الأعضاء الإشتراك و التسجيل

الملتقيات
ADs

هل انت قابل للتغيير ؟!

هل انت قابل للتغيير ؟!


NOTICE

تنبيه: هذا الموضوع قديم. تم طرحه قبل 2559 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. هممممممممم , والله بصراحة الكل قابل للتغيير وهذي سنة الله في خلقة , كما قال رسول الله : (من عاشر قوما 40 يوما صار منهم) , لكن يجب ان نوازن بين الامور ...! بحيث نتقبل التغيير لكن دون التخلي عن مبادئنا الاساسية والمبادئ الدينية ... وشكرا عـ الموضوع الجميل , دائما متألقة
    7 "
  2. أنا أشوف انه ما هو تغيير بقدر ماهو تطبيق للسنن الإسلامية الي حنا في بلادنا ما طبقناها ..

    لمن الشخص يروح ويعيش بوسط المجتمع الامريكي أمور كثيره راح تتغير في حياته وراح يحس بالتغيير الجذري ..
    راح يتعود على النظام الي هو العمود الفقري بالحياة الامريكية .. وهي /
    بتحس ان المجتمع يصحى وينام بتوقيت معين .. يصحون من الفجر وينام ع الساعه تسعه تقريباً ..
    مواعيد الدوام وحده .. وهي من ثمان أو تسعه ألين خمسة ..
    المحلات كلها تفتح بعد ثمان ..
    راح تنسى انو فيه بريك بوقت الظهيره وهو مخصص عندنا للنوم .. هناك أنسى النوم بهالوقت بالذات ..
    لاتنسى ان جزء كبير من المجتمع متعود يسوي رياضه الصبح ..
    لا تنسى انو مواعيد الافطار بتكون بدري جداً .. ونفس الشي بالنسبة للغداء وهي تقريباً تبداً من 11 إلين 1 .. وكذلك العشا من 5 إلين 7
    وهذا الشي يترك اثر إيجابي في حياة الشخص إنه يثبت مواعيد الاكل بجدوله اليومي .. مو مثلنا وقت ما يبي ياكل ياكل .. لا تنسى أن غذاءك لك حق عليك ..

    راح تتعلم أن المقابلات والمواعيد الاجتماعية أو الشخصية بمواعيد مو تجي تدق الباب وتدش البيت هذا فيه إهانة للشخص الامريكي ويمكن يقولك ماني فاضيلك ... وبالتالي هالشي بيخليك تحترم أوقات الاخرين ولاشخاصهم ... وهو في الاصل هذا بديينا بس ما نطبقه !!

    مع الايام راح تعيش الجو الامريكي من خلال ان الحياه عندهم بالنهار / من التسوق والتبضع .. الدوام .. التنزه .. ألخ ..
    والليل بيكون جزء بسيط منه للزيارات وغالباً ما تكون بعد 5 وما تعدي الساعه 9 أو 10 .. لانو بعد 10 الناس كلها نوم
    ولو رجعنا للقران لو وجدنا إنهم يطبقون الاية " وحعلنا الليل سباتا وجعلنا النهار معاشا " ...
    وعندهم الساعه 12 هذه كنك جالس لين الفجر بالسعودية ...

    ومن السنن الي فقدناها بالمجتمع السعودي ..
    الابتسامة .. السلام .. والسؤال عن أحوال الآخرين حتى اذا تعرفه أو ما تعرفه .. التواصل بشكل دوري .. الهدايا .. زياره المريض .. المشاركة في الاعمال الخيرية والتطوعيه .. كذلك لا تنسى المشاركة في خدمه المجتمع بشتى اشكالها .. الوفاء بالعهد أو الوعد .. الصدق .. الامانه .. الإخلاص .. الذمم .. الاحترام .. ونفس الشي هذه كلها أوصانا فيها رسولنا الكريم - صلى الله عليه وسلم -


