مهم للجميع ( ابي ولاية مافيها سعوديين ولا عرب)

المشكله لامن يكون وضعك زيي المعهد والفندق ١٠٠٪ سعوديين !

ساعتها تقول ابي الهجه ادفع واخسر وفي الاخير كني بالرياض !

[quote=saudi2011;2540221]صح كلامك .. من الاجحاف ان نعمم الحاله ع الجميع .. لكن حبيت اذكر لك جانب من اللي قاعد يصير.. يعني احد يقولك ما ابي سعوديين .. يمكن صارله موقف مع احدهم وكرهم كلهم .. ومثل ما قلت لك تلقى الخير والشر ..
وحظي عاد كل اللي اصادفهم ما فيهم خير .. يمكن يوم من الايام القى اللي تقول عنهم

اخوي انا معاك في هاي الشي . بالفعل محد يفيدك غير العرب و بالاخص الخليجين , من ناحية الفزعه هم رعيان فزعه صح ومايخلون احد يطيح ولا يسمون عليه , ونعم فيهم . لكن الفكره ترى مش في ان السعودين او العرب راح يوقفون طريق عثره في طريق الدارس لا ! الفكره مب كذا ,,,,

اعطيك مثال وش الفرق بين الحميه ؟ وبين عملية الربط ؟
الحمية تكون شاد نفسك بنفسك وماتاكل رغم ان الشهوات موجود حوليك ومتاحه !
اما عملية الربط , يربطون المعده , فا تكون مجبور انك ماتاكل نهاءين واذا كلت رجعت !

هذا هو الفرق بين وجود العرب وعدم وجودهم , انت لم تسافر تدرس لغه وتكون كلفة على بلادك ورهنة مستقبلك او كلفت على اهلك ونفسك مبالغ وقدرها , تبي تروح تطلع بشي يستحق هذا العناء ,, تحتاج بالفعل انك تطور اللغة الي معك في وقت قياسي تحتاج انك بالفعل تنقل نفسك من مستوى إلى مستوى ثاني تماماً خلال كم شهر ,, كيف يتم هاي الشي وانت تدرس بالمعهد كم ساعه وباقي الوقت مع سعودين ومع عرب

يعني وش فرقت عن دراسة اللغة بالسعوديه !؟!

صحيح تقدر تعزل نفسك وتدرس وكل شي وتوصل لهدفك بس ترى صعب مع وجود شهوات < طلعات مع الشباب وسوالف وضحك وماعرف جديده وصداقات جديده , وبالاد جديده ,, وتصير رحلة اللغة رحلة سياحية !!!

ترى حتى بالسعودية تقدر تعزل نفسك وتدرس وتوصل اجل ليش تعبل نفسك وتسافر وتدرس !؟!؟ عشان تتعلم كيف تدور شقه ؟ وتتعلم تطبخ ؟؟ و تتعلم تكلم التكسي و الدكان ؟؟؟

الفايده من عدم وجود عرب , راح تكون معزول وفي ضيقه وكتمه , في هاي الحاله تضطر انك تتكلم مع الاجانب عشان ياخذ السانك على الكلام وصير وقتك ملل فا تضطر انك تدرس وبالفعل ترفع مستواك لان ماعندك شي ثاني و الملل الدايم وضيقه دايماً تذكرك بهدفك وتشوف ان بالفعل انا اتعذب حرام اطلع من دون نتيجه ترضيني .

انا ماني ضد فكرت وجود العرب بالعكس انا اسال و ادور العرب قبل لروح بس حبيت اوضح لك ان الي يقول ابي بلاد مافيها عرب ( عنده سالفه ) مو بلوش كذا قالها

وهذا لا ينقص من الايجابيات الي قلتها شي

وشكراً

ولاية آلاسكا! مافي غيرها :-)

كل مدينه في ولايه في امريكا فيها سعوديين

صدقني لو بتروح مدينه ماين فيها سعوديين

بالتوفيق

يا رجال كل الدعوه هياط .. لو يروح ديره وما يلقى ولا واحد عربي او سعودي .. والله ان يطقــه الهم والخوف وما يحس بالامان .. والحافظ رب العالميـن ..لا يغرك اللي يقول مابي سعوديين او عرب .. بيعرف قيمة وجود العرب ..


واللغه اللي يبي يتعلم بيتعلم ولو هو في غرفتــه بالسعودية تعلم ..


والله يوفق الجميــع

[QUOTE=ودعت جرحك للأبد;2540151]كنت ناوي اجي اقول لك قريب من كلامك
والله ودي أصفق لك على هالملاحظات
خصوصا الأخيره يا بطل
الله يوفقك وكل مبتعث

ودعت جرحك للابد
شكرا لك وشرفني مرورك وكلنا مكملين لبعض

[QUOTE=al3ndlib;2540438]المشكله لامن يكون وضعك زيي المعهد والفندق ١٠٠٪ سعوديين !

ساعتها تقول ابي الهجه ادفع واخسر وفي الاخير كني بالرياض

الله يوفقك ويسهل امرك لكن تخيل لو تكون سعودي وحيد وسط جنسيات مختلفة
وماعندك خبرة ولا لغة ولا اي شي والله يطقك الطفش والزهق ماكملت اسبوع

[QUOTE=مالوديسترا;2540660][quote=saudi2011;2540221]

صح كلامك .. من الاجحاف ان نعمم الحاله ع الجميع .. لكن حبيت اذكر لك جانب من اللي قاعد يصير.. يعني احد يقولك ما ابي سعوديين .. يمكن صارله موقف مع احدهم وكرهم كلهم .. ومثل ما قلت لك تلقى الخير والشر ..
وحظي عاد كل اللي اصادفهم ما فيهم خير .. يمكن يوم من الايام القى اللي تقول عنهم

الله يعينك لازم خياراتك تعدلها زين وخذ مثلا
الزين غالي لكن الازين اغلى
ولكل شراي بضاعة وسوقي ..

وباذن الله تطيح على الطيب وغيرة خل الدعوى سلام من بعيد لبعيد