وصلت ولله الحمد .....تقرير من طلعت من البيت ؟(تحديث)

بسم الله الرحمن الرحيم
اخباركم شباب وبنات طيبين :taunt:<<اكيد طيبين ^_^
الموهم خلونا في المهم بلا رسميات <<تزبيد تايم:1eye:
تقرير عن سفري من طلعت من البيت بالرياض
الى ان وصلت امريكا :hyper:
اولا رحلتي على الخطوط القطريه
كنت انتظر لين تجي الساعه 2الليل عشان امشي للمطار لن رحلتي الساعه 5 صباح
المهم مرنا عمي وولده الي هو بيخاويني لامريكا <<<حسيت ان طالعين للثمامه:roflmao:
ركبنا الشنط ثم قمت اتذكر وش انا ناسي لني متاكد اني بنسى شي
وقلت اتذكر وشلون حياتي ووش فيها عشان اتذكر:laughing:<<وسوسه
المهم مشينا وتوديعات وقروشه ولازم الواحد يحزن وينزل دموع عشان يبين حبه:laughing:
مشينا ووصلنا المطار طبعا الواسطه في كل مكان وزمان
حصلنا المكان زحمه وكذا وكلمنا واحد واختصرر الموضوع وخذ الشنط وقص لنا البوردينق
ثم ودعنا ابي وعمي ياللهي كم هذا محزن <<يعني اني <<سماجه شوي:ermm:
تقدرون تتجاوزون بغضبكم السطر الي فوق ^_^
هههههههه\الزبده
جلسنا بالاستراحه لين تجي ساعه الاقلاع وقعدنا نسولف ونطق طق
ومرونا اخويانا وسواليف شوي الين جت لحظة الوداع الصدقيه
**********
فاصل اعلاني :ماما افينا نخلي اليوم الخميس خليه بكره حبيبي <<<لعب في الاعلان هعـ
**********
ورحنا نركب الطياره ثم كنا نستهبل تخيل نصيح ونحزن
بس يوم جت صدق ومرينا من ذاك السيب قلنا ياولد الوضع جد وانا ماشي للطياره من السيب ذاك قلت ان ركبت الطياره مو مقابلين العالم الا بعد سنه تقريبا
والله اول مره احس اني بحزن <<<المشاعر مضروبه:laughing:
المهم ركبنا الطياره
وحمدالله كان في تلفزيون قدام كل مقعد وتناظر فيه افلام واهداف الشامبيونز
وكل شي
موجود
المهم قروشه وحركنا وتقلصت رجولي(كرمتو) من القعده
لين وصلنا قطر ترانزيت ساعه ونص
****
<<<يحس في كم نفر نامو على التقرير النايم ^_^
****
التكمله :
والله ومدري وش نسوي قلنا نتكي شوي في الاستراحه لين يبقى ساعه ونروح للرحله
والله من المطار حسيت اني وصلت امريكا مالقيت ولا عربي كلهم اجانب حتى العسكر :movingtongue:
الموهم مرينا من التفتيش
ثم ركبنا الطياره مره ثانيه
ويلعن امها رحله طولت ولا الي على يساري وجهه امريكي واحاول اذب وجهي عليه
طلع نفسيه
وجلست شوي الاه يطلع لي كتاب بلغه فارسيه مدري باكستانيه قلت في نفسي <<حمار يوم اذ وجهي عليك:disgust:
الموهم ومشينا وغثونا بــ اكلهم
وسفر 17ساعه مدري كم نعن ابوها تعب
تقلصت رجلي والله ظهري وجسمي مدري شــ جاه
قمت وقعدتــ اهرول بالطياره:1eye: ابي امرن العضلات
الموهم ونمشي مدري نطير نطير نبي نوصل ما طعنا نوصل
لابوها بعيده
الموهم انوم ما قدرت انوم الين اناظر مسار الطياره لقينا انفسنا فوق موسكو مدري وين:1eye:
قلت يليل مطولك المهم قبل ما نوصل بساعه عطونا I94بعد عطونا شي ازرق مع الاي 94
نعبي فيها بيانات
رقم الطالب
والجواز وزي كذا
بعدها وصلنا مطار واشنطن الي هو مطار دلاس

