مره ماني عارف ايش اسوي محتار حد الدعسه

مرحبا

يعطيكم العافية

انا بسافر لامريكا وماني عارف اجراءات السفارة ياليت بالتوضيح المفصل من طقطق الى سلام عليكم

- وش الاوراق المطلوبة هل يحتاجون جواز سفري القديم مع العلم اني ماسافرت الا مع جواز قديم كنت مضاف فيه مع ابوي وامى وطلعت عشان الابتعاث جواز جديد>>فرحان عنده جواز

- هل يحتاجون تحليل للحمل لزوجتي

- وش الرسوم سيفس وسامبا انا ملخبط مو عارف

- من وين ارتجم شهاداتي الثانوية انا وزوجتى لانها قديمة 1424-1425 يقولون اروح ادارة التعليم ويترجمونها ببلاش بس هل يحتاج وزارة الخارجية لتصديقها ولا لا؟

- هل يحتاج شهادة التطعيم في بعض الجامعات اللى بره وكيف اطلعه ومن وين نترجم والله سالفه

ياجماعة ساعدوني زهقت ابي واحد راح ومتاكد من الاوراق

ايش ياشباب خدمة انسانية لاخوكم انا قالوا لي ان المنتدى يفيدك مو يخيبك

مايصير توقعت تفاعل اكثر

بخصوص رسوم السفس


طال عمرك الرسوم ذي قيمتها 800 أو 850

والرسوم ذي ما تقدر تدفعها الا عن طريق سامبا

وانا من حفر الباطن وما عندنا فرع لسامبا

فكلمت واحد من العيال بالرياض يدفعهم لي



اتمنى انك عرفت وش الرسوم سيفس وسامبا :)

وبخصوص ترجمة الشهادة

أخوي تلقى مكاتب للترجمة

وما تحتاج لا مصادقة ولا شيء

وبخمسن ريال ترجم شهادتك

انا ترجمتها عند مكتب للترجمة

وتراها سهالات لا تعقد أم اسالفة :)

رسوم الفيزا راح تكلفك كالتالي
532 ريال تدفعها في سامبا وراح يعطيك وصل أصفر وهذا للفيزا F-1 وهي فيزة طالب
بعد مايجيك القبول تسدد السيفيس عن طريق الإنترنت في موقع والرسوم عبارة عن 200 دولار = 750 ريال
45 ريال تدفعها عن طريق النت لتحديد موعد المقابلة مع السفارة.

تفضل هذا الرآبط بيفيدك

http://www.mbt3th.us/vb/forum16/thread160807.html


////////////////////////////////

وهذآ قسم إجراءات التأشيرات وأمور القنصلية في موآضيع كثيره
إجراءات التأشيرات وأمور القنصلية Visas Affairs - .:: مبتعث ::.