مساعدة معاهد ef في أمريكا؟؟

شوفي يا اختي الناس في المنتدى نوعين .. الاول يبغى المعهد يعلمة كل شي من 123 الي مليون و نهاية الاسبوع ( اختياري ) يعلمة شوية حروف انجليزية و يحط له صور ميكي ماوس و غيره ، هذولي مو عاجبهم شي .
و النوع الثاني الي قالب ازفلت امريكا ( قليل جدا في هذا المنتدى ) فهم ناس مواظبين على دروسهم و ما شاء الله بمسطلحنا " دوافير "
فالنوع الاول لا تنتظري منه الخير ابد .

معهد EF معهد ماله ذكر في امريكا ، لكن من اقوى المعاهد في بريطانيا ( بشهادة اخوي كان فيه ) ، لكن في امريكا ترتيب معاهد الانجليزي كالتالي .. معاهد الجامعات ( مو كلها طبعا ) ثم معهد ELS الي يذموا فيه ربعنا الاولين رغم ان الملحقية معترفة فيه ولا اضن انه معترفة فية من باب " بلاهه او صفاقة او فيه بينهم شي " لانه كثير من الشباب اصحابي يمدحوه ( الا بعض الولايات )

قبل لا تقبلي او ترفضي او حتي تحجزي الطيارة .. روحي شوفي موقع الملحقية اذا هذا المعهد مقبول ( رغم اني اضن انه مقبول ) لكن للتاكيد بس .. وشوفي اي ولاية مقبولة و اي مقفولة .

و بعد كذا ارجعي للمكتب الي وفر لك القبول و اختاري منطقة ثانية لانه واشنطن فيها غلاء فاحش جدا ، و انصحك قبل لا تختاري المنطقة ترجعي لهل موضوع تراه مهم جدا جدا جدا .. و انا اخترت ولايتي على اساسة ( سانتا مونيكا - كاليفورنيا ) << ما اخترتها الا لاني احب اغاني الراب و الهيب هوب << ايش يبغى هذا ؟

كن حذرا جدا في اختيارك لمكان الدراسة في امريكا... - ملتقى الطلاب السعوديين في بريطانيا

واذا انك طالعة على حسابك و ناوية تدخلي البعثة فالافضل انك تجيبي قبول جامعه كمان علشان يكتمل ملفك و يترسل على الرياض بسرعة ، ولا تجلسي تنتظري كثير ، اما اذا على حساب البعثة فلا تشيلي هم لانهم هم خططو لك .. و اذا طالعة 3 شهور يعني تبع انجليزي بس ، فماعليك من كلامي لانك ماراح تدخلي على حساب البعثة او غيرة و همك الانجليزي بس

الله يكتب اللي فيه الخير للجميع

مشكور عالتوضيح
أولاً أنا طالعه على حساب الملك عبدالله الله يحفظه يعني الحمدلله ما عليا الا أشيل هم المعهد
ثانياً مكتب تجسير وفر ليا القبول في هذا المعهد
و لمن طلبت تغير معهد و ولاية قالوا مو مسموح غير تغير الولاية أما المعهد مو مسموح
يعني غصباً عني لازم أروح لهذا المعهد لكن نفسي في ولاية قريبه من المطارات الدوليه (واشنطن دي سي - و اللي في نيو يورك) لأن عندي طفل رضيع و مره صعبه اروح للولايات البعيده معاه راح يجنني

انا شفت انه هذا المعهد موجود في بوستن لكن أبغى أعرف في ايت ولاية ممكن ألاقي هذا المعهد عشان أقدر أشوف الجامعات في هذه الولاية هل فيها تخصصي و التخصص اللي زوجي يريده ولا لأ

مشكور مره تانيه عالمساعده و التوضيح

و منتظره الإجابه

نـصـيـحـة لوجه الله لا أبتغى منها لا جزاءً ولا شكوراً. سلسلة معاهد EF سيئة جدا وطلاب المرحلة الرابعة والخامسة اشتكوا منها وحصلت مشاكل كثيرة في الملحقية وكثير - إن لم يكن - الطلاب المبتعثين من المراحل قاموا بالتحويل إلى معاهد أفضل. اتركي تجسير , ابحثي عن قبول في معهد متميز , أكاديمي , معترف فيه , وغير موقف للتكدس واجضري قبول منه واطلبي تصديقه من الوزارة , وبحول الله ستسير أمورك على أحسن ما يرام. وإذا أردتي مساعدة بشأن التقديم على معاهد اللغة اعلميني.