والله ودخلنا وخذونا بالباص للمطار ثم قالو غير امريكين يمسكون هالمطار
ومسكناه والله ومسكنا خط مدري طابور
وانا انتظر دوري وقرب الا اشوف واحد مشبه عليه واقول هذا شايفه والله اعرفه
وادقق الا الي قدامي الاعب شيفشنكو وانا تطلع عيوني وترجع :crazyeyes:وافرمت عيوني :hypo:واشغلها ثانيه :saddam:واقول لا لا
وفجئه اشطح للعالم شيفشنكو :1eye:
شيفشنكو قام يناظرني ويضحك ضحكة مشاهير :tongue4:
انا مدري فجئه ما فكرت انا رايح لقدام وهو في الطابور الي جمبي معاكس
قلت يليل ودي اصور او توقيع شي
بس ما يمديني مدري ما فكرت فيها المهم انقهرت يوم راح مو وهو موجود:1eye:
المهم والله وياخذون بصمتي وفله وكذا ثم قالت لي رح سيده
ثم يسار
ورحت وخذو جوازي والايت وني عشان الامرقيشن مدري وشو ولطعونا 3ساعات
وحصلت السعودين والناس الي اول مره يدخلون امريكا
المهم لا يغركم كلام العالم والله انهم نصابين
تجريد ملابس وقروشه <<يبطون هعــ
قسم بالله ما فتشوني ولا لمسوني ولا شي اللهم تفتيش الي في مطار قطر تفتيش عادي
المهم نادو اسمي وخلصت وعطوني جوازي
ثم بعدها نادو ابن عمو الي نكب نفسه ومافهم وضيع الطريق ودخل غرفه للشرطه بس ويدخلونا ببطاقات ودخلها وانكب وقامت تصفر الغرفه وجوه وقالو ستوب ستوب
لا تتحرك ومدري كيف ودرو ان مضيع وقالو درفها يعني سقها ولا تتعودها هعـ
وقالو لنا روحو خذو الباق (الحقائب)
وخلاص ولكم تو يونايتد ستيت
المهم تطلع وتشوف الناس الس يستقبلونكم :1eye:
المهم تشوفون لوحة الملحقيه الثقافيه السعوديه
يستقبلكم واحد مصري كذا شكله زي صلعت زيدان ويلبس نظارات:tongue4:
والله فله وقالو انتظرو وعطانا اوراق وقال عبوها في الفندق
وجونا المهم وجاء سواق الهوتيل دبل تري
وركبنا الشنط ورحنا للهوتيل
ووصلنا وقالو رحو قدام يمين في غرقه كبيره فيها واحد سوداني مدري وشو
تبع الملحقيه والطلاب وفيه ماكينة تصوير عشان تضبط نفسك
وعطونا اوراق زياده نعبيها

وعبينا الاوراق وتعرفنا على كم واحد وفله حمدالله ارتحنا لبعض
ورحنا نريح يوم اصبحنا افطرنا
ومرنا سواق الملحقيه
ووطق طقنا معه وودانا الملحقيه
ثم يوم وصلنا
طبعا الي شعره طويل ما يدخلونه
الي على حسابه ما ياخذونه الملحقيه اصلا يسلم ملفه في الفندق
الي معه امر اركاب اوقرار ابتعاث هم الي ياخذومهم
المهم عشان معي بس امر اركاب عطانا رقم الصادر للي معهم امر اركاب بس
اما الي معه قرار ابتعاث يتكلمون معه ووويسون له اجرائاته
المهم قالو لنا تمشو الين نخلص اخوياكم الي معهم قرارات ابتعاث
قدامكم 3ساعات تمشو فيها لين يجي سواق الملحقيه وياخذكم مره وحده !؟
المهم وخلصنا ولله الحمد ورجعنا للهوتيل
ثم رحنا نتمشى حنا والعيال وكم واحد في مول دلاس
والله حلو طلعنا لنا ارقام \تي ان تي بايخه طلعتها سامجه
ثم طلعت تي موبيل
الموهم وجاء بكره :1eye:<<<احس انها جمله غير مفيده
ورحت للمطار عشان رحلتي لبورتلند
وفتشونا وخلاص رحنا ولله الحمد وطبعا تجي ذبات وجه على الامريكيه وحمدلله متقبلين الامر هم
وانا انسان فرندلي مما عندي مشكله
الموهم وعايشين وحمدالله وصلنا
وخلاص <<<تقرير نايم:1eye:

تحياتي

هههههههههههههههههههه

احييكـ اخوي رمز الوفا ومشكووووووور عيشتنا فالجو صار عندي خلفيه :D

والحمد لله على السلامه والله يوفقك .

