يعني مافيه الا أنا أدرس في هالمعهد؟ سااااعدووني

السلام عليكم جميعا
لي شهرين بالتمام وأنا أسأل وأستفسر عن معهد Pirece college حسسني انه معهد مصنوع من ذهب :dry:شفت له صورفي الموقع بس ابي اعرف اذا معترف فيه أو اذا أحد درس فيه وطريقة تدريسهم ممتازه وهو تبع جامعه والا لا و مافيه ولاأحد رد علي ورحت للمكتب اللي جاب لي القبول ولا فادني بشي مرررره قلقانه ابي اي أحد يطمني أحد جربه أحد شم ريحته مره مافيه أحس بصير بس أنا أدرس لوحدي فيه وكتبت في كذا منتدى ردو محد يعرفه :thumbdown: الله يخليكم احد يجيب لي خبر عن هذا المعهد الغريب الاطوار لأنه شكلي برضى بالأمر الواقع وأدرس فيه ماأحب أبدل وأغير أنا أؤمن بمقولة انت وحظك وأؤمن بما قسمه الله لي من المره الأولى وشكرا

ليه محد رد علي :cry2:

لحالك ازين لك الناس تدور النحشه من المعاهد المتكدسه بالسعوديين .
ونصيحة مني توكلي على الله وجربي هالمعهد وأذا لا قدر الله كان مستواه مره متدني بأمكانك وبكل بساطه التحويل إلى معهد آخر هذا الحاصل والدارج بين الطلبة في امريكا والملحقية مره متعاونه في تغيير المعهد للمرة الأولى, يعني بالمختصر المفيد أذا وصلتي امريكا راح يكون عندك اطلاع اكثر ومعلومات اكبر عن المعاهد القوية والمدن الزينه.

الله يوفقك ويسهل امورك

دخلت موقع المعهد وشيكت على السريع, المعهد تابع لكلية بيرس (سبحان الله) الكلية عبارة عن منظمة حكومية غير ربحية هدفها سد الفجوة بين احتياجات الطلبة والسوق العام, بما ان المعهد غير ربحي ف من الطبيعي انه مخصص لأصحاب ذو الدخل المحدود او اللاجئين هذا ما يعني انه شي سلبي بالعكس اشوفه ايجابي لأن الطلبة متفوقين جداً والجو الدراسي راح يكون صحي جداً وهالكلام سامعه من طلبة سعوديين وعرب داخلين في كليات غير ربحية مثل كليات المجتمع المنتشرة في كل مدن امريكا.

الشي الثاني المعهد يقع في منطقة اسمها بويالوب وتراها مهي في سياتل تبعد عن سياتل حدود الخمسين مايل يعني اربعين دقيقة بالباص المهم المنطقة قريبه جداً من مدينة تاكوما وتكاد تكون حي من احياء تاكوما وللمعلومية تاكوما درست فيها ست شهور في معهد امبيسي السعوديين والجالية العربية ينعدون بالأصابع وهالشي في صالحك بمشيئة الله.

الف شكر اخوي ماقصرت الله يوفقك دنيا واخره عالمعلومات
وانا ما ابي عرب وسعوديين كثير بالعكس بس متردده من ناحية المعهد اذا ممتاز او لا والحمدلله انه غير تجاري ولو افترضنا انه سيء طمنتني عن امكانية التغيير وانه الموضوع سهل وبما انك درست في منطقه قريبه منها كيف المنطقه امنه وكيف جوها والناس اللي عايشين فيها؟والله يعطيك العافيه اخوي

انتي بس تأكدي أنه معترف فيه وروحي له ، ابعدي عن السعوديين، رغم اني اشوف كثرتهم مو ذاك الضرر الكبير

شكرا اخوي كلي تفاؤل عالنصيحه معك حق
وأنا معك السعوديين مامنهم ضرر كبير بس اذا اجتمعو في مكان تبدا دوريات القهوه والعشا في البيوت والخرجات والسهرات ايام الويكند والكشتات يعني يلهون الواحد شوي عن دراسته عشان كذا الأفضل ان المكان يكون فيه اقليه منهم