    من الاشياء الجميلة الي راح تتعود عليها هناك ..
    الاعتماد على النفس في كافة أمورك صغيرها أو كبيرها .. وهذا الشي بيخليك تحس بقيمة ذاتك وكيانك ..
    كذلك الاستقلالية بحياتك .. فتكون مسؤول عنها من الالف للياء ..
    كذلك تنمية الذات من خلال الإطلاع والقراءة وتزويد العقل بما ينفعه ..
    وكذلك راح تتعود إن تكون لك مكتبه صغيره بالبيت تكون مرجعك في كل شي ... وهي من الاشياء الي من جد انا أفتقدها بالسعودية ..
    لانو بدون القراءه الانسان يطبق الجملة المشهورة - مكانك واقف سر -
    وهذه من الاسباب الرئيسية سبب تصنيفنا من العالم الثالث .. والدراسات تثبت معدل القراءه لدى الفرد العربي بشكل عام وخاص ..

    هذه تقريباً الحياة اليومية الي راح تتعود عليها وبالنهاية انت شكلت حياة وشكلت جدول يومي تسير عليه وتشطب من أبجدياتك الهجمية .. الإهمال .. إضاعة الوقت .. وتزرع بداخلك إدارة الوقت .. بتعرف جدولك اليومي وش بيصير فيه وهذا لو طبقته بيكون خير نعمه لانك انت ما طبقته عشان إنك عايش بامريكا .. لا .. لان دينك وقرانك أمروك بهالشي وبالنهاية انت قاعد تاخذ اجر عليه لانك تطبق سنن الرسول - اللهم صلي وسلم عليه - وبعدين لو جيت السعودية وشافوا الناس هالشي فيك بتكون ألهام إنهم يسوون زيك أو ع الاقل يكون تقليد .. انا سويت كذا عشان فلان سوى كذا .. وبالتالي راح تكون فرد مؤثر في مجتمعك وحبه حبه المجتمع يبدأ يرتقي بنفسه وبالنهاية دفة المجتمع تتحرك للامام ..

    تقريباً هذا الي كان يدور ببالي عن الحياة اليومية ..
    واذا فيه اي خطأ أو نقد نتقبل ...
    وعذرا عن الإطالة ..
    7 "
  3. الانسان اذا تغير في أمريكا مو معناته تأثر بالغرب ..
    لا بالعكس .. لان الغرب أكثر المجتعات أو خلونا نقول بشكل معمم " دول العالم الاول " أهي الي تطبق تعاليم ديننا ..
    ولمن نجي حنا هناك نطبقه .. فهذا نطبقه لاننا مسلمون أولاً وأخيراً ..
    وبالنهاية قاعدين نعيد الشخصية الصحيحة للفرد المسلم الي حنا محتاجين لها بالوقت الحاضر ..

    اما بخصوص ما يتعلق بتأثر المبتعثين بالانفتاح .. الديمقراطية .. الحضاره .. ألخ
    فهذا له جانبين ..
    الجانب الإيجابي .. كيف هالعالم وصلوا لهالمرحلة وحنا ... وتبدأ النفس البشرية بطرح سيل من الاسئلة .. الي في النهاية راح تتوصل لإجابات وبتعرف وين الخطا موجود .. هل الغلط في المجتمع السعودي أو في الفرد السعودي .. وهذا يوصلنا ان كل واحد يصحح أخطائه حتى يتلاشاها بالمستقبل ..

    قبل لا تطلع لامريكا لازم تكون عندك ثقافه دينية حول المحرمات والمنهيات .. ولازم يكون ألمام كبير حول احكام المعايشه مع اهل الذمه حتى لا تقع في الذنب ..
    وهذه نقطة تحول كبير .. لو كل واحد وقع فيها .. وهذا هو الجانب السلبي للابتعاث
    لازم من التثقيف ... تكون لك حصانه بعد الله - عزوجل - من الوقوع في المنكرات والعياذ بالله ..
    لان الشهوات تحيط بك من كل جانب .. ..
    وبالتالي تحدث الانتكاسه في نفس المبتعث ... والشيطان بهالوقت اذكى منه مافي ...
    7 "
  4. للاسف فيه مبتعثين و مبتعثات
    همهم الاول الانفتاح و التحرر المحرم ,,
    و الدشره و الخ ..

