يا شباب احس اني بالرياض مو بـ أمريكا !!
السلام عليكم
ياشباب والله الحمد وصلنا امريكا بالسلامه وصارلي هنا قرابة الشهر والنصف وانطباعنا عن الدوله جداً كويس
ولاكن الي مضيق صدري شي واحد او 2 شي خخخ ,,
الي هو سوء المعهد (TAMPA, ELS) فرع مدينة تامبا , فلوريدا سوء تدريس سوء اداره سوء كل شي
ياناس والله ان بعض الكلاسات نحظرها بغرفة المديره (البقره) <-- شخصية تجبرك ع عدم احترامها
وبعض الكلاسات في اللوبي ادرس وانا واخوياي والا شوي واحد يشطف من قدامنا يروح دورة المياه !!!
والسبب ان كلاسنا يتعارض مع كلاس مادة اللغه الاسبانيه لطلاب الجامعه فيطلعونا احياننا من نص الكلاس !!!
غير كذا انا درست سنه بالرياض وبالتحديد 3 مستويات في تحظيرية جامعة سعود,, وكانت قمه في الروعه وافضل
من الي ناخذه هنا بمراحل عده ,, اجل ميد تيرم في اول اسبوع الواحد خلال 3 شهور يختبر طعش الف اختبار وبرزنتيشن لدرجه اني ابي اطلع اذاكر ماني قادر
باختصار لفلات واجد ومواد واجد يعني والوقت طويل ع غير سنع !
هذي النقطه الاولى ,, النقطه الثانيه سوء المدرسين بأستثناء مدرسه سوريه !
والله فيه ماده الريدنق والرايتنق من يوم تدخل لين تطلع تقعد تتكلم قلبت امها ليسننق !
--- وغير كذا للاسف المعهد 99٪ سعودين يعني قرابة 60 سعودي و4 اجانب !
وغير كذا موضفين عرب .. وفوق هذا المعهد ما يوفر هوم ستي يعني ياخذ الدوبيزت ويلطعك شهر شهرين !
وسعره الهوم ستي 1095$ بالشهر !! (ايعقل هذا) و 200$ دوبيزت
يعني معهد فاشل وطلبه سعودين .. ومعظمنا ساكن في الموتيل المقابل للمعهد
فأشعر اني جالس بأستراحه بالرياض ,, غرفة للبلايستيشن وغرفه بلوت وغرفه تلفزيون والخ !
,,,,,
ادري اني طولت ولاكن انا بني ادم ابي معهد جيد ما تهمني الفتره قد ما يهمني الجوده يعني ابي اتعلم
وابي عائله استقر معها ,, مو زي في الموتل كل ما مسكت كتاب طق واحد تطلع تتغدى معي ولا تتعشى وو الخ !
ابي معهد جيد يقل فيه الكثافه السعوديه ويكون يوفر عوائل بسعر جيد ما يهم وين لاني ابي احول من الخرابه الي انا فيها !
بالله لا احد يبخل علي والله ما جت البعثه الا بعد تعب فما ابي اضيع مدة سنة اللغه ع الفاضي !
يالله في امان الله
رد: يا شباب احس اني بالرياض مو بـ أمريكا !!
الله يعينك اخوي .. والله حسيت بشعورك :( مآ اقول إلا الله يصبرك
رد: يا شباب احس اني بالرياض مو بـ أمريكا !!
السلام عليكم ماحبيت اقراء واطلع من غير مااكتب نصحيه ممكن ان تنفعك او تنفع اي شخص
انا كنت مثلك المعهد كان سئ جدا بس جلست شهر وغيرته بصراحه مصلحتي اهم انا ماتركت اهلي وديرتي عشان معهد سئ
او حتى عشان العب انا ابي شي يرفع راس اهلي والله اني اتحمل كل شي في سبيل العلم
وفي النهايه اسخير الله واستعين بالصلاه وشوف لك معهد زين دور راح تلقى لا تعتمد على احد انت سوي كل امورك
وبصراحه اناا ماعرف معهد بولايتك الا كان ساعدتك بس حبيت ان اكتب نصيحتي ...
