استفسار مشكله..!!:(

لازم الاسم يطابق مع الى فى الجواز
شوف القبول باى واحد اخذ اذ الاسم الى فى الجواز
غير الشهاده من المدرسه
واذا العكس غير الجواز
لان الاسم لازم يكون زى الى فى القبول
ان شاء الله وصلتلك المعلومه

مشكور اخوي وصلت المعلومه يعطيك العافيه
لكن كيف اعرف القبول كان باسم الشهاده والا اسم الجواز
من مكتب تجسير الفكر او وزارة التعليم العالي ؟؟

الف شكر

اخوي ،، القبول بإسم الجواز .. هذي طريقة القبولات في الجامعات والمعاهد الامريكية ..

بالنسبه لشهادة الثانوي روح للمدرسة غيرها ولو ماغيروها روح مكتب ترجمة وودي جوازك معك وشهادتك الثانوي وخليهم يعدلون الاسم ويسوون لك عليها ختم تصديق و يختمونها و خلاص ماعليك الا العافيه والخير ..

وترا موضوعك سهل حمدلله مب مصيبه ولا شي ..

وبعدين لما تروح للمعهد تروح تسلمهم هالاوراق ويغيرون اسم ثانويتك عندهم في السستم في دقيقة وحده ..

لا تطفش نفسك مع المكتب ولا تدوخ وتغير جوازك ..

انا اشتغل في مكتب American English Institute, University of Oregon في جامعة بـ University of Oregon .. و اعرف الاجراءات هذي والمشاكل البسيطة وتطمن ماعليك سوء باذن الله .. ولو ماتثق في كلامي تقدر تتصل عالمكتب وتطلبني بالاسم و تكلمني واخليك تكلم مسؤولة القبول والهجرة وتشرح لك وضعك كيف و تطمنك ..

بس اهم شي شهادتك يتعدل الاسم فيها زي الجواز واسمك بيكون في كل اوراقك مطابق للجواز لانه هويتك الدولية .. شهادتك الثانوي ماهي الا ورقة تقول انك درست ثانوي وعليها اسمك .. مب هوية ممكن تبرزها ..

فـ تطمن

وبالتوفيق

الف شكر اخوي طمنتني الله يطمنك

اللي فهمته اني اغير الاسم في الشهاده لكن ما اعتقد انه يتغير بالمدرسه لازم اقرب ادارة تعليم والا انا غلطان ؟؟
لكن هالنقطه ما فهمتها (وبعدين لما تروح للمعهد تروح تسلمهم هالاوراق ويغيرون اسم ثانويتك عندهم في السستم في دقيقة وحده ..)

الف شكر

هذا حل اخر او ايش بالضبط ؟؟

لا اخوي مب حل آخر ..

انت لازم تروح للمدرسة او اقرب ادارة تعليم .. في حال مانفعوك .. روح مكتب ترجمة عادي مكتبه خدمات طالب ويترجمون لك اياها ترجمة مصدقة .. و بعدين خليها معاك ..

وخلاص انس الموضوع وخلك طبيعي .. لكن لما تروح للمعهد هناك .. روح للمكتب حقهم وعطيهم شهادتك المترجمة وقول لهم ان كان فيه خطأ في اسمك في الشهادة الاولى ..

هم راح يعدلون اسمك في النظام عندهم و خلاص .. يصير كل شي طبيعي ،، وهالمشكلة عادية وتحصل باستمرار

فـ تطمن و ماعليك خوف ولا حرج ..

و توصل بالسلامة وموفق في دراستك

طيب اخوي الشهاده مترجمه اصلا ما يحتاج لمكتب ترجمه
لان مالهم دخل في تعديل الاسم انا بروح اسحب شهادتي من البعثه واعدلها من الاداره او المدرسسه
اتوقع هذا الحل المناسب !!

صح كلامي ..؟

اسف ع الازعاج


الف شكر
بالتوفيق

لا اخوي غلط كلامك !

هو انت لازم تسحب شهادتك و تروح تعدلها .. او تقدر تودي شهادتك الاصل لوكالة البعثات في الغدير مخرج ٤ اظن ..

وعندهم قسم ترجمة و تقول لهم ان فيه خطأ في الترجمه وهم يترجمون لك اياها مره ثانيه ..

هذي مجرد بيانات ..

في حال كان عندك خطأ في واحد منها ..

المدرسة ،، التعليم العالي ،، مركز اختبارات الرياض في الملز اظن و زارة المعارف ، اي مكتب خدمات طالب

كلهم ممكن يترجمون لك ايااهاا ..

لان هذي تعتبر شهادة عربية .. لكن فيها بيانات مدخلة بالانقلش

والبيان حقك مدخل غلط .. اي احد من هذول يقدر يمسحه ويكتب لك اياه مره ثانيه ويصدقه بختم وانتهينا ..

اتوقع افضل مكان ممكن ترجع له هو وكالة الابتعاث في حي الغدير مخرج اربعة ..

ولما يتم التعديل .. لا تشيل هم خلاص ..

والموضوع اصلا محد بيدقق لك فيه .. بس عشان ترتاح وتتطمن عدل الاسم وخلاص

طيب اخوي الشهاده الاصل هي عندهم الحين ..!!

يعني اطلب منهم التعديل فقط

بما ان الشهاده عندهم ويقدرون يعدلونها ما يحتاج اراجع لا مدرسه ولا ادراه..!!

ارجو المسساعده يا اخوان :S

..