    لكن فيه ناس ما شاء الله عليهم الله لا يضرهم ,,

    بالنسبه للواجبات الاسلاميه ,
    احيان يكون شخص مقصر فيها هنا .. لكن لما يروح هناك و يلتزم فيها !
    هنا نقول برافو و ما شاء الله ,,

    لكن لما يصير العكس .. نقول الشيطان ركبك .. و ارجع لربك
    7 "
  5. شكرا عالموضوع الرائع اختي
    الشخص اللي يطبق تعاليم الدين و يتبع السنه في جميع معاملاته اليوميه في احترام المواعيد وتنظيم الوقت واوقات النوم واوقات الاستيقاظ هاذي موجوده في الامر لاداء صلاة الفجر وطريقة الاكل وافشاء السلام والاعتماد على النفس والتبسم في وجه اخيك صدقه وحسن المعامله هاذي كلها تعاليم ديننا الحنيف يعني مو شي جديد علينا عشان نقول يوم رحنا لامريكا صرنا وتعلمنا كذا وكذاونرجع كل الفضل والميزات فيهم غلط هاذي ميزات موجوده فينا كمسلمين بس حضراتنا مانطبقها من اول في بلدنا الا لمن هاجرنا وشفنا خلق الله كيف يتعاملون مع بعض واستحينا على وجيهنا وتأدبنا زيهم ليه مانطبقها من اول ليه اللف والدوران يعني الغرب ما اكسبنا شي جديد هاذي اداب القران والسنه ساميه تحاول ترقى بالانسان في جمييع اموره يعني اللي ملتزم فيها من اول يحس ما اكتسب شي وبعدين انا لما ابتعثت لبريطانيا مع زوجي حسيت اني في نعمه نعمة النظافه الشخصيه والحجاب والحياء والله كنت لما اروح السوبر ماركت ما اقدر اوقف في الطابور من الريحه ريحتهم عفن وخمره وعرق والشعور اللي مظهرها ناعم وريحتها الله لايوريك وكلش اعوذ بالله وغير كذا لما اشوف حريمهم يدردبون بين الرجال احمد ربي اني ماني رخيصه ولا اي احد يقدر يمسكني احمد ربي اني غاليه والا لما يصرخون بصوت عالي لا وبعد يهذون وهم سكرانين بالشوارع ينادون بعض احمد ربي والا لما اركب الباص اشوف بناتهم شايلين اطفال رضع من غير أب من غير احد يصرف عليهم لا اهل ولاصديق احمد ربي اللي حرم الزنا وأمر بالنفقه على الرجل والا لما تشوف البنت عندهم بالمتوسط عالرصيف وجنبها الولد وتدخن بعد احمد ربي بالعكس الايام اللي عشتها في بريطانيا خلتني اتمسك بديني اكثر خلتني أمشي بينهم وأتحمد الله على نعمة العقل والاسلام وتعاملت معاهم بالتعامل اللي امرني فيه ديني وعقبال روحتي لأمريكا وشكرا
    7 "
  6. ايه انا ماعندي مشكلة اكون كربون منهم لو تبي لكن ...

