سؤال بخصوص بطاقات الصراف (الأهلي و الماستركارد مسبق الدفع)

حبيت أعرف هل بامكاني سحب الأموال بواسطة بطاقة الصراف (الأهلي) من أجهزة الصراف في أمريكا؟ و هل حيأخذوا عمولة على كل عملية سحب؟

هل يتعاملوا مع بطاقة الأهلي ماستر كارد مسبق الدفع في الشراء و غيره؟ و كم المبلغ اللي تنصحوني أحطه في بطاقة مسبق الدفع قبل ما أسافر لأمريكا علشان أمشي اموري هناك؟

و شكرا.

ما أنصحك فيها , انا كنت بطلع مستر كارد من (سامبا) بس , قلي الموظف تبغى نصيحتي ماتنفع لك في الغربة , وخاصة إذا انسرقت ,لان في بعض (اجهزة الشبكة) تسحب المبلغ من غير ادخال (كلمة السر) ..
والشئ الثاني فرق العملة نكببة

خلي بطاقة الأهلي بطاقة دولية وحط فيها مبلغ للظروف الطارئ .
وأول ماتوصل هنا , افتح لك حسـاب بـ أي بنك

البطاقة جيدة للمشتريات، بدون رسوم لعمليات الشراء و تقدر تشحنها من حسابك الجاري. عيوبها أن سعر الصرف حوالي 3.8 ريال لكل دولار لكن الفرق مو كبير و ما تحس فيه في المشتريات الصغيرة، و العيب الأكبر هو عند سحب الكاش. ما انصح تسحب منها كاش خارج السعودية، بتخسر فرق العملة + 30 ريال على كل عملية سحب + رسوم الصراف (4 دولار أو 15 ريال عادة) و الصرافات تحسب أعلى سعر صرف.

ما عندي فكرة كم تحتاج تحط فيها لأني ما أعرف مصاريفك. أنا كنت أشحنها كل كم يوم من حسابي الجاري (لا تنسى نظام الحماية للبنك الأهلي لازم تستلم رقم سري على جوالك كل مرة تحول فيها). أنت أهم شي لما تستقر افتح حساب في بنك أمريكي. البنوك عادة يعطونك بطاقة debit card من فيزا أو ماستر كارد تصير مربوطة في حسابك الجاري و تقدر تستخدمها في كل مكان يقبل فيزا أو ماستر كارد و تقدر تسحب منها كاش من الصراف.

بعد مارحت كم بنك وسألت عن مسبقه الدفع عرفت انها نكبه وانتبه منها خذ معك كاش 5 الف ريال واول ماتوصل حط ببالك اول خطوه فتح حساب ببنك امريكي وبلا فيزا ولا ماستر كارد نصب البنك السعودي ياخذ نصيبه من كل عمليه سحب حول 30 ريال والصرافه كذالك وفرق التحويل <<باختصار ابعد عن المسبقه الدفع

والله كنت مرة ناويها بس من ردود الأخوان بديت أصرف النظر عنها .. والله شغل استغلاااال الأهلي الله يقلعه

تحتاج لعنوان ثابت وهويتين وتفتح حساب عن طريق خدمة العملاء لديهم
وقد يفيدك هذا الموضوع.

هناك عدة تساؤلات عن هذا الموضوع وهنا اطرح لكم واقع تجربتى بذات الموضوع واللى اعرفهم

بالنسبة للكرام القادمين الى امريكا لا يزيد المبلغ النقدى اللى معاك عن عشرة الاف دولار
فتح حساب جارى هو الافضل فى بنك اوف امريكا لان صرافاتة منتشرة بكثرة
لاتفتح الحساب الا وقد ثبت عنوانك واطلب خدمة الاون لاين والبطاقة اللتى تحصل عليها
يمكنك السحب من الصراف وشراء مستلزماتك ولاتحتاج ان تحمل معاك مبالغ نقدية

عن طريق الاون لاين تشيك حسابك متى ماشئت واذا احتجت مبلغ من حسابك فى البنك
اللى فى السعودية بكل سهولة يمكنك التحويل فى يومين يرسوم حسب المبلغ على ان
لايزيد المبلغ المحول عن 100 الف ريال . بالنسبة للبنك الاهلى

وتحويل مبلغ من امريكا الى السعودية بصراحة البنك هنا يبالغ فى سعر الصرف
ورسوم التحويل والافضل سحبها كاش وخذها معاك او ارسالها عن طريق
الويسترون ينيون برسوم معقولة قد تصل الى 200 ريال ...

البطاقات الكريديت ومسبوقة الدفع خدمت البعض نسبيا وخذلت اخرين
وعند السحب هناك رسوم ولاتنسوا فرق العملة والعمولة من البنك الاخر
$$$$$ وكل عام والجميع بخير $$$$$

http://www.mbt3th.us/vb/imgcache/112228.png

السلام عليكم موضوع جدا مهم وياليت يفيدوننا هل الخبرة

انا عندي مبلغ وابيه يحول الى الدولار فتننصحوني احولها في السعوديه بالدولار او في امريكا (هل فيه اختلاف في سعر صرف العموله)

ودي اخذه معي اول ماروح مدري كيف اخذه وانا مافتحت حساب في امريكا

مساء الخير

حبيت اشارك معاكم بهالموضوع لانه مهم جداً

انا طلبت هالخدمة وهيا ماستركارد مسبقة الدفع مقابل 100 ريال سنوياَ وتنتهي البطاقة بعد 3 سنين
يتم خصم 100 ريال كل سنه من البطاقة كرسوم فقط لا غير .
وعلى فكرة بالسعودية تقدر تسحب اي مبلغ من الصرافه كانها بطاقة حساب جاري عادي يعني لا في فوائد ولا في اي شيء
والتحويل يتم من السعوديه على البطاقة يعني يروح اخوك يحولك على رقمها المبلغ اللي تبغاه .

والفائده الحالية منها وبشكل كبير :

تفيدك في السعودية في التقديم غلى حجز موعد وال SEVES من الماستركارد لانه ماتقدر تدفعها الا عن طريق بطاقة فيزا او ماستر

ثاني فائده من الموضوع اي حجوزات لفنادق او تاجير سيارات من النت قبل ماتروح عن طريقها

ثالث فائده لا رحت وسافرت على خير ان شاء الله تقدر تسحب منها مشتريات في اي مكان بمايعادل الريال السعودي يعني دولار بيخصم منك 3.75 ريالات فاهمين عليا اكيد .

ملاحظه :

حلاوتها انه مايجي مكتوب عليها مسبقة الدفع لانه البطاقة اللي زي كذا مكتوب عليها غير معتمده عندهم

تحياتي لكم

واذا انا مخطئ بشيء صححولي


تحياتي


م راشد بن محمد

انا عندي هالبطاقة ومن البنك الاهلي استخدمتها في السعودية مرة حلوة تقدر تسحب من اي صراف اهلي ( كانها بطاقة صراف ) دون فوائد
وكذلك استريت من النت وتمام التمام لكن لسى ماابتعثت ومااعرف كيف تستخدم هناك انا لمن اشحنها من الهاتف المصرفي
احول المبلغ اللي ابغاه من حسابي بالاهلي الى الماستر كارد
بالجوال وكذلك بدون فوائد
كنت مخطط اني استخدمها بامريكا ان شاء الله
ياليت احد يوضح لنا الصورة
موفقين

الموضوع روعه والفوائد ثمينة لكم جميعا الشكر والتقدير ..

أتمنى لكم التوفيق