سؤال بخصوص بطاقات الصراف (الأهلي و الماستركارد مسبق الدفع)

أبو المبتعثة .. أنا والجميع بمن فينا أخي عبدالله نريد الفائدة والمعلومة الصحيحة ومن واقع تجربة

وأعتقد أنك لم تقل هذا الكلام إلا من تجربة فلو كانت لديك تجربة سيئة مع هذه البطاقة .. فضلا لا أمرا تخبرنا بها .. لعلنا نستفيد منها ونبحث عن هذا السبب حتى نتجنبه مستقبلا ..

الف شكر أخيAbdullah .. فعلا نحن بحاجة لإجابة من خلال التجربة الشخصية .. ما نبي وكالة قالوا ويقولون

أخي MeShal جزاك الله خيرا على شعورك الطيب .. ولكن يبدو لي أن ابو المبتعثة لم يذكر لنا الوضع الذي تعرض له عند استخدام البطاقة .. واخوي Abdullah في موقع الحدث ويستخدم البطاقة بشكل طبيعي جدا وعادي .. لذا ارى الآن أن الكرة في مرمى أخونا أبو المبتعثة ليوضح لنا وجهة نظره ويدعمها بأدله .. وفي النهاية نحن نريد خدمة بعضنا البعض

بالتوفيق للجميع

Eng.Abdullah << ياخي ودي احب خشمه

هو صادق البطاقة ماشيه زي الحلاوة ولا فيها عيب

بس الله يهديهم ربعنا يبي يسوي دعاية للراجحي او غيره وهو مايدري

لكن بطاقة الاهلي ماشيه تمام التمام... اجل تسدد السيفس فيها والسيفس تعبر دائرة حكومية امريكية وتقبلها ... وتجي تقولي امريكا ماتقبلها

الله ماشفناه بس بالعقل عرفناه

ثاانكس

تدري وش اللي مضيعنا يا العرب ؟

المجاملااااااات ..

و الله لو أنه ابو عشر مبتعثات و اشوفه غلطان أني لا أعطيه كاااش و لا همني ..

المفروض هو يقدر شيباته و يترك الشيء اللي ما يعرفه ، وكلمة مدري ترفع قدري..

تخيل لو انك مسافر رايح لمدينة معينة و ضيعت الطريق و سألت و احد و وصف لك طريق عكس الطريق و بشكل تأكيدي و أنت يا غافل لك الله اتبعت وصف أخونا و بعد ما امضيت مسافة طويله تتفاجىء بأنك سالك الطريق الخطأ حسب وصف أخونا التأكيدي، هنا وش راح يكون موقفك ؟ وشعورك ؟!

أخلي لك الاجابة ..

مشكلتنا يا العرب ما نقدر نواجة الغلطان و نقوله أنت غلطاااان و بأقوى صوت عشان ما يكرر الخطأ ..

تصدق عاد أنا أكثر شيء تعلمته من أمريكا هو عدم المجاملات حتى في الامور البسيطة..
فعلاً شعب لا يملك مكان للمجاملات و المخطيء جميعهم يقفون ضده ..
قبل فترة بسيطة قابلت أحد جيراني امريكي قلت له من باب المجاملة " جوين اس " يعني تفظل و أنا جداً جداً مشغول و بدون اي مقدمات اجد الامريكي فوق كنبة مجلسي !

وهذا أقل مثال ..

تدري أنك أنت غلطان لأنك تدافع عن شخص غلطان ..

المفروض تنصحة و تقف ضده عشان ما يتساهل بالغلط .. كبير صغير أمير شيخ كلهم عيال 9 ..

تقديري ،،

الله يرفع قدرك أخوي ،،

خير الكلام بما قل و دل !

و أنا عندي بطاقة الماستر كارد من الاهلي و الفيزا من الراجحي و كلها مسبقة الدفع و بصراحة أنا مطنش بطاقة الفيزا من الراجحي و استخدم الماستر كارد و لي ردود كثيرة في هذا الموضوع http://www.mbt3th.us/vb/forum8/thread225198.html

بعد قراءة الموضوع كامل و لم تجد إجابة لاستفسارك فكتب استفسارك هنا و إن شاء الله ما اقصر معك و الله يقدرنا باللي نقدر عليه ..

كل الاحترام ،،

يا اخوان انا معي بطاقة مسبقة الدفع ماستر كارد ..
وما عمرها ابد وقفت معي باي مول او بقالة او مطعم شغالة ومن احسن ما يكون ..
وبالبنسبة اني اسحب منها كاش للامانة ما جربت اني اسحب منها كاش من المكينة ..
لكن اذا رحت سوبر ماركت وشريت تقول تبي كاش فوق الفاتورة اقول ايه او لا ..
وااكد الف بالمية البطاقة شغااالة وبدون اي مشاكل الا مشكلة وحدة من بدون رقم سري !!!

وشكرا ..!

نبي مختصر مفيد للموضوع لا هنتم

انا وضعي انه حسابي في الراجحي , وطلبت فيزا من سامبا , وطلعت فيزتي وحطيت فيها 5000 ريال هل هي كافية لأول اسبوع مثلاُ ؟ وهل اقدر اشتري فيها بدون مشاكل ؟

واذا رحت هناك اقدر احول من حساب الراجحي الى فيزا سامبا عند الحاجة ؟

يا ليت الخبراء يفيدونا

موضوع البطاقات الائتمانية بحر وكل شخص له طريقته الخاصة فا صعب الاختصار أنت اسأل و جميع الاعضاء راح يتعاونون معنا على الرد.

بالنسة لاستفسارك أنا ابشرك جميع المحلات التجارية في امريكا حتى المحاكم عندهم يستخدمون البطاقات الائتمانية و نادر جدا تحصل احد في امريكا يستخدم الكاش و بعض المحلات من الاساس ما تقبل الكاش .. يعني عكس مجتمعنا تماماً ، اعتقد 5000 ريال لأول اسبوع بأذن الله تكفيك إذا انك لحالك ، نعم تقدر تشتري فيها .

بخصوص سؤالك الاخير ياليت توضح أكثر فيه ..

بالتوفيق،،

عني انا عندي الراجحي واخر حلاوة وميزتها ان بنفس الوقت اللي تحول من حسابك الجاري تنزل على طول بحساب بطاقة فيزا
اما الاهلي حسب ماسمعت بعد 12 بالليل ماتقدر تحول للبطاقة ...
والمسالة ماهي دعاية لبنك دون اخر المسالة انا وش يصلح لي والا الراجحي وابن محفوظ لا هم ربعي ولاقرابتي ولايعني لي شي اي منهم