تجربتكم مع الأغراض المهمة للشحن إلى أمريكا +قائمة بأسماء البهارات

اخوي ناااصر انا ماعندي خلفيه عن الشي هذا بس بعلمك عن نقطيتين ::
الاولى : مسموح لك تاخذ فالعفش شنطتين بحيث لاتتجاوز 44 كيلو او 46 ماني متأكد.

الثانيه: انا كان معاي شنطتين واحده فها اغراضي والثانيه فيها قهوه وتمر وبهارات قهوه وبهارات كبسه لكن من باب الاحتياط قبل ماحط الاغراض هذي فالشنطه رحت لمحامص الرفاعي وخليتهم يغلفونها تغليف حراري ويسعرونها وعلى كذا وضعك فالسليم.

شكراً جزيلاً على الرد


وشرفني مروركم


لا أقصد شنك السفر أبداً........ هذا موضوع آخر.... ما بأفكر فيه حالياً ....


ما أقصده وما أستفسر عنه هو الشحن الجوي بالكيلوا في الخطوط السعودية على ما أظن أو في بعض المكاتب السياحية الأخرى التي تقدم هذه الخدمة.

وسعر الكيلو في متناول الأيدي مع التوصيل إلى الولاية التي ستقيم بها وإلى باب بيتك في أمريكا.


أم فهد الله يحفظها ودها تشحن نصف البيت ...؟؟؟؟؟!!!!!!... ( ملابسنا كييييييلنا - غير الجديددددددد - والبهارات وأسمائها باللغة العربية والإنجليزية على العلبة ولا تم بطريقة حفظ معينة - ألعاب الأولاددددد- وغيره.............................. إلخ


وين الناس المجربيين لها الموضوع والذين سبقونا إلى أمريكا.


نحن في إنتظار آرائهم ونصائحهم لنا قبل السفر وخصوصاً العوائل المستقرين في أمريكا منذ فترة.


بالفعل نحن بحاجه إلى آرائهم ونصائحهم.


أيش الأغراض المهمة التي يجب أن نشحنها من السعودية وغير متوفرة في أمريكا.

أرجوا التفاعل ولكم شكري وتقديري....

وين العوائل السعودية المستقرين في أمريكا منذ الدفعات السابقة

نحن في إنتظار آرائكم ونصائحكم لنا قبل السفر .

وشكراً

حبيبي خذ معك البهارات والتمر من عندك قبل لا تسافر
ادوات المطبخ تلاقيها ما عدى صحن الرز جبه معك
الوزن تقريبا حول 50 مع يونايتد
بس ترى كل راكب له شنطتين ولا تاخذ شنطه كبيره خذ وسط ووزع الوزن بين الشنط عشان ما يدفعونك

انا حزينه

شاريه قهوه وهيل مطحون من محل وركضت فيهم للرفاعي جنب بيتنا

دخلت عليهم ابي تغليف حراري واستكر ، الزبده المصري هاوشني
يقول ماعندناش تغليف حراري

قلتله يا رجال دايم اغلف هنا فوق ٣ مرات غلفت عندك ، قال فيه بس منب مغلف ممنوع
قلت بدفع لك حق التغليف ويشتري من المحل اي شي

قال لي لا مافيه معصي التغليف للقهوة والأشياء الي تشترينها من عندنا
جلست احايل فيه والمصري رأسه يابس عيااااا ولا اعرف مكان غيره يسوي تغليف حراري

مادل غير فرع العروبه لانه حول بيتنا ، تهقون اروح فرع ثاني بيغلفون لي؟
أو احد يعرف مكان يسوي تغليف حراري بطيب نفس غير الرفاعي

بخصوص الشحن
بعلمك وش سويت
طبغا الكلام هذا وانا بامريكا صراحة فما ادري انت كيف وضعك لانك لسى ماسافرت
كلمت واحد من اخواني واعطيته قائمة بالي ابيها وكم كيلو ابي من كل نوع
وراح الله يحفظة وشراها كلها وودها للبريد السعودي وقالوا له في عندنا حق المبتعثين ولك لحد 30 كيلو ب 700 ريال
بس قالوا رح مكان والله اني نسيت اسمه المهم المكان ذا تعطيهم الاغراض ويغلفون ويحطون حتى بطاقة السعر وتاريخ الانتهاء والانتاج
الي دله على المكان هذا هم البريد السعودي ومايقبلون يشحنون الا لما تغلف عنده
وصراحة فنان تغليف ممتاز وكل شي مطلوب
اتوقع سعر التعليف مع كل شي كان 200 ريال
بعد التغليف رجعها للبريد وشحنها يوم الاحد والاربعاء الصباح مادريت ولا دي اتش ال يدقون الباب واعطوني الاغراض
بتقولي اشلون دي اتش ال بقولك مدري يمكن متعاونين معهم البريد السعودي لا ولقيت التصريح الجمركي معه بعد

اما اذا ودك انت تاخذها معك بالطيارة فانا شريت لي الة تغليف حراري 150 ريال وشريت اغراضي وحطيت باكياس وترجمة وتواريخ من عندي حطيت والحمدلله مشت من المطار ولما سالوني قلت لهم تمر وبهارات وحاجات ثانية ومشت ماقالوا شي

نقطة مهمة: الرز ماراح يدخل سواء شحنتة ولا اخذته معك فانسى انك تاخذ رز من السعودية

ماعندي أغراض بس كيسه صغيره قهوه كويسه صغيره هيل بس

ابي اغلفهم حراري في مكان غير الرفاعي ، وأساسا بشحنهم معي جوا الشنطه ماعندي عفش كثير

البهارات موجودة
وإذا أنك فاضي تقدر تشتريها حب وتطحنها حسب رغبتك
أما أشحن وقلق والله مافكرت فيها ولا راح أفكر فيها
لأن كل شي متوفر
في الوول مارت
أو البقالات العربية
أو البقالات الهندية
وبعضها أرخص من اللي عندك
حتى الزعفران لقيته في محل ب 14 دولار وأصلي
العسل الأصلي ماهو المغشوش

جيب معك صحن رز مع أنه موجود بالبقالات العربية ب 9 دولار

قدر ضغط برضوا موجود وبأنواع وأسعار أرخص من اللي عندك

أستغرب من شي
إذا حنا في السعودية ندور المنتجات في امريكا ونمدح جودتها
وإذا جينا أمريكا ندور المنتجات السعودية

أشتري هيل وقهوة من بندة ولا العثيم وأنا أنصحك بالعثيم قهوه فريش ويطحنها لك قدامك ويغلفها وكل شيء زي الفل

بيني وبينك حطيها في الشنطة دامك شريتيها وإذا صادروها يصادرونها وأنتهى الكلام