الأعضاء الإشتراك و التسجيل

الملتقيات
ADs

وصلت امريكــــــــــــا و الحمد لله وحده رب العالمين !!

وصلت امريكــــــــــــا و الحمد لله وحده رب العالمين !!


NOTICE

تنبيه: هذا الموضوع قديم. تم طرحه قبل 2543 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Born_to_be_Proud
    Born_to_be_Proud

    مبتعث مجتهد Senior Member

    Born_to_be_Proud الولايات المتحدة الأمريكية

    Born_to_be_Proud , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى ____ , بجامعة _____
    • _____
    • ____
    • ذكر
    • ______, __________
    • السعودية
    • Aug 2010
    المزيدl

    December 30th, 2010, 09:11 AM

    السلام عليكم ورحمة الله وبركاته

    الحمد لله رب العالمين بعد سفر طويل تكلل بالنجاح وصلت لبلد دراستي

    عموماً اخواني واخواتي القادمين لامريكا اسمعوني زين وفتحوا عقولكم معي :

    1 - في الطياره رح يكون هنالك نموذجن اثنين واحد حق الاي 94 والثني لونه ازرق مدري وش له ولكن الي اعرفه وانا متاكد منه زين ان النموذج هذا في المنتدى هنا ومترجم وفيه كل شي .

    ** رقم واحد وش يعني وليه نعرف ذا الشي ** لان وبكل بساطه أن محد رح يساعدك في تعبيت اوراقك الخاصه الي رح تحمل معلوماتك، لا المضيفه ولا الطيار ولا اي راكب عندك، حتى السعودين الي رح تلقاهم معك بعد ما تنزل رح يسفهونك ولا رح يعطزنك أي وجه لانهم وبكل بساطه مشغولني في انفسهم وفي تعبية البيانات وكل واحد حاط في باله انه في بلد غريب ويالله يالله مفسه عشان كذا لا تروح الا وانت تعرف النموذج وبكل صراحه هو سهل وانا عبيته ولله الحمد.

    في حالة ما عبيته او خليت فيه فراغ رح يرجعك الضابط الامريكي ومرح يرجعك وهو يقولك اتفضل ولا يبتسم لا بالعكس رح يرجعك وهو معصب جداً لان في الحقيقة الضابط يتعامل مع الف و الف القادمين من الاجانب الي بتاكيد ما يفهمون لغته وبالتالي لا تلومه اذا عصب عليك او فشلك قدام الناس مثل كثير شفتهم.

    عموماً تبي تخلص وما تبي تنام في المطار الورقه اعرفها زين.

    فيه ورقه ثانيه يعطيك اياها موضف الجوازات تتكون من وجه وقفا هاذي الورقه تعبيها انت ولا رح يقبل اي ورقه من اي اوراقك الا تكون كلها كامله واذا ناداك وانت ما كملتها الله يعينك على الي بيجيك مثل الاف الاف الي شفتهم من سعوديين وغيرهم ** هاذي الورقه فيها معلومات عنك وعن المعهد وعنوانه ودراستك و اشارع الي فيه المعهد، عن امك ، وعن ابوك ، ميلادهم ، والبلد الي ولدوا فيه ، ارقام جوالاتهم ، عنوان السكن الي رح تكون فيه ، رقمه ، الشارع ، عنوانك في المملكه ، رقم التكت ، رقم بطاقة احوالك في السعودية ، وكثير ما اذكره الحين ** عموماً الي عنده مترجم الكتروني يخليه معه في الشنطه الصغيره لان هذا وقته ترجم وتكتب وفيه ورقه من الطيار رح تفيددددددددددك كثير مثل ما فادتني وهي عباره عن ورقه تعبيها هنا قبل لا تروح لامريكا وهي مترجمه عربي وانقليزي وهي تشبه الورقه ذي تماماَ يعني اذا كنت معبيها وهي معك ابد ما عليك الا تطلعها وتسوي مثلي تنقل وتكتب بس .

