سياتل ام بورتلاند ؟ فزعتكم تكفون .....

السلام عليكم


كيف حالكم اخواني المبتعثين ؟؟


ابشركم الحمدلله رد علي المكتب اخيرا بعد معاناة ..


المهم انا جاني قبول قبل 3 اسابيع تقريباً في نيويورك في معهد ef وطلبت من المكتب يغيرون لي الولايه والمعهد ..


راسلني المعهد وقال اختر الولايه المناسبه ونعطيك الخيارات المتاحه ..


راسلتهم وقلت اابي ولاية واشنطن مدينة سياتل ، او ولاية اوريغون مدينة بورتلاند ..

ورد علي المكتب اليوم وقالوا انه يمكن تامين قبول في مدينة سياتل في احد المعهد اما معهد Embassy CES او معهد els

وبمدينة بورتلاند يمكن تامين قبول في معهد els ..


وقالي بعد اختر موعد الدراسه المناسب .. متى تتوقعون افضل وقت للدراسه ؟؟ بشهر مارس او ابريل ؟؟؟

علماً اني مابعد قدمت موعد بالسفاره ..

الحين يااخوان ويااخوات ابي فزعتكم ... وش افضل سياتل ولا بورتلاند ؟؟ ووش افضل معهد Embassy CES ولا els ..


ابي من الجميع المشاركه الله يخليكم وخصوصاً اهل سياتل وبورتلاند ..


ابي الايجابيات والسلبيات في كلتا المدينتين ..

والايجابيات والسلبيات في المعهدين ..


انتظر ردكم على احر من الجمر ومشكورين مقدماً ..


اخوكم راشد ..

els portland --- هذا مضيعه للوقت بختصار تبي تضيع وقتك حياك



اما بورتلاند كمدينه حلوه وهاديه ووممله بعض الشي بس ارخص من سياتل

وانا انصحك في بورتلاند بس معهد غير هذا . .


موفق

http://www.mbt3th.us/vb/forum134/thread241730.html

دا الرابط المتواضع من مجهودي اتمنى يفيدك ياسيدي

بورتلاند مدينة ممتاز للدراسة
سياتل اكبر و فيها نشاطات اكثر بس اغلا
معهد جامهة لويس اند كلارك ممتاز و قبول اللغة فيه ما هو صعب و ممكن تجيبه بنفسك

تحياتي

اخوي فابريغاس واختي احساس واخوي iris ..


يعطيكم العافيه جميعاً والى الان انا محتار اتمنى من جميع الاخوان يفيدونا خصوصاً اهل سياتل وبورتلاند بليززززززز ساعدونا ...

هلا اخوي

انا بكلمك عن سياتل بما انو انا فيها حاليا /

* الجو خيالي , الشمس ماشفتها من جيت الا هاليومين , شوية بررد وزاد البرد هالفترة .

* معهد els اللي ف سياتل لا تجية ولا تفكر انك تجية , مافية احد تعرفت علية بسياتل ومدحة لي , معهد ماادي بحت .

* معهد اليوداب ( معهد جامعة واشنطن ) معهد قوي وله سمعتة القوية .

* معهد كابلن بعد كويس .

* السعوديين متواجدين وبكثرة ف هالمدينة وخصوصا في اليوداب .

شوف إذا المكتب يقدر يوفر لك قبول في معهد اليوداب أو معهد كابلن ف سياتل يكون كويس .

الولاية الثانية بصراحه ماعندي أي معلومة عنها .

حبيبنا مادام بينك وبينهم اتصال ، حاول أنهم يحطونك في معهد أكاديمي وليس تجاري ..


نصيحه لوجه الله ..

انا وضعوني في معهد EF في سياتل ..

واحاول اغيره ، لكن ما كلموني عشان يعطوني خيارات مثلك للأسف ..


وبالتوفيق ..

هلا اخوي حاسب نانو ،،


الله يعطيك العافيه على نصائحك اخوي ، بس بالنسبه لمعهد اليوداب او كابلن يقولون انه مغلق ..
وراسلت المكتب بخصوصهم وانتظر ردهم ان شاء الله ..


يعطيك العافيه عالمرور اخوي ..



اخوي حسين القحطاني ..

يالغالي انشب لهم ، انا نشبت لهم وارسلت لهم 4 ايميلات لين ردوا علي ،، لاتنتظرهم هم يرسلونك

اذا انت ماارسلت بيدرون انك راضي عن المعهد ،، وانا مثلك كنت ef بس من اللي قريته عنه قلت بغيره ..

بعطيك الايميل وراسلهم لين يردون عليك ترى من حقك تغيير المعهد والولايه ان بغيت ..


هذا الايميل ياخوي .. jansait@tajseerksa.com

ومثل ماقلت لك انشببب لهم هذا من حقك ترى ..


ويعطيكم العافيه جميعاً ..