ولله الحمد طلعلي قبول بعثة ومتوهق بــ ESL
السلام عليكم ورحمة الله وبركاته ،،،،،،
يعطيكم العافية يا شباب على هل المجهود الاكثر من رائع
ولله الحمد والمنه تم قبولي لبعثة ماستر الى امريكا ،،،،
وانا الحين قاعد ادور على قبول جامعة ورشحو لي جامعة لورنس بولاية ميتشغن،
واحد شروط جامعة لورنس يبون توفل IBT بدرجة 79،
واذا ما يبتلهم التوفل آخذ كورس لغة ESL
سؤالي عن ESL :
1- اشكذر مدتها ، علما بان ادارة البعثات تعطي 6 شهور للغة ؟
2- هل هي كافية ؟
3- 6 شهور ، هل يتشرط من نفس المعهد ؟؟ او نفس الجامعة اللي راح ادرس في ماستر ؟؟
4- 6 شهور ، اشلون احسبها ؟
ويعطيكم العافية اعزائي
رد: ولله الحمد طلعلي قبول بعثة ومتوهق بــ ESL
اخوي ،، معهد ESL فيه ١٢ مستوى ،، كل مستوى مدته شهر تماما ..
لو كان مدة دراستك اللغة ست شهور فقط ،، معناتها انك لازم تروح هناك ويحطونك بالمستوى السابع و بكذا لما تخلص تصير درست ست مستويات بما تعادل ست شهور ،،
اما بالنسبة لكيفية حسبتها .. عادة الملحقيات الثقافية وجهات الابتعاث تحسب لك بداية بعثتك من تاريخ اصدار ضمانك المالي الرسمي الاخير لجهة الدراسة يعني من اول مباشرتك في الدراسة وتسجيلك في المعهد رسمي في اول اسبوع ..
و بالتوفيق
رد: ولله الحمد طلعلي قبول بعثة ومتوهق بــ ESL
بارك الله فيك اوخوي وما قصرت
بس اذا اختبرت عندهم امتحان تحديد مستوى وحطوني بالمستوى الخامس مثلا شسوي بهل الحالة ؟؟
وهل لازم ادرس ال ESL بنفس الجامعة اللي ابي تقدم عليها الماستر ؟؟ اذا لا منو اللي يرشحلي هل الجامعات ؟؟
هل لازم معترف بها في الملحق الثقافي ؟؟
واذا خلصت ESL شهر 11 مثلا ، متي ابلش الدراسة الفعلية ؟؟, شهر 1 ؟؟
وشنو الفرق بين الدورات المطثفة والعادية ؟؟