مشكلتي انا والغاليه ( امي ) <<< ابي حل

تأكد أخوي أن الفراق شعور يمر في حياتنا قليل مما يأثر علينا قدومه ونستشعر بغصة موقفه,,
صدقني أخوي لما تجتمع انت والوالده على قهوة الضحى ولا قهوة المغربيه وتأخذ جهاز اللابتوب معك وتسولف عن المبتعثين والأنديه السعوديه كيف هم متكاتفين وتضحك معها وتقول شوفيهم مبسوطين وتشغل لها مقاطع في اليوتيوب للمبتعثين,, وتخفف عليها وتقول تدرين يمه الحين السعوديين في إمريكاء عددهم تقريباً 40 ألف وانهم متكاتفين ,, صدقني بتضحك وتنبسط ,,
أخوي ترى امهاتنا لو بس يعرفون يستخدمون النت كان شافو إمريكاء مثل الرياض عن القصيم مايحسون بالمسافه ولو قروا في هالمنتدى كان خف عليهم أزمة الفراق ,, مشكله أمهاتنا يخافون من أسم إمريكاء ملاحظ كثير هالشي بس صدقني اخوي عيشها جو النت خلها تشوف مقاطع في اليوتيوب ولا صور مبتعثين وخلها تنبسط صدقني وحتى لو ماتبي ضحكها وخلها تشوف لأنه في الأخير بيخفف عنها كابوس الفراق الأبدي لأنها تحس فراق الولد فراق دهر ,, وإن شاء الله أنه مو فراق أبدي ..
قبل تروح حب راسها ويديها ورجولها وتعهد بانك بتكون لها فخر وبترفع اسمها ,,
الله يجعلك ويجعلنا من الذين أمهاتهن الاتي راضيات عن اولادهن اللهم أمين ..

خذها معك يالبى قلبها

الله يخليها لك

واللة العظيم اني قريت الموضوع وبالفعل عيوني دمعت على الرغم اني مو عاطفية لكن حسيت ان سفري قرب بعد كم شهر وبكون بنفس الموقف مع ماما الله يحفظها ونصيحة للجميع استغلوا فترة وجودكم بجنب امهاتكم في برهم وطاعتهم اقسم بالله اني ماعرفت قدرها الا بعد ماتزوجت وصار عندي ولد حسيت كيف اي ام ممكن تحس بولدها او بنتها اذا اتألم اعوذبالله او حتى لو تركته فترة حتى لو كانت بسيطة انا الا الان ما اخلي ابني عند اي احد غير عند ست الحبايب الله يحفظها او ام زوجي والله يصبر قلب والدتك ويصبرك بس بالفعل كلام الاخوان السابق كله صحيح ان شاءالله كل شئ سهل بأذن الله بالتوفيق ان شاءالله وعقبال ماترجع لحضنها وترفع راسها بالشهادة يارب العالمين اميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييين

بالنسبه لي آنآ ودعتهم من شهر 2 تقريباً وقلت لهم اني جآي برمضآن ،، ومآني صآيم الا معك ،،
امي كبيره بالسن ومآتعرف شي عن النت ،، كلمت خويي هناك ،، قلت له كلمني فيديو ،،


شغلته ،، وقلت لها (هه هذا ولد فلان بامريكا ، تسنه عندتس ،، أبد مآمن فرق ) علمتها ان النت يقرب البعيد
الشهر اللي قبل السفرهـ كآن عذآب لي ولهـآ بس الحين تسآهيل ، وبأذن الله السبت الجآي هذآ وآنآ عندهـآ

كلمتها برمضان طبعاَ قلت لهـآ اجازهـ رمضآن 15 يوم ،، قالت مآ تكفي ،، تعال بالآجآزهـ اللي بعدهـآ
صارت مآتبيني

الله يخلي لكم والديكم يارب

ياخي بعد ماقرأت موضوعك حسيت ان امي تكرهني << شكلها تبي الفكه مني هههه

الوالده اذكر انها بكت يوم اخوي سافر من 5سنوات .. والحين تعودنا على غيابه ! مانشوفه الا شهر بالسنه


انا سفرتي بعد 3 اسابيع .. الي يحز بخاطري ان الوالده تقولي فقدة واحد وبفقد الثاني

ساعات قبل السفر .. تكره الدراسه بالخارج وتتمنى تكنسل كل شي وتجلس مع اهلك

.. اجلس مع امك الله يحفظها .. وقلها انا يمكن ما اكمل الجامعه يعني باخذ كم شهر لغه وبرجع .. وشوي شوي تتعود على غيابك .. ولا تنسى اول الايام اتصل عليها وخلها تشوفك فالمسن وتتطمن عليك وتسمع صوتك

الله يوفقك ويسهل دربك ويطمن قلب امك

أخوي محمد بقول لك الي بقلبي وأتمنى انك تطبقه .. وربي ما اعتبرك الا أخو وما اعتبر امك الا مثل أمي
روح لأمك وبوس راسها وهدي اعصابها وأطرح لها سؤال بكل طيبه وتواضع منك
قل لها .. إذا بخاطرك اني الغي البعثه راح الغيها ونفسي طيبه وماني متضايق من اي شي
وصدقني الله سبحانه راح يعوضك خير
وإذا طلبت منك تلغي البعثه .. الغها ياخوي وصدقني ربي بيعوضك خير وبتشوف التوفيق كله من وين بيجيك
وإذا قالت لك روح وتوكل على الله والقلب داعي لك ..
وقتها أعرض الموضوع على دكتور وخذ منه علاج مسكن للأعصاب وخلها تداوم عليه لين وقت روحتك
وبعد ماتطلع من عندها صدقني راح تهدئ أمورها
بالتوفيق ان شاء الله .. وعسى الله يدبرك على الخير