الفزعه ،، تغيير من جامعه ،، إلى جامعــه ومن ولايه ،، إلى ولايه
السلام عليكم ورحمة الله وبركاته
انا جاي على ولاية انديانا بعد شهر ،، واسم جامعتي ساوثرن آنديانا
وانا ودي اغير الولايه والجامعه ،، واروح لـ ولاية اريزونا ،، وجامعة اريزونا
مع العلم اني جاي على حسابي الخاص ،، هل اقدر اني مجرد ما ادخل امريكا اغير الجامعه ؟
وبالنسبه للفيـزا ،، يغيرونها لي او يرفضونها ،،
واخاف اني اذا كلمتهم بالموضوع يرفضوني و آضطر اني ارجع لـ بلدي
مع العلم ان ولاية اريزونا يدرس فيها اخوووي ،،
وانا ما ودي اني ادفع 20 آلف ريال على السمستر ،، وبعدها اروح اريزونا وابدا من اول وجديد ولا كأني سويت شي
افيدوني يا اخوووان
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
طيب اذا ماطلعت الفيزا جيب قبوووول معهد من الجامعة اللي تبيها واطلع ادرس فيها لانه ذا هو اسلم حل
واذا الفيزا طلعت الله يكون بعونك
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
طيب اخوي انا بالضبط صار لي 15 يوم مقدم على السفاره والفيزه ما طلعت للحين
طيب لو طبعت الفيزه ،، وش اسوي برايك؟؟
ياليت تفيدني
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
اها بس ما اتوقع المعهد رسومه 20 الف السميستر .. لانها بتصير اكثر من رسوم الجامعة علي كذا ؟؟؟
اذا سويت مقابلة خذ سمستر في المعهد او راسل المعهد الجديد وقول لهم المشكلة تبعك واعطيهم رقم السيفيس وان شاء الله المعهد القديم يسوي لك ريليس للاي توني تبعك ..
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
السلام عليكم
اذا تبي تدرس من البدايه في اريزونا وانت فيزتك راح تصدر على انديانا، فما تقدر. لابد لك من حلين وانت اختار فيها.
الاول: انك تروح لـ انديانا وتدرس ولما تخلص اول سمستر تحول على المعهد الجديد با المكان الي تبيه، طبعاً هنا بيكون مكتب الهجره متابعك ولما تسوي ها الحركه بتكون اوراقك سليمه ميه با الميه.
ثانياً:
انك تجيب قبول من اريزونا الان وتقدم على السفاره من اول وجديد وتاخذ فيزا على اريزونا على طول.
حط في بالك انك ما تقدر تبدا دراستك في اريزونا وانت فيزتك مصدره على انديانا، هنا بتكون مخالف لأنظمة الهجره. لا تتكلم عن الفلوس الان، ولكن لازم تتكلم عن القوانين الي ممكن تحمي فيها نفسك وتتجنب اختراقها.
هذا نظام الدوله الي بتروح لها. فلازم تتبعه عشان تكون في الخط السليم.
الله يوفقنا ويوفقك
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
بيض الله وجيهكم ،، الله يطيكم العافيه ما قصرتوا
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
ها يا شباب ما فيه احد يعطيني شي جديد؟
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
ياليت اللي عنده معلومه انه يفيدني بأي شي
رد: الفزعه ،، تغيير من جامعه ،، إلى جامعــه ومن ولايه ،، إلى ولايه
أخوي اللي سمعته من مندوب السفارة وفهمته أنك اذا تبي تغير وانت جالس في السعودية لابد تراجع السفارة عشان تغير التأشيرة أما اذا رحت لهناك يكون المتابعة مع الجامعة اللي انت تدرس فيها عشان يراسلون ادارة الهجرة ولكن قبل كل شي لابد تراجع الملحقية السعودية
الشباب نصحوك انك تروح وتحول من هناك وهذا حل سليم من وجهة نظري لكن الحل الاخر انك تروح لاقرب مكتب سفر وسياحة وتشرح لهم الوضع وهم عندهم حلول ان شاء بتفيدك