    كربون في احترامهم للانظمة و احترامي للناس و احترامي لكل شي حلولي ، و يا اخوان هذا مو جديد علينا اصلا لانه هذه اخلاق المسلم ، قبل 1400 سنة ارسل لنا الله سبحانة رجل امي ( بابي انت و امي يارسول الله ) و علمنا هل الاخلاق الرائع لكن للاسف تناسيناها و اصبحرشغلنا الشاغل كيف نوذي عباد الله في كل شي ، من تكسير و تشوية للممتلكات الي تخلف و شذوذ و غباء ( الا من رحمهم الله )

    انا بكل بساطة و من الطبيعي بروح بعقلية معينة ، لكن بإذن الله ارجع بعقلية افضل لاني عشت مع ناس تطبق الاسلام بحذافيرة لكن عمرهم ماسمعوا عنه ، ما انكر انه لهم عادات سيئة كثيرة كالشرب و غيرة لكن المفروض الواحد ياخذ من كل الثقافات خيرها فقط و يرمي شرها بالبحر

    شكرا لك
    7 "
  7. عفوا يا اخواني على اللي هاقوله
    شكرا على الموضوع القيم والرائع وعلى الافكار الايجابية والمتفائلة وهذا شيء والله يريح القلب ويطمئن النفس

    لكن لي تعقيب بصراحة انا لي معارف كثير راحوا امريكا ورجعوا ولازالوا بيدرسوا فيها او حتى ساكنين فيها
    لكن الكلام اللي باسمعه منهم باستمرار انه والله حال بعض الشباب السعودي يحزن ويوجع القلب سكر وبنات وبعد كبير عن الله و.... الخ
    وهذا الكلام سمعته كثير ... لكني لما قريت الموضوع هذا شفت الردود انها مختلفة تماما
    هل معقولة انهم كل معارفي كذابين او مبالغين ؟؟
    ولا في حقائق يتم اخفاؤها ؟؟
    من جد لدرجة اني صرت خايفة فعلا على اخوي وافكر ازوجه بس من جد صعب انه يتزوج من الحين

    ممكن توضحون لي يا ليت يكون الرد من الناس اللي فعلا هناك وشايفة الوضع
    ولكن فائق الاحترام والشكر الجزيل
    7 "
  8. شوفي أختي الهاجس فيه الناس اللي محترمه نفسها وفيه اللي انحرفت لما سافرت يعني ماأتوقع أقاربك بيكذبو وأهرف ناس كثير كانت كويسه حتى لمن راحت هناك بس بعد فتره للأسف والأغلب يعتمد على رفقاء السوء لمن يكون مثلا واحد يمشي مع ناس في المعهد كذا ويقولو له يافلان احنا راح نسهر الليله في المكان الفلاني بعضهم يستحي يقول لا ويعتبروه مو رجال للأسف أنا شفت المنضبط مااشاءالله اللي من بيته على مكان دراسته ومن مكان دراسته على بيته ومافيه مشكله لو يتمشى مع ناس عدله وشفت سعوديين للأسف بصراحه بتلقي اللي يماشي له بنت قلك يقوي لغته يعني ماينفع الرجال لازم بنت عشان تتقوى والا يقولك لازم نحترم عاداتهم احترم عاداتك بالأول عشان يحترموك العالم طبعا هاذي حجة الضعفاء وكثثير للأسف يحبو بنات هناك ويقولو حبينا بعض ويبدأو بالحرام وهذا مو حب أكثر مما هو شهوه وغريزه والله كنت أشوف عينات اذا البنت ابتسمت له قال حبتني والا اذا رمشت بعينها قال غمزت لي وهي اصلا حاجه عاديه عندهم وفيه اللي صار يشرب وهو ماكان يشرب مع الخيل ياشقرا
    انتي حاولي تخوفي أخوكي بالله دايما وادعيله وخليه يبتعد عن اصحاب السوء لأنهم اساس البلا وغض البصر له منافع عجيبه ويحاول ينشغل بس بدراسته يخليها هدفه اللي جاي عشانه ولو كان كبير شويه الأفضل تزوجيه لانه كل حاجه مفتوحه أمامه محد يقدر يمنعه الا ضميره وقربه الى الله
    7 "
3 من 5 صفحة 3 من 5 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.