الله يوفقنا ويوفق جميع الطلاب والطالبات من المسلمين في كل مكان اللهم آمين
رد: يا شباب احس اني بالرياض مو بـ أمريكا !!
يعطيك العافيه حكوم ع المرور ,,
اختي روز ,, اتفق معك بكل كلمه قلتيها
وانا مثلك ما جت البعثه الا بشق الانفس ولا ابي اضيعها ع معهد سيئ
انا ما اتشرط بمعهد داخل الولايه اي معهد تعرفينه قولي لي عنه حتى لو برساله خاصه
عشان احطه تحط المجهر وارتب له
رد: يا شباب احس اني بالرياض مو بـ أمريكا !!
صادق ..كل المعهد التجاريه في جميع الولايات وخاصه اى ال اس فاشله وتكدس ولا اى ال اس يحط ليفل 1و2و3و4 بكلاس واحد نفس الكتاب وغالى
افضل لك معهد جامعه
والسكن دور عن طريق هذا الموقع افضل وارخصhttp://craigslist.org/
http://ibt3ath.com/vb/index.php
رد: يا شباب احس اني بالرياض مو بـ أمريكا !!
اقتباس:
المشاركة الأصلية كتبت بواسطة al3ndlib
يعطيك العافيه حكوم ع المرور ,,
اختي روز ,, اتفق معك بكل كلمه قلتيها
وانا مثلك ما جت البعثه الا بشق الانفس ولا ابي اضيعها ع معهد سيئ
انا ما اتشرط بمعهد داخل الولايه اي معهد تعرفينه قولي لي عنه حتى لو برساله خاصه
عشان احطه تحط المجهر وارتب له
انا المعاهد القويه في مدينتي سان دييقو
1-ucsd
2-ucd
3-ALI
بس كلها تكدس طلاب سعوديين بس بصراحه قويه انا بعد طلعت روح المشرف وافق اني انقل للمعهد اللي ابيه
والله يوفقك دنيا واخره هذا اللي اعرفه في مدينتي
رد: يا شباب احس اني بالرياض مو بـ أمريكا !!
شوف بالنسبة للسعوديين انسى تلقى معهد مافيه تكدس سعوديين
كل المعاهد بجميع أنواعها سواء كانت قوية ولا ضعيفة مليئة بالسعوديين
أنا درست فترة بمعهد جامعة نورث تكساس .. كلمة قوي شوي في حقه .. معهد جبار لدرجة انك تقعد تذاكر وتحل واجبات بمعدل ثلاث ساعات في البيت على الأقل ومن أول شهرين تحس بالفرق
لكن مليء بالسعوديين
نصيحة اذا ماارتحت بمعهدك غيره مباشرة .. بس لاتروح الا لمعهد قوي عشان توفر على نفسك جهد ومال ممكن تهدرها على لا شيء
الله يوفقك
رد: يا شباب احس اني بالرياض مو بـ أمريكا !!
الله يعينك
...................<<< تحطمت
رد: يا شباب احس اني بالرياض مو بـ أمريكا !!
انا في معهد ELS روستن ندرس في غرفة المدرسين ولوبي
والأداره سيئه مرا
كل معاهد ELS كذا
رد: يا شباب احس اني بالرياض مو بـ أمريكا !!
اخوي العندليب
انا بحثت كثير وتعبت عشان معاهد اللغه ولقيت معاهد سان دييقو اللي ذكرتها الاخت روز مره قويه بس الديره مليانه سعوديين وغير كذا فيها اماكن ترفيه وتمشيه كثير ممكن تلهيك عن الدراسه عشان كذا انا استبعدتها
والحين ان شاء الله ناويه فيرجينيا تيك في بلاكسبيرق ورايحه على اوقست مررره حلو ويمدحونه والمدينه صغيره وحلوه....
بالتوفيق لك