تعليق على خطاب معالي وزير التعليم العالي القوي الذي نشر في سبق

هههههه ابد توكل على الله وعندي اثباتات .. انا مشرفتي المتخلفه السودانيه رحاب محمود

قلت لها برجع للسعوديه في رمضان قالت اوكي بس ترا بوقف مرتبك الشهري لانك بترجع وانت ماكملت تسعه شهور قلت لها اوكي بس قالت ارسلي التكت حقك عشان اوقف مرتبك الشهري .. عشان بشوف متى بتروح ومتى بترجع .. المهم قررت اني مارجع .. يوم نزلت الرواتب ماستلمت شئ .. ارسلت لها ليش مانزلي شئ قالت مو انت رجعت السعوديا .. قلت لها اصلا مارسلت لك التكت يالمتخلفه .. استلمت مرتب رمضان مع شوال ..

الله يعين

اليوم قرأت خبر الخطاب الصارم الذي وجهه معالي الوزير لجميع المحلقيات السعودية في العالم والقاضي بتخصيص وقت للاتقاء بالطلاب. عندما قرأت المقال حرك في نفسي مواقف. لكن الحقيقة الكلام عن الملحقيات يطول والمعانات منهم كبيرة. الواحد الان مايدري يركز على الدراسة او يتعامل مع الملحقية. خذ مثلا مثلا الدكتور سعد السويلم المشرف على الولايات الغربية في امريكا من اسوا المشرفين الممكن تواجههم في دراستك في امريكا. من ناحية التعامل مع الطلاب خذوا هذا المثال هو معروف باغلاق السماعة في وجوه الطلاب عندما يتكلمون مع سعادته. احد زملائي كان مع خاله في مكتب السويلم في المحلقية في واشنطن, اتصل احد الطلاب عليه واخذ يشرح لسويلم مشكلته فقال له السويلم في اثناء ذلك انا الان جدا مشغول واغلق السماعة في وجه واكمل شرب القهوة والسوالف معنا ولا كأن في احد متعلق ينتظر العون من سعادته. وكذلك سوء الاخلاق عندما تتصل به اذا كتب الله و رد على اتصالك.
المشرفة سميرة اغا. من اسوا المشرفات في لوس انجلوس. خذ ابسط مثال ممكن تقوم الصباح تلقى نفسك قد تم ايقاف المخصصات المالية حقتك من غير سبب بعدين تقعد اسبوعين حتى ترد عليك بعدين تقول بابسط شي هذا كان عن طريق الخطا. كذلك تكتب رسالة كاملة تشرح لها مشكلتك ومعاناتك من شي ترسل لك بكل بساط كلمة لا ولا تتبرع بمساعدتك بذكر بعض الحلول الممكنه يعني ما كأنك تتكلم مع مشرفة لاني اللي اعرف المشرف او المشرفه موضوع لمساعدة الطالب لكن للاسف الواقع بعيد وبعيد جدا عن ذلك. خويي في الولاية له الان ثلاثة اسابيع يدق عليها يوميا كانه مريض والى الان ماتدرى كانك قاعد تدق على وزير او دائرة حكومية وكذلك تقعد تنتظر الضمان المالي اسبوعين عشان يصل لك بينما في مكان اخذ ماياخذ يوم واحد مثل صاحب لي في ولاية اوريقون جاه الضمان في يوم كذلك اخر في واشنطن.ارجو من المحلق الثقافي الدكتور العيسى النظر في هذه التجاوزات والتكاسل من الموظفين في اداء الواجب. وان يستفيدوا من تعامل الغرب وللاسف من الطلاب والله انا مرة رحت لجامعة قوية جدا في ولايتي تخيلوا من اللي قعد يشرح لي طريقة البرنامج في الجامعة وطريقة التقديم نائب مدير القسم وبكل ادب واحترام وبعد هذا ارسلي ايميل بمزيد من المعلومات. يعني نائب القسم فاضي لكن حس التعامل الحسن موجود عند وماهو مشرف او مشرفة رافع نفسه على الطلاب كان وزير اومدير جامعة.
والان عندهم موضه جديده في الملحيقة قالوا لبعض الطلاب جيبوا قبول جامعي والا سوف يتم وقف مخصصاتكم المالية وهم الان لم ينتهو من سنه اللغة والنظام لازم يكون عندك نظام اذا انتهت فترة اللغة. كل واحد يحط نظام من عنده شغل تهديد.
الله بس يصلح الحال, ونشكر الوزير على هذه الوقفة الجميلة.