نحو فهم أعمق للشعب الأمريكي...( النواحي المالية )

الموضوع حلو ورائع النقاش فيه
هذه هي المواضيع اللي شيقه ومفيدة للكل
تسلم يمينك وعسى الله يوفقك

ومزيدآ من المشاركات التي تثري الموضوع .....أطيب التحايا.

موضوع جميل من شخص رائع

الله يوفقك دنيا وآخره

٢٠ ؟؟؟؟؟؟؟؟؟؟؟؟؟؟؟؟؟؟؟؟


لعب عليك .....

انا واحد هندي شال شنطه وحدة بس ثقيلة .... قالي بدولارين قلت طيب ...

يوم وصلها عطيته كوينز كان باقي معي ... قال :what is dis we dont use dis in dis country قلت طيب .... عطيته ٥ دولار ،،،، خذاها وقال مع السلامة ... قلتله تعال يبو ، وش نظامك ... هات فلوسي الباقية ... عطاني اياها وهو مسوي زعلان ... قلت احسن خله ....


مدري ، بس حتا هنا يحاولون يسرقوننا ... صح اني عندي فلوس كثيرة ... بس هذا مو شرط اني ابذر فلوسي على النآس ...... هذي فلوسي ، ابذرها على نفسي

بحاول استوعب عشان اطبق
الله يجزاكم خير

أحلى رد ( مدري وش السالفة )

وشكرا لكل الشباب والصبايا اللي ردوا على الأخ اللي أفتى من راسه وخلى البخشيش رشوووووة..

!!
هذي اكرامية مو رشوة ..وبعض العمال اصلا مالهم رواتب غيرها


مافي تيب في مطاعم الوجبات السريعة

والله موضوع في الصميم مشكور اخوي

موضوع شيق ومفيد فعلاً..

الله يعطيك ألف عافية..


بخصوص البقشيش.. في المطاعم عندنا في السعودية يضاف مبلغ إضافي للخدمة ضمن الفاتورة، وعادة ندفعه إضافة لمبلغ بسيط آخر نعطيه مباشرة للجرسون..

سؤالي، هل كلاهما يعتبر بقشيش؟ أم أن الثاني فقط بقشيش؟

وفي أمريكا كيف الوضع؟

وبالنسبة للبقشيش في أماكن ثانية هل له عُرف محدد؟ يعني في الفنادق مثلاً كل ما طلبنا حاجة من موظف الخدمة ندفع له بقشيش كم؟؟

أشكر الأعضاء على تفاعلهم الذي أثرى الموضوع كثيرا , بالنسبة للـ TIP غالبا انه ما يقل عن 10% وأنت بالخيار في الزيادة ...
وامتداد للموضوع الأساسي أحببت اضافة بعض النقاط المرتبطة بالناحية المالية لكن من باب التوفير على الشخص خلال العيش في أمريكا...
- من الأشياء الجميلة في اغلب المطاعم الأمريكية وجود ما يعرف بـ HAPPY HOUR , وغالبا تكون هذي مكتوبة في المينيو وتقدر انك تسأل اللي يخدمك عنها , والغالب انها تكون قبل اغلاق المطعم بساعتين وحولها لكن تختلف من مطعم لآخر , الزبدة ان الـ HAPPY HOUR تكون فيه تخفيضات خاصة على بعض الأطباق وبعض المطاعم يكون المشروب مجانا ...
- أغلب المقاهي الأمريكية تقدم خدمة غريبة , اذا أحضرت كوبك معك تحصل على خصم معين وهي تختلف من مقهى لآخر , فالبعض يفضل انه يشتري له كوب حافظ للحرارة ويعبيه من المقهى ويحضر الكلاسات ...
- يلاحظ الكثيرون في أمريكا ماعندهم شي اسمه مكتب سفر وسياحة الا في حالات نادرة , والغالب يقومون بحجوزاتهم من خلال النت ومواقع متخصصة مثل orbitz.com و priceline.com و غيرها كثير ... ما أحب التنويه اليه الى خدمة يوفرها موقع PRICELINE.COM وتعتبر خدمة متميزة , ألا وهي خدمة المزايدة أو BID فلنفرض اني باسافر الى واشنطن مثلا وشفت أسعار الفنادق ولا أعجبني السعر , فأقوم بالدخول على الـ BID فأقوم بتحديد المنطقة اللي ناوي أسكن فيها فغالبا يقسم المدن الكبيرة الى مناطق صغيرة , بعد تحديد المكان المفضل لدي أقوم بتحديد السعر للفندق اللي ناوي أدفعه وتحديد مستوى الفندق وبعدها أقوم بإدخال بيانات بطاقتي الإئتمانية لأنه في حالة وجود فندق وفق المواصفات اللي حددتها يبي يحجز لي مباشرة وبعدها يبحث وغالبا يحصل...وقبل فترة جربته وقدرت أستاجر فندق الهيلتون وكانت قيمته الأساسية 149$ بـ 58$ ...فرق كبير جدا وفندق يستحق ...
آمل أن أكون قد وفقت في تقديم بعض الفائدة ...

ما قصرت والله مقال رائع والله يسعدك ويوفقك عليه
والاضافه الاخيره بالنسبة للحجوزات مهمه وهذا مجرب من الكثير وحصلوا على اسعار خياليه
لدرجة اني جلست مع اصدقاء لي وكانو بالصيف الماضي بامريكا للسياحة ,,, وقالوا لي كل شوي سويناه بالنت من هنا ارخص واوفر
بدرجة الواحد مايتخيلها ,, شكرا لك يالنجم وانت فعلا نجم ساطع كفيت ووفيت
وودي منك لو تكمل السلسلة اللي بديتها من ناحية المفاهيم بديت بالمفهوم المالي ونبي المزيد منك

تحياتي لك وبالتوفيق ان شاءالله للجميع