طيب حاولي تراسلين السفارة الامريكية او دائرة الهجرة على موقعهم..!؟
7 " هام جدا:اصل الاي تونتي ضاع وعندى صوره اقدر ادخل امريكا ؟
هام جدا:اصل الاي تونتي ضاع وعندى صوره اقدر ادخل امريكا ؟
تنبيه: هذا الموضوع قديم. تم طرحه قبل 4868 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- اسأل الله العلي القدير ان يوفقك ويسهل امرك ان شاء الله7 "
- الله ييسر لك امرك7 "
اما الموظف هذا وش يحس فيه
دراستك ومستقبلك يرميه بكل برود كمان لو انو قال ضاع طار اي حاجه
اما رميتو بالزباله ماقول الا حسبي الله ونعم الوكيل
عزيزتي اذا معاك النسخ انشالله امورك تمشي
بس انتي لاتتوترين وانشالله ربي ييسر لك امرك
بالتوفيق - سافري و توكلي على الله و مو صاير إلا الخير7 "
لا تقولين لهم ضيعته قولي لهم المعهد ارسل لي صورة و الأصل مازالت في البريد مابعد توصل و مافيني انتظرها
اجيب لكم الاصل الحين و دام غيرك مر بنفس التجربة حطي ببطنك بطيخة صيفي
و انتي بنت يعني اسهل مامنك خوفه و لا يدققون عليك مثل الأولاد مساكين
لا تحرقين دمك الله لا يعودها من أيام ماطلعنا بعثة الا و حنا مشيبين - مشكوره اختي ،،7 "
شكلي راح اراسل المعهد بس والله اني اخاف ادخل بالصورة واتورط مع هالامريكان !! ماعندهم الا النظام والقانون
ونعم بالله ..انشالله ربي يكتب اللي فيه الخير
ايه عندي كل 3 اوراق بس كلها نسخ .. بس ممكن اعرف مين قاللك انو عادي؟؟
مشكور على الفزعه
مشكور وماقصرت ... لو اني انا اللي داخله عليه كان والله محد فكه من يديني الا د. الحربي... بس مرافقي اللي خلص اموري اخلاق واداب..ماقدر ينتفه على قولتك ههههههه
اخاف يشفون خوفي وقلقي يقولون هذي وراها شي مو طبيعي ويقومون يوروني نجوم الليل بعز النهار
ايه شكلي بشوف المعهد وش راح يقول لي.. بس اخاف المعهد يعابط ويقول مادامك ضيعتيها فتحملي اللي جاك ..وماراح نصدر لك واحد جديد
والله انك سعودي ورايتك بيضه الحمدالله لقيت اول شخص مر بالتجربه ور علي شخصيا.. الله يوفقك انشالله وانتبه لا تضيع الاصل مره ثانيه ..انا حلفت وقلت اذا لقيت الاصل بربطه برقبتي عشان مايضيع مره ثانيه هههههه - راسلتهم .. والسفارة ردت قالت اسألي دائرة الهجره .. وارسلت لدئراه الهجرة بس المشكله عندهم اجازه الكريسمس يمكن عشان كذا ماردوو7 "
تسلمين اختي على الدعاء ..
اما الموظف الله يصلحه ويخليه لاهلة ..بس ياانا بكيت يوم قال لي المرافق ان الموظف قال : يمكن رميتوا بالزباله !! انا وين وهو وين .. بس مااقول الا حسبي الله على مين كان السبب.
والامان بالله..راح استخير واشوف وين يصير معاي - ارغب بشكر كل شخص رد علي سواء بدعاء او بتجربة او بخبر سمعه من احد زملائه ..
شكرا شكرا شكرا لكم ...شكرا على احساسكم بمشاعري وبمشكلتي ..شكرا لكم على وقوفكم معاي ..شكرا لدعائكم ..شكرا لاخلاقكم الرفعية والتي ان دلت على امر فتدل على معدنكم الاصيل ..
