شباب بنات والله الدكتور حيرني اليوم الله يخيلكم اللي فهم يقولي

الدكتور قال : السفاره اللي في الرياض هي الاصل وفيها ايام محدده للمبتعثين والفيزا تقدر تخرجها في ايام وبدون ماتجيب الاي تونتي .. طيب انا حجزت في جده كيف اقدر احول للرياض ولا الغي اللي في جده واحجز للرياض من جديد .. وهل اسوي ابليكيشن جديد ولا لا ؟؟؟؟؟؟؟؟؟؟؟؟؟؟؟؟؟؟ والمشكله كل مااكلم الدكتور يقولي السفارات مو شغلي دق عليهم ولمن ادق محد يرد ولا يقفلون في وجهي

السفارة الموجودة في الرياض , لها يوم مخصص لجميع الطلاب .
اما القنصلية اللي بجدة و الظهران , تستقبل كل يوم , بس مايتجاوز عدد الطلاب 2
يمديك تسوي مقابلة في السفارة أو القنصلية , بس ماراح يعطونك التاشيرة الا لم ترسل لهم I-20 على الايميل أو البريد (طيب ياحبيبي انا اش اسوي دحين اذا جيت بحول يقولي لازم تلغي الموعد طيب اذا لغيتو الابلكيشن القديم كنت حاط ان مقابلتي في جده ، كيف العمل هل اسوي جديد واحجز جديد والقديم اطنشه ولا كيف )


والدكتور قال : عليك السكن .. يعني اول يوم على حساب الملحقيه اليوم الثاني لازم تدور سكن بنفسك .. طيب انا مااعرف شي ولا اعرف اي ولايه رايح .. وبعدين انا في نموذج الالتحاق بالجامعه حطيت مع عائله كيف دحين يجون ويقولولي عليك السكن ؟؟؟؟؟؟؟؟؟؟؟؟؟؟؟؟؟؟؟

الملحقية ترسل لك سواق , حاول تخلص اوراقك في اول يوم , اما اذا ماخلصت ! تدور لك على سكن يا حلو .في اكثر من فندق جنب الملحقية , وبعض الفنادق متعاملة مع الملحقية
(طيب انا هناك بدور على عائله كيف اقدر اتواصل هل اروح على اي عائله وادق بابهم واقلهم بستاجر عندكم!! طيب واش فايدة نموذج الالتحاق بالجامعه الاجنبيه اللي حطيت فيه مع العائله )؟؟

والدكتور قال : في البدايه مارح تاخذ مكاافاه يعني شيل معاك فلوووس من هناااا ... طيب كم يلومني اشيل معايا فلوووس وكيف الاليه ؟؟؟؟؟؟؟؟؟؟؟؟؟؟؟؟

شئ اكــيد ,, لزم تكون معك فلوس على الأقل 5,000$ لانه المبلغ المسموح اللي تشيله في يدك , وأول ماتنتهي من الملحقية افتح لك حساب في اي بنك .. وارسل رقم حسابك للملحقية ..
(طيب يعني كم بالريال)

ياجماااعه انا كنت في الملتقى اليوم في الصبااح والدكتووور عبدالله الموسى وماجد الحربي والدكتور محفوظ كلهم قالو نفس الكلام اللي ذكرته .. الاخ اللي رد اول واحد يعيك الاعفيه بس ماجاوبت على الاسئله والله حيران