لو رجعت اجازه يمشي راتبي ؟ ( جاوبو ترى امي بتدعي لكم من كثر شوقها )

السلام عليكم

ريحوني الله يعافيكم ,,

انا مبتعث ولي اربع شهور بأمريكا وابغى اعرف شي واحد

لو اخذت اجازه ورجعت للسعودية لمدة شهر ,, الملحقيه بتمشي راتبي ؟ ولا لا ؟

والله انا ما عندي مشكله اجلس سنه بس امي الله يحفظها ما قدرت تصبر
( آبوها دراسه اذا بتضيق صدر امي )

ارجوا من اللي عنده خبره او قد سافر في خلال أقل من سنه انه يعلمني

ارجووو يرد اللي متأكد الله يعافيكم


دمتم سالمين

الله يخليها لك ويطول بعمرها ..
انا مارحت قريب بروح ان شاء الله والله يسهل علي وعليك وعلى كل مسلم ...
لكن يالغالي فيه واحد جاي قبل فترة وانا مستقبله بالمطار << يعني كلامه هو انا بريئ يقول الراتب ماشي مثل ماهو بأمريكا


تأكد من اهل الخبره :)

ايه بيمشي ... استانس

يمشي الراتب بس التذكره تكون على حسابك لأنك ما خلصت تسع شهور

وعندك طريقتين

في حال ان الاجازه كانت اجازه رسميه .. هنا سافر السعوديه ولا تبلغ الملحقيه ما عندك مشكله لان التذكره على حسابك

اما اذا كنت تدرس في معهد ما فيه اجازات زي ELS فهنا لو تبلغ الملحقيه .. فتختلف على حسب ضمير مشرفك فيه مشرفين يوقفون راتبك وفيه مشرفين ما يوقفون .. وعموما كلها شهر يعني بسيطه جدا وانصحك ما تبلغ الملحقيه لان التذاكر على حسابك وما راح تجلس فتره طويله كلها شهر


بالتوفيق لك اخوي

توي جاي قبل 4 ايام عيدت عيد الاضحى بالسعوديه .. والحمد لله نزلوا لي راتبي بـ بيوم عشرين .. مع ان الي نزلوا برمضان قبلي من اخوياي حطوهم ع الهوولد . بس مشت الامور معي

بالتوفيق ولاتعود اهلك ع الزرقات كل 4 شهور ماتصلح بتاثر عليك وعليهم (مجرد رأي شخصي)

رحم الله والديكم ما قصرتوا

ايه ما عندي نيه اعودهم ,,
بس لأنها اول مره اسافر وتعرف ,, صعبه انقطع سنه كامله لازم جيه خفيفه :)

ما قصرتوا يا غالين