تجربتكم مع الأغراض المهمة للشحن إلى أمريكا +قائمة بأسماء البهارات

انا مرة دخلت عسل صبيب حضرمي ابو كيلو وربك سهلها اخذتها من اهل صديقي ومشيت


( تمت المشاركة باستخدام تطبيق مبتعث )

التواريخ أمرها هين هالحين اطبع تواريخ وألصقها

بس ابي تغليف ح ر ا ري

الى الجميع
انا يوم اروح الى امريكا قبل ،،، أخذت اكياس شفافة تقريبا مثل اكياس اللحم وغلفتعا بشطرطون شفاف ،،، وطبعت نموذج في ورق ملون بني فاتح و فيه اسم الاغراض مع التاريخ .ولصقتة على الاكياس .. وبعد مانتهيت وضعتها بالكارتون بوزن حوالي 30 كيلو وطبعت ورقة بيضاء وكتبت فيها (( طعاام بالعربي والانجليزي )) ... وارسلتة عن طريق البريد السعودي بحوالي 700 ريال والوصول بعد خمسة ايام الى ستة ... والله ولي التوفيق ..

اذكر يبيعو حق التغليف بعشرين في محلات الخردة وغلفي حراري وببلغ عليك وزارة التجارة انك تغلفي هههههه


( تمت المشاركة باستخدام تطبيق مبتعث )

ههههههه لا حول

خلاص مابي اغلف
بحطهم بكيس عادي واسكرهم واطبع تواريخ وألصقها وصلى الله ووبارك

يا شباب ترى الوضع سهالات

انا ماخذ معي شنطة كاملة بهارات وتمر وزعفران ولا تغليف حراري ولا شي كانت اكياس بلاستيك بس عليها التواريخ وبعضها علب المهم التاريخ واحسهم ما يدققون عليه بعد

ونزلتها في الطيارة مع العفش ولا صار شي وكل مره نفس الشي المهم ما تركبون فيها الطيارة لانه بتتفتش بس لو تنزل العفش عادي

وفيه مره بركب فيها الطيارة بس التفتيش قالي ما تركب تبي تاخذ البهارات معاك لازم شحن داخل الطيارة والحمدالله نزلت مع العفش واستلمتها بامريكا

وكنت ماخذ مكسرات وبسكوت مربعات بعد هههههههههه المهم لما توصل امريكا ويسالونك ويش في الشنطة قوله سبايس ويمشيك ولو كان يبي التفاصيل قوله ولو ما سال توكل على الله

وبالتوفيق

أتوقع اذا كنت قريب من ول مارت لا تحتاج سو ترامس لحفظ القهوة والشاي وقهوة عربيه وبعض الملابس اللي تكفي لفتره قصيره لان كل شي موجود ولكن تحتاج لمعرفة أسماء الأشياء بالانجليزي

بالنسبة لتجربتي مع الشحن هي كالتالي..


الاشياء اللي جبتها معي من السعودية ..

1- خيشة قهوة حب + خيشة هيل حب + زعفران + خلطات قهوة
2- بهارات كاملة ( زنجبيل - كمون - فلفل اسود - .... الخ )
3- اغراض الشاهي كاملة
4- عسل اصلي + حبة البركة او الحبة السمرا
5- دخون عود و بخور
6- كليجا
7- عدد 3 دلال
8- عدد 4 اباريق
9- عدد 4 ترامس قهوه وشاهي ( برادات )
10- صحن رز
11- كاسات وفناجيل
12- مدخنة
13- طاحونة قهوة
14- كرتون كبير تمر
15- فصفص
16- اغراض اخرى م اتذكرها ..



عموما بعد ما اخذت الاغراض حطيتهم في شنطة عزبة و هي شنطة مخصصة لطلعات البر ( كشتات ) و قفلتها طبعا و كنت بطلع الرياض قببل امشي امريكا بيومين عشان اهلي عندهم شغل هناك .. رحت هناك ومريت فرع الرفاعي مدري وين بالضبط .. غلف لي البهارات و الاشياء اللي تحتاج تغليف و باقي الاكل حط عليهم تواريخ بالانجليزي و اسماء على كل الاكل..


طبعا ما كنت اعرف وزن الشنطة بس كنت متوقع 33 او شي زي كذا .. ف جايب معاي شنطتين كبار و شنطة بالطيارة .. يعني كل شناطي 4 .. 3 شحن و وحدة بالطيارة ..



