-
ابي مساعدتكم
السلام عليكم ... ارجوكم ابي مساعدتكم
اليوم ردوا علي تجسير بخصوص قبولي وقالوا ان ملفي مو عندهم ...اذا حابه نوفر لك قبول ارسلي لنا الولايه الي تبغيهاا وبدأ الدراسه ايش رايكم اتابع معها ولا لا مع العلم ان قبولي من الملحقيه الثقافيه
وياليت تفيدوني بأحسن ولايه واكون لكم من الشاكرين
-
رد: ابي مساعدتكم
آهلين أختي قمـر ,,
بالنسبة للقبول فالخيار الأول والأخير لك .. المكتب ما أدري كم ياخذ على القبول .. بس اللي أعرفه ان السفارة تجيب لك قبول مجاني .. والعيب الوحيد فيه انهم يحطونك في أي ولاية .. يعني مو أنتِ اللي تختارين الولاية اللي تبينها.
من ناحية سؤالك عن أفضل ولاية..
أنا عن نفسي ومن تجربة شخصية .. أمريكا كلها واحد النظام ( تقريبا ) موحد مع بعض الأختلافات .. ولكن بالنسبة لنا كطلاب فإختيار الولاية يكون على حسب الجو .. يعني اللي مايحب البرد .. واللي يحب يشوف الفصول الأربعة .. واللي يحب الثلوج ووالخ
فـكل واحد يختار المنطقة اللي تناسب رغبته وميوله,
وفي الأول والأخير .. اللي هو تخصصك اللي حاب تدرسه وأهم شي يكون معترف فيه .. في أي جامعة وفي أي ولاية يكون.
أتمنى أكون أفدتك ,
تحياتي
-
رد: ابي مساعدتكم
مشكووور وجزاك الله خيير
بس لو انت مكاني تتابع مع تجسير او تنتظر قبولك يجي لاني بالمرررررره حايسه وابي مشورتكم
-
رد: ابي مساعدتكم
أختي الكريمة ,
ما أعتقد ام فيه داعي لكل هذي الحوسة .. والإرتباك .. صدقيني ان الأمور بتتسهل .. ولكن خطوة بخطوة.
بالنسبة لمكتب تجسير .. للأسف انا ما آعرفه ولا تعاملت مع أي مكتب من هذي المكاتب ..
بفضل الله ومنته راسلت بنفسي وسويت كل شي بنفسي وكان الموضوع أسهل مما تصورت.
وإذا تبين نصيحتي فقدامك اختيارين:
- إما تنتظرين قبول الملحقية لين يجي وتشوفين في أي ولاية وفي أي جامعة واذا ماعجبك بإمكانك تخلين المكتب يجيب لك قبول في الولاية اللي تبينها.
أو
- تستمرين مع المكتب وتنتظرين قبول الملحقية واذا جاتك القبولين هذاك الوقت .. تستخيرين ربك .. والله ماراح يخيبك,
تحياتي,
-
رد: ابي مساعدتكم
مشكوووووووووور اخوي ماقصرت
الله يطمن قلبك