رمز الوفا أخوي ممكن تقولي إذا طلبوا منك صور ولا لأ..؟

والله أنا عندي صور كثير بس كلها 2×3

و 5×5 ومافيني اروح الإستوديو وتصوير 6×4

مدري ليه حسيت إني مشهووور خخخ

وبالنسبة للشعر على أي أساس يحددوا مقياس الطول..؟؟

الله يوفقك أخوي رمز الوفا ويسهلها عليك وكلها كم يوم وانت راجع ان شاء الله بشهاده ترفع فيها راسك وراس أهلك ووطنك

بس معقولة سالفة الشعر أكيد تستهبل

اقتباس:

---

المشاركة الأصلية كتبت بواسطة رمز الوفآ

طبعا الي شعره طويل ما يدخلونه

---

أنا شعري طويل زي شعر شمشون إذا شلته ما بيبقى براسي شئ للدراسه

اقتباس:

---

المشاركة الأصلية كتبت بواسطة broken_ice_3

رمز الوفا أخوي ممكن تقولي إذا طلبوا منك صور ولا لأ..؟

والله أنا عندي صور كثير بس كلها 2×3

و 5×5 ومافيني اروح الإستوديو وتصوير 6×4

مدري ليه حسيت إني مشهووور خخخ

وبالنسبة للشعر على أي أساس يحددوا مقياس الطول..؟؟

---

والله لا طلبو صور ولا هم يحزنون
اما مقاس الشعر معروف الي شعره اطول مثلا من نص الرقبه يقولون له
تفضل لو سمحت
..................
الله يوفقكم ويوفقنا

اقتباس:

---

المشاركة الأصلية كتبت بواسطة أبو زهره

الله يوفقك أخوي رمز الوفا ويسهلها عليك وكلها كم يوم وانت راجع ان شاء الله بشهاده ترفع فيها راسك وراس أهلك ووطنك

بس معقولة سالفة الشعر أكيد تستهبل


أنا شعري طويل زي شعر شمشون إذا شلته ما بيبقى براسي شئ للدراسه

---

ولد عمي ما دخلوه الملحقيه عطوه رقم الصادر وقالو خلاص انزل او رح
وفي واحد متزوج ما دخلوه خلو زوجته تدخل
قالو له توكل
والله هي واضح دام شعره تعدى نص الرقبه من ورى ما يدخلونك

اقتباس:

---

المشاركة الأصلية كتبت بواسطة رمز الوفآ

ولد عمي ما دخلوه الملحقيه عطوه رقم الصادر وقالو خلاص انزل او رح
وفي واحد متزوج ما دخلوه خلو زوجته تدخل
قالو له توكل
والله هي واضح دام شعره تعدى نص الرقبه من ورى ما يدخلونك

---

هههههههههههههه الله يرجكم يالملحقيه وش عندهم محقطين

زين ما قالوا الدخول لازم يكون بالزي السعودي

ما فيه أمل أحلق

بس عاد تدري شلون

والله في بالي اسويها واطب عليهم مرسم بالثوب والشماغ بس فيه عندكم كوايين يظبطون الشماغ ولا لا ؟؟

الله يبسلك يارمز الوفى قبل أسبوع رحت الملحقيه
ودخلت
شافو الشعر وقالو ليش ماتحلق قلت ما هي من ضمن الشروط
لدخول الأراضي الأمريكيه بس أبشروا أحلق بعد ما أنهي الإجراءات
حلصة أموري من عندهم وهذا اللي صار معي.......مشكلتنا أننا ندقق
على أشياء تثير الجدل وهي سهالات...................

.
اخي رمز الوفاء ..
انت رمز في سردك لقصتك ... شكراً لك واسأل الله ان يوفقك وييسر لك امورك انت وولد عمك .
.....
عندي سؤال صغير :-
طلع معاكم عوائل سعوديين في الطائره كيف كان وضعهم وخاصه إللي معاهم طفل ((افهمها يعني معه طفل وجايكم في أمريكا)) ؟
كيف كان وضع امريكا في التفتيش للسعوديات او العوائل السعوديه ؟
عندي (طفله) سنه ونصف الله يصلحها احس انه بيأخذه الإنتربول فيها (نشاط زائد) جلوس ما فيه لا زم حركه فأفكر كيف 12 ساعه في الجو وش راح تسوي ولكن يمدحون (شراب السعال) يقولون ينوووم هههههه .
اخر سؤال يالغالي انت على حسابك أو على حساب الدوله ؟

مره آخرى اشكرك وآسف على الإطاله

تقرير وافي جدا ... الله يوفقك اخوي رمز الوفاء وينور دربك انت وولد عمك