رحت للمطار بعد ما سلمت على الاهل وكلمت واحد من الشباب هناك بالخطوط السعودية .. واول ما وصلت المطار رحت للي يغلفون العفش .. غلفت العزبة كاملة و حطيتها على الميزان اللي عند محلات التغليف و جتني الصدمة .. الشنطة اللي فيها الاغراض اللي تو ذكرتها وزنها 47 كيلو !!!! يا ستار .. قال لي العامل تبي نفك الشنطة ونحط نص الاغراض بكرتون قلت لا .. امش اعرف واحد بيزبطني ما عليك ههههههه



رحت للموضف و سلمت عليه و قال كم شنطة قلت ثلاث .. قال خير ما عليك لكن اهم شي ضابط وزنهم ؟ قلت ان شاء الله ( سويت نفسي ما ادري ) حطيت شنطتين الملابس .. وحدة 19 كيلو و الثانية 28 كيلو و راحن .. لما حطيت الشنطة الكبيرة و الاخيرة حتى الموضف فتح افمه ومسك راسة .. قلت وش بك قال يا رجل انا امشيها من عندي لكن الموضفين اللي تحت ما حيدخلونها الطيارة و اذا دخلت المطار اللي بأمريكا ما حيستقبلها قلت ليش قال يا رجل الحد الاخير 33 كيلو وممكن ما يسمحون بأكثر من 32 كيلو للشنطة الوحدة .. قلت والحل قال رح شل منها 23 كيلو وتعال .. رحت لمحل التغليف و اخذت كرتون و صفيت الاغراض وغلفت الكرتون و العزبة و طلع كل وحدة وزنها 23 كيلو تقريبا.. اخذتهم و رحت للموضف و لما قابلته قال لي محمد انا والله ما اقدر ولا حتى السوبرفايزر يقدر يحط لك 4 شناط .. وانت تدري انك لازم تدفع حق شنطتين لكن بمشي لك وحدة و الثانية لازم تدفع عليها قلت كم قال 560 ريال .. قلت هي فيني فيني .. لكن مو مشكلة .. رحت دفعت وحملت العفش ...




طبعا وصلت مطار جون اف كيندي في نيويورك ولله الحمد بالسلامة .. مريت من الجمارك ولا حتى سألوني وش معك رغم اني صرحت ب نموذج الجمارك اللي بالطيارة يعطونك اياه .. طبعا انا كنت ناوي اجلس في نيويورك يوم ف رحت ل صديقي في نيويورك و ارتحت عندة يوم و من بكرا قبل اروح للمطار مريت فرع فيدكس بعد ما زبطت الشنطة العزبة و اضفت عليها من ملابسي عشان اضبط وزن الشنطتين الثانيات اللي بشحنهم بالطيارة و بعد ما ضبطت كل شي طلع وزن الثلاث شناط على هالنحو التالي .. 23 - 23 - 50 .. رحت وشحنت الشنطة اللي فيها 50 كيلو عن طريق الفيدكس و توصلني بعد يومين في شقتي بسعر 110 دولار .. و رحت المطار و سلكت اموري .. طبعا الفيدكس استلمتها منهم بعد 4 ايام لانهم اخروني يومين بخصوص اني اخطيت ب كتابة العنوان حقي ..



هذا والله اعلم وصل اللهم وسلم على سيدنا ورسولنا الكريم محمد وعلى اله وصحبة ومن والاهم باحسان الى يوم الدين ...



اعتذر على الاطالة ولكن اردت فقط ان اوضح كل الخطوات اللي سويتها ..

يا إخوان بقدر الإمكان اقدر أساعدكم اذا بغيتوا صور او أسماء لبعض البهارات او بعض لوازم الطبخ هنا في امريكا

والله على حسب انتا فين رايح شوف ولايتك ومدينتك واعرف اش فيها وبعدين شوف الناقص..
انا بكاليفورنيا كل شي عندنا الحمدلله حتى البهارات غير انها بالسوبرماركات الانترناشنال موجودة بتارقت وول مارت ومكتوب عليها بالعربي كمان ..
بس عشان ماتتعب حالك بالبحث جيب القهوة وعدتها وتمر اذا تفضل نوع معين لان ماحتلاقي زي تمرنا :d
وبالنسبة للعفش تقول معاك اولاد يعني كل واحد فيهم له شنطتين بوزنها استغل هالشي ورتبها مزبوط وجيب كل اللي بخاطرك بدون شحن ومصاريف كيف بتشحن اصلا وانتا لسا ماستقريت لسا لاحق خذ كل شي معاك وريح حالك..