يقلب الموازين ...
لكن نشوف
كلها كم شهر ورايح أغترب زي
زي
32 ألف مبتعث سعودي
:)