صدقوني يوم رايت الردود هذا اليوم لم اصدق مارأيت كل هذه الردود وكل الاشخاص الذين ورائها يحاولون إيجاد حل لمشكلتي وهم لايعرفون من اكون وانما بدافع الحب الاخوي وحب العطاء قمتم بالرد ..
قد ادمعت عيناي مما رأيت وقرأت جعلكم الله ذخرا لوالديكم ولاهلكم والناس اجمعين
اتمني ان ارد لكم جزء من معروفكم علي وان اتمكن من مساعدتكم في المستقبل - طبقا اذا كان متعلق بالدراسة اما المشاكل فاانشاالله محد بيشوف اي مشاكل
الله يوفقكم في بعثتكم وفي دراساتكم ..
- ياناس اسمعوا رد الموظف والله هدا المفروض يطردونه ويسجنونه او يقتلونه حتى اخلاص في العمل مافي والمفروض ان زي هولاء الموظفين ينطردوا ويتعاقبوا الله يعينك يااختي وان شاء الله راح تلاقينه وتتيسر امورك ان شااااااااااء الللله7 "
- الله يسهل لك امرك وامر كل مسلم ويفرج عليك,,ادعي ربك وتوكلي على الله ولا تخافين من احد ابداااا ,,7 "
- لا حول و لا قوة إلا بالله...7 "
معذرة لأني لسة أقرا الموضوع...و الاخت صاحبة الموضوع لها فضل كبير على ناس كثيرة وصلت بيتسبرغ بعد فضل رب العالمين ثم بفضلها..
أنا متابع الموضوع مع الأخت و إن شاء الله احاول أساعد باللي اقدر عليه يارب.
----------------------------------------------------
بالمطار واشنطن دلس في خطوات عديدة...الموظفين للامانة ماكانوا سيئين بالتعامل بس ماشين بالنظام...و على الاقل اخلاقهم احسن من الموظفين السعودين اللي مسحوا فينا الارض قبل ما اغادر السعودية و احتسب اجري عند رب العالمين من ورى اللي لاقيته من الموظفين السعودين قبل مغادرتي--->تحس في بعضهم انهم حاقدين علينا عشان طالعين برى..يفكرونا رايحين بسياحة ..مايدرون اننا في تعب و مشقة الله العالم فيها يكفي بس مفارقين اهالينا و جلستهم الحلوة...الله المستعان!.
المهم في وقت الوصول لمطار واشنطن دلس... أنا كنت تعبان و مريض و حالتي حالة أقولهم سكري نازل خلوني ارتاح...قالي الموظف الامريكي جيب أكلك هنا و أكل قدامي!...الخطوات صارمة و مافي تغاضي عنها و مايعذرون بنت أو ولد...
يطالع بعيوني يقولي أنت سكران!...وسين و جيم...فالواحد يبغى يخلص بسرعة...تعب و ارهاق قلت بعدها خلااااااص توووبة ما اسافر مرة ثانية!
-------------------------------------------------------
المعهد مرة طيبين و حبوبين...و الناس هنا تقدر الحيونات...فما بالكم بتعاملهم مع البشر...فارتحاوا من هالناحية...وخصوصا المعهد هذا موظفاتهم ينحطون ع الجرح و يطيب و يحبون السعودية كثيييييييير و طلابها....حتى استغربت الموظفة الامريكية المسيحية ترد علي بالسعودي: "ان شاء الله!"--->خخخ شر البلية مايضحك و ربي!
--------------------------------------------------------
الشي اللي استغرب ليه ماحد من الاخوان عطى الاخت الرقم من الكتيب اللي استلمناه في مطار دلس بواشنطن لانه ممكن يفيدها ان شاء الله--طبعا انت يا ختي راح انشالله على الاغلب تهبوطون في نفس المطار-.. و هم بعد ماخلصوا تحقيق معي عطوني الرقم هذا و قالولي استخدمه في حالة الضرورة او اي استفسار "اي تونتي ضاع-جواز-فيزا-....الخ"
تفضلي:
7036617100
Address:
DULLAS INTERNATIONAL AIRPORT
Main Terminal, Lower Level, West End
Dullas, Virginia20166
24 hrs work
لا تنسونا من دعائكم.