نصيحة الله يخليكم..ضروري

بسم الله الرحمن الرحيم

/
\

اتمنى من العلي القدير التوفيق لكل مبتعث ومبتعثه في دراستهم...

امنيتي الأبتعاث لأمريكا..

ياشباب تنصحوني اتزوج واطلع بزوجتي لأمريكا..او ادرس في امريكا لمدة سنه تقريبا وبعدين ازوج وطالع بزوجتي..

لأن كثير كلمتهم في الموضوع ...فيه المؤيد لفكرة الزواج والخروج بزوجتك..وفيه ناس يقولون اطلع اول وبعدين ارجه وتزوج وروح وانت زوجت..

وطبعا كل واحد وجهة نظره..

ولكن انا رغبتي اتزوج واطلع بزوجتي..

السؤال للطلاب

فيه صعوبات لو اطلع بزوجتي من اول مره؟؟

ولا من الأفضل اطلع لوحدي وبعدين ارجع وآخذ زوجتي؟؟

الوضع راح يكون سهل لو اطلع بزوجتي من اول مره ولا راح تكون فيه صعوبه؟؟

اتمنى منكم نصيحه تقتل حيرتي...

نصيحتيُ لك إطـلع زبط وضع السكن والموآصلآت وكل شيُ بعدين جيب زوجتك آفضـل

اعرف كثير توهم متزوجين كلهم جلسو سنة هنا وعرفوا المدينة واللغة شوي

ورجع تزوج وهذا افضل حل عشان تعرف كل شي صعبة جداً تجي انت وزوجتك

بدون اي خلفية عن المدينة وبدون سيارة والاشياء هذة فنصحية تعال وبعد سنة ارجع تزوج

السلام
الكثير من المرافقين يجي مع اهله اول مره ايش المشكله

و أنا اخوك أهم شي أهم شي أستخر ربك ....

ثاني شي سواء بتاخذها من الحين ولا بعد سنه أنت لازم تملك على لاقل قبل ما تسافر ...

لانه لو سافرت وابتعثت ما تقدر ترجع للسعوديه الا اسبوعين ٣ وهذي فتره ما تسمح لك انك تتزوج وتقدم لها على فيزا و معهد في ٣ اسابيع ...

طبعا تقدر توقف بعثتك ٣ شهور .. لكن الافضل الافضل أن تملك عشان تاخذ الاوراق و من الخارج تقدم لها على معهد وتلحقها ...

وبنفس الوقت تكون هي تحفظك بعد الله من البنات برا وتصير تكلمها و كذا ...عاد بعد ٦ شهور ترجع لك ٣ اسابيع تسوي عزيمه صغير ..

وتاخذ بنت الحلال وتروحون ... طبعا وانا اخوك استشر ناس غيري مروا بالتجربه افضل ....

وانا طبعا من ناحيتي اقول خذها من اول مره لاتروح وتظبط ... إذا على التظبط صح هو يبي له شغل بس أنت من الرياض دامك متزوج
أحجز السكن والشقه وادفع مقدم وكلش ظبط امورك ... والله يسهل علينا و عليك ومبروك مقدما والله يبارك لكم ويبارك عليكم ...

الله يسهل امورنا واموركم يارب ..

اقتباس:

---

المشاركة الأصلية كتبت بواسطة BLiNke182

و أنا اخوك أهم شي أهم شي أستخر ربك ....

ثاني شي سواء بتاخذها من الحين ولا بعد سنه أنت لازم تملك على لاقل قبل ما تسافر ...

لانه لو سافرت وابتعثت ما تقدر ترجع للسعوديه الا اسبوعين ٣ وهذي فتره ما تسمح لك انك تتزوج وتقدم لها على فيزا و معهد في ٣ اسابيع ...

طبعا تقدر توقف بعثتك ٣ شهور .. لكن الافضل الافضل أن تملك عشان تاخذ الاوراق و من الخارج تقدم لها على معهد وتلحقها ...

وبنفس الوقت تكون هي تحفظك بعد الله من البنات برا وتصير تكلمها و كذا ...عاد بعد ٦ شهور ترجع لك ٣ اسابيع تسوي عزيمه صغير ..

وتاخذ بنت الحلال وتروحون ... طبعا وانا اخوك استشر ناس غيري مروا بالتجربه افضل ....

وانا طبعا من ناحيتي اقول خذها من اول مره لاتروح وتظبط ... إذا على التظبط صح هو يبي له شغل بس أنت من الرياض دامك متزوج
أحجز السكن والشقه وادفع مقدم وكلش ظبط امورك ... والله يسهل علينا و عليك ومبروك مقدما والله يبارك لكم ويبارك عليكم ...

الله يسهل امورنا واموركم يارب ..

---

عزيزي اوقف بعثي عشان زواجي ؟؟؟


صاحبي الان راجع والوضع مزبطة من ناحية يوم الزواج والفيزا وكل شي

وراجع بعد اسبوعين لامريكا توة متزوج وهو جلس سنة هنا في امريكا بعد ما عرف المدينة وعرف اللغة زين

رجع يتزوج واعتقد هنا يكون دور التخطيط في يوم الزواج والتقديم على الفيزا وكل شي الله يوفقة ويوفق كل طالب وطالبة

يا اخوي تزوج وروح مره وحده الموضوع موب صعب انت توكل على ربك وتتسهل وحاول تكون مرتب موضوع السكن قبل ماتسافر هذا اهم شي عالاقل تصير تحط المدام بالسكن وانت تستكشف المكان
انا تزوجت ورحت مع زوجي اول مره ومن المطار عالتكسي على القست هاوس سبحان الله عالبركه لقينامن اول خبطه وكنت اجلس لحالي اول مره ما اطلع معه في كل مشوار لحد ما اخذ زوجي عالوضع وعرف المكان والمداخل والمخارج وصرنا نطلع عادي ونتمشى ونستانس في السنتر والحمدلله انت بس لا يخوفونك الشباب ويكبرون الموضوع سنه كثيره تتعرف المكان كلها اسبوع اسبوعين وانت حافظ كل شي ان شاءالله وربي يسهلك امورك

يعطيكم العافيه وماقصرتوا..

مثل ماتفضل اخويBLiNKe182

الأستخارة افضل شي..

والله يكتب اللي فيه خير يارب..

واكرر شكري لكم،،