شوفي يا اختي انا انسان ربي مريح قلبي من ناحية ولاية كالفورنيا بكبرها .. فان تبغي الكلام الصح
امسكي بالعبثة تراها ماتتعوض .. و غيري مكان المعهد وروحي لسانتا باربرا او سانتا مونيكا او سانديغو كلها بكاليفورنيا
انا عندي ابداا ما ارتحت للولايات الي ناحية واشنطن ولا بالوسط ناحية تاكسيس

او ممكن تشوفي ولاية فلوريدا ترا الناس دايما تمدح فيها و بعدين نسبة الامريكان من اصول عربية و العرب هناك توصل لفوق ٨٥٪

لا تشيلي هم و توكلي علي الله او بمصطلحنا اهل جدة ( دقي عجلك ) ولا تسالي في كلام الناس ، الكل يتكلم وانتي لك القرار بالول و الاخر
و بعدين بس توصلي هناك غيري المعهد ترا الشغلة بسيطة

و صدقيني اني حاط ببالي روحة امريكا هذه كاني طالع الرياض لاول مرة ( ضاربها في الحيط ) و ان شاء الله ماني راجع الا و انا شايل الماستر بيدي ، و بعدين الامور سهالات ترا مافي شي معقد ، انا كنت مثلك قبل ما ابحث بالمنتديات لكن بعد مابحث و جنعت المعلومات .. الحمد لله صار شي عادي و بإذن الله عادي

شوفي يا اختي انا انسان ربي مريح قلبي من ناحية ولاية كالفورنيا بكبرها .. فان تبغي الكلام الصح
امسكي بالعبثة تراها ماتتعوض .. و غيري مكان المعهد وروحي لسانتا باربرا او سانتا مونيكا او سانديغو كلها بكاليفورنيا
انا عندي ابداا ما ارتحت للولايات الي ناحية واشنطن ولا بالوسط ناحية تاكسيس

او ممكن تشوفي ولاية فلوريدا ترا الناس دايما تمدح فيها و بعدين نسبة الامريكان من اصول عربية و العرب هناك توصل لفوق 85٪

لا تشيلي هم و توكلي علي الله او بمصطلحنا اهل جدة ( دقي عجلك ) ولا تسالي في كلام الناس ، الكل يتكلم وانتي لك القرار بالول و الاخر
و بعدين بس توصلي هناك غيري المعهد ترا الشغلة بسيطة

و صدقيني اني حاط ببالي روحة امريكا هذه كاني طالع الرياض لاول مرة ( ضاربها في الحيط ) و ان شاء الله ماني راجع الا و انا شايل الماستر بيدي ، و بعدين الامور سهالات ترا مافي شي معقد ، انا كنت مثلك قبل ما ابحث بالمنتديات لكن بعد مابحث و جنعت المعلومات .. الحمد لله صار شي عادي و بإذن الله عادي

أنا زيك ياستي
ومرا حابة سياتل
وماراح اسكن في اولومبيا
وإزا على المشوار عادي جدا
أتمنى نتواصل سوا

انا كمان معهد ef الله يجعلني اقدر احول منه خايف من كثر الكلام عليه

مشكورين عالمساعدة
بالنسبه للأخ المستشار
أنا ملزمه بأني أروح لهذا المعهد لأن المكتب مو راضي يغير لي المعهد بس ممكن أغير الولاية و ما عندي امكانيه مادياً اني اجيب قبول بنفسي و بعدين ما يقبلوه و يروح على فاضي

و بالنسبه للأخ اياد
ولاية كالفورنيا أخاف منه بسبب الزلازل و انا ما حبيت اروح لولايه فيها عرب كتييير عشان بعدين ما راح نتعلم انجليزي بسرعه

و ليلى الدموع و احساس طفلة مبروك القبول بس أنا أفكر أحول من ولاية واشنطن إلى ولاية بوستن أو أيي ولاية قريبه من المطارات الدوليه في امريكا

يا جماعه ساعدوني ماني عارفه خلاص اقرر على بوستن و لا تعروفوا ولاية تانيه فيها هذا المعهد