نـصيحة للي بيسافرون برا أمريكا (ختم الخروج)
السلام عليكم ورحمة الله وبركاته
كيفكم أخواني وأخواتي المبتعثين ان شاء الله بخير
أستغرب من مواقع المبتعثين الكبيره مثل (مبتعث - سعوديين في أمريكا - مكتمل ) ... ألخ
ما ينصحون الطلاب المسافرين للسعوديه او لأي دوله خارج أمريكا بأن يختمون خروج من الامريقريشن في المطار
السراحه الشغله مرره مهمه يمكن أهم من سفرتك للسعوديه
المشكله مو بس مواقع الانترنت حتى الخطوط لما يطبعون البوردنج ما يقولون لك روح وختم خروج وسلم ال I-94
انا طلعت على الخطوط السعوديه قبل تقريبا شهر ولا ختمت الخروج لان الدول الثانيه ما يمديك تطلع الا بختم خروج بس أمريكا غير
- أنا الحمد لله الله ستر وطحت بموظف أخلاق ومحترم قالي ليش ما ختمت ولا سويت تسجيل خروج .. قلت له ما دريت
قالي طيب هذا غلط مين غلطك أنت أو غلطنا حنا ( هو يبغاني اقول غلطكم انتم عشان يستقعد) بس قلت له أنا غلطان 100% قالي اوكيه انا بمشيك هذي المره بس المره الجايه لو سويتها الفيزا بتتقطع ومنت داخل امريكا أبدا قلت له يارجال أذكر الله
مع العلم ياأخوان انك ممكن تسأل وتضيع ومحد يجاوبك أنتم بس أسئلو عن مكتب الاميرقريشن حتى لو موظفين الخطوط قالو لكم هذا نظام قديم او ما يحتاج أنتبهو( بعض المطارات يكون المسافه بين الاميرقريشن ومكان الاقلاع يبيلها ترين او باص يعني لا تستغربون)
والله يوفقنا ويوفقكم ويوفق الجميع لما يحبه ويرضاه
رد: نـصيحة للي بيسافرون برا أمريكا (ختم الخروج)
.
آأنآ بطلع بعد آأسبوعين , وشو الأميرقريشن
وربي مآني فآهم شي !؟
:(
رد: نـصيحة للي بيسافرون برا أمريكا (ختم الخروج)
^^
الرجال يقصد اذا جيت تسافر ل سعودية "
لازم تسوي تختيم خروج من اميركا !
سسلمت ياذيب , وبالتوفيق للجميع ,
رد: نـصيحة للي بيسافرون برا أمريكا (ختم الخروج)
رد: نـصيحة للي بيسافرون برا أمريكا (ختم الخروج)
الامقريشن مكتب الهجرة ،
شكرآ لـصـآحب الموضوع :)
رد: نـصيحة للي بيسافرون برا أمريكا (ختم الخروج)
يعطيك العافيه على التنبيه
تسلم يمينك
رد: نـصيحة للي بيسافرون برا أمريكا (ختم الخروج)
طيب وش رايك انا حاليا بالسعوديه اجازه و لما طلعت من مطار سياتل ماسويت الختم ، فقط سلمت ال I-94 لموظفة الخطوط الفرنسيه
بأختصار ،،، اللي مسوي تسجيل دخول عند الوصول للولايات المتحده لابد له من ان يعمل تسجيل خروج قبل مغادرة الولايات المتحده من مكتب الامقريشن
اما من لم يعمل تسجيل دخول "مثل حالتنا" فلا يحتاج الى تسجيل خروج
"مع العلم بأن هذه لم تكن اول سفره لي خارج الولايات المتحده"
لا يفوتني ان انبه لضرورة تسليم ورقة I-94 لموظف الخطوط اللي مسافر عليها لأنه بحالات نادره قد ينسى ان يأخذها موظف الخطوط و من ثم يتعقد دخولك للولايات المتحده مره اخرى
تذكر بأن تسليم ورقة I-94 مسؤوليتك و ليست مسؤولية موظف الخطوط
رد: نـصيحة للي بيسافرون برا أمريكا (ختم الخروج)
ايه والله صادق
أنا أكثر من واحد نبهني على ختم الخروج لكن يوم رحت المطار وقصيت البوردنق سألت موظفة الخطوط قالت مافيه شي اسمه ختم
ودبست الـ i94 في البوردنق وقالت بس عطه للموظف حق البواية.
بعدين سألت العسكري اللي يدقق البوردنق مع الجواز قبل دخول الترمنل وقال لي نفس كلامها
بس يوم دخلت الطيارة لقيت فيه ضابطين يشيكون على الجوازات يوم شاف جوازي قال وين الختم قلت له السالفة وان موظفين المطار نكبوني
عاد جلست يتكلم عن الكتاب اللي عطونياه أول مادخلت وانها مسؤوليتي ومن هالكلام بس أنا أصريت انه مب خطأي وااي علي سويته
وبس.. خلاني أركب الطيارة بدون ختم ولاشي ورجعت لأمريكا وماقالوا لي شي
رد: نـصيحة للي بيسافرون برا أمريكا (ختم الخروج)
^
من حظك الحمدلله
ابعد عن الشر وغني له اختم وريح راسك لانهم قروووشة
رد: نـصيحة للي بيسافرون برا أمريكا (ختم الخروج)
ياأخوان أنا مبتعث الى امريكا وش اللي علي من أول ماأقلع من السعودية وآسف على الشطح