    بعدها خلاص تطلع بعد ما ياخذ بصمت اصبعك السبابه اليمين و اليسار وصورة لوجهك، وتروح للشنط وتاخذ شنطتك وخلاص على طيارتك الي توديك ولايتك.

    طبعاً من كثر السعوديين الي كانو هناك الله سبحانه ما طرح فيهم البركه وانا اقصد مجموعه منهم وهم عباره عن سته اول ما جيت كانوا جالسين ومسوين روحهم ما يعرفوني ولا شي بس انا الحمد لله ما احتجت لهم جلست وجا جمبي واحد طيب وبدينا نتساعد، قمت رحت لهم قلت لو سمحت ممكن اعهرف ايش معنا هذي، طالعوا فيني دون ما يتكلموا واشرو كذا يعني اجلس هههههه بعدين فهمتها انا ولا كلمتهم مره ثانيه وجلست اعبي وخلصت من الورقه وبديت اساعد زملائي الي تعرفت عليهم قبل دقايق وهم اثنين الله يوفقهم ويذكرهم بالخير المهم الحاصل هههههههههه ان ابو الشباب جاني يبي مساعده والله واعطيه ابو اشكل ها ها ها ها خلصت ورحت لموظف الجوازات وكل شي وانتهيت وكلنا طلعنا وشلت ذيك ولله الحمد جالسه واضنهم للحين في ذاك مخيسين .


    ** الرجال أجناس و معادن فلا يمكن للمعادن الاصيلة بشهمتها وكرمها وفزعتها أن تصداء بعامل من أي العوامل لا غربه و لا سفر ولا حرب ولا سلم !! المعادن الاصيله هي وحدها التي تعرف كيف تتصرف ام الاخرى فما علينا منها بطقاق ههههههههههههه**


    هذي صوره مع التحيه لمطار شيكاغو لبا والله الرجال الي كان معي والله انه كفو



    والله يوفقنا و يوفقكم ويكتب لنا الي فيه خير و صالح ....
  2. الله يعطيك العافيه وياليت تذكر لنا وش العوائق الي واجهتك وتعلمنا وش الاوراق الي الواحد ياخذها والمطلوبه من اي شخص اجنبي يدخل امريكا بعد الاحداث وان كان فيه صوره للورقه الي اخذته من المكتب الله لايهنيك حطها بالموضوع عشان تكتمل الصوره..
    7 "
  3. الحمد لله على السلامه ،،

    جزاك الله خير أخوي صراحه أفدتنا كثير ،،

    لكن يا أخوي الإسلام حثنا على معامله السيئه بالحسنه ،،

    يعني المفروض إنك تساعد "أبو الشباب" حتى لو ما ساعدكـ ،،

    ع العموم حبيبي والله مره ما قصرت ،،

    الله يوفقك في الدنيا والآخرهـ والله يسهلك دراستكـ ،،

    تحياتي ،،
    7 "
  4. المشاركة الأصلية كتبت بواسطة Enough
    الله يعطيك العافيه وياليت تذكر لنا وش العوائق الي واجهتك وتعلمنا وش الاوراق الي الواحد ياخذها والمطلوبه من اي شخص اجنبي يدخل امريكا بعد الاحداث وان كان فيه صوره للورقه الي اخذته من المكتب الله لايهنيك حطها بالموضوع عشان تكتمل الصوره..
    ولله الحمد ما فيه اي عوائق ،، لكن مثل ما قلت لك رح مكتب الطيار وسئل عن الورقة الي يحطونها مع التكت الي يقولون لك عبها قبل لا تركب الطياره وبس
    7 "
  5. المشاركة الأصلية كتبت بواسطة sana 22
    شكرا ع المعلومات أخوي..
    عندي استفسار عنوان السكن ايش اكتب فيه لو ماكنت حاجزة شي لا فندق و لا بيت؟؟
    أكتب اسم المعهد وحط دورم يعني انت ساكن في الدورم حق المعهد

    يعني مثلاً انت في معهد ELC

    تكتب كذا

    ELC ENGLISH CENTER DORM

    بس والله يحفظك لوالديك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.