سؤال بخصوص موعد المقابلة في السفارة

السلام عليكم ورحمة الله وبركاتة ..


يا ليت تفيدوني .. بموعد المقابلة للفيزا ..

دحين انا ما وصلني القبول ولا الاي توني .. ولا عارف اية ولاية حادرس فيها .. ولا اي شي ..

ولما جيت اعبي الابلكيشن حق الفيزا .. جاني وقت الدخول لامريكا .. والولاية والشارع والسكن .. ومني عارف اي شي ..

وحاطين مين اللي حيصرف عليك .. انا ولا شخص تاني ولا شركة او منظمة ..


ياليت اللي قدم ع الفيزا بدون القبول وبدون الاي توني .. واللي راح المقابلة ..

يقولنا ايش سوى وايش الطريقة وايش كتب في الابلكيشن ..
وايش هيا الاوراق اللي اخدها معاه ..

وايش تنصحوني اقدم ع الموعد ولا استنى القبول ..؟؟

لانو كول ما اقرا موضوع عن الفيزا مختلف عن الموضوع التاني ب 360 درجة .. مدري كول واحد بيقول كلام من عندو ولا صح ..




ومعليش طولت عليكم ..

مستر فوفو الي اعرفه انووو ماتقدر اصلا تقدم على الفيز ولاتسوووي المقابله الا بالايتوني على مااعتقد انا سويت المقابله سالوني يقووولون وين الايتوووني يعني انتظر القبووول احسن لك.....
دمت بود..

انا ماقدرت اخذ موعد اساسا الى يوم جني الاي توني ويوم رحت لمقابلة طلبوا مني الاي توني مادري اذا فيه طريقة من غير الا توني الله واعلم

الله يعطيكم العافية .. بس انا سالت واحد للاي توني .. قال حط مكان رقم الاي توني N0000000000

بس مني داري اكمل كدا ولا لا .. لانو في معلومات عن مكان الدراسة .. وانا ولا معلومة مني عارف .. لا اسم المعهد ولا الشارع ولا الولاية ..

والله حووووووسة .. ولخخخخخخخخخخخخخخخبطة ..