داخل على الله ثم عليكم ارجوكم ساعدوني !!
السلام عليكم ورحمة الله و بركاته
يا اخواني انا ضيعت سنة و نصف من عمري بدون فايدة لعدم قدرتي على الألتحاق يالبعثات او الجامعات و الأن الحمد لله استطاع والدي توفير مبلغ لدراسة اللغة في امريكا وانا قادم في شهر ابريل ، و السؤال هو انا اذا وصلت امريكا و معايا قبول لغة فقط هل استطيع التقديم على الملحقية بطلب الحاق في البعثة وهل يلحقوني ؟ ولا لازم اجيب قبول جامعة اول شيئ؟ السبب ان الضمان المالي الي تطلبه الجامعة كبير جدا ولا استطيع تأمينه وانا ضيعت من العمر ما يكفي وحاب التحق بالجامعة في اقرب وقت
الله يوفق الجميع و يسترعليكم و يرزكم من اوسع ابوابة
رد: داخل على الله ثم عليكم ارجوكم ساعدوني !!
والله و انا اخوك اللي اعرفه انه ..
لازم تخلص اقل شيء ٣٠ ساعه في المعهد ..
و ما عندي خبره كبيره بهالموضوع ،،
اتمنى يفيدونك الاخوان اكثر ..
و اسال الله لك التوفيق ..
رد: داخل على الله ثم عليكم ارجوكم ساعدوني !!
اذا تبي نصيحتي خل ملفك كامل(لاتروح الا وانت معك قبول جامعه ومعهد عشان مايكون ناقص الملف وتتعطل امورك)
موفق
رد: داخل على الله ثم عليكم ارجوكم ساعدوني !!
يا الغالي اذا تقدر ترووح للوزاره وتطلع لك امر اركاب فانشا الله امورك في السليم
بعدين المعهد الي انت مقدم فيه تابع للجامعه او لا
اذا كان تابع للجامعه فاطلب منهم القبول وانشا الله يعطونك القبول
حاول في الجامعه واشرح لهم الوضع ترى بعض الجامعات متفاهمين
انا طالع عل حسااابي وقلت للجامعه ابى قبول جامعه مع قبول المعهد علشان الملحقيه الثقافيه اطلعوا فاهمين نظامنا وماقصرت مديره المعهد ساعدتني وعطتني قبول معهد وخطاب من الجامعه
رد: داخل على الله ثم عليكم ارجوكم ساعدوني !!
الله يعطيكم العافية و انشاء الله انا بكلم الجامعة و نحاول نوصل لحل
رد: داخل على الله ثم عليكم ارجوكم ساعدوني !!
شوف يا اخي الاتحاق بيد الله عز وجل قبل اي شي
شوف بشرح لك الموضوع من واقع تجربتي انا و اصدقائي :
١ - اذا رحت امريكا و معاك قبول معهد فقط فانا ابشرك بإن ملفك راح يكون برف الي ان يشاء الله ولا احد بيطالع فية اصلا .
٢ - الضمان المالي شي صوري فقط يعني لو عندك ٤٠ الف بالحساب خذ بيها كشف و ارسله لهم و بيرسلوا لك القبول بإذن الله
٣ - مو من الظروري انك تجيب قبول من اقوى جامعه في امريكا ! يجب قبول من اسوى جامعه لو تبي ياشيخ ، اهم شي معترف فيها من الملحقية ، فمجرد ماتنظم خلي شغلك الشاغل انك تجيب قبول من جامعه معترف فيها و افضل و اقوى لان ضمانك المالي بيكون قوي لان وراك وزارة التعليم العالي .
بالعربي بيني وبينك ، لو رحت بدون قبول جامعه و معهد فانت بتضيع وقتك و فلوس ابوك علي الفاضي هذه الاثنين لازم تكون معاك و لابد يكون معترف فيهم من الملحقية
الالتحاق :
١ - طلبة البكلريوس : اذا كان ملفهم مستوفي الشروط فإتحاقهم بيكون مابين ٣ ال ٥ اشهر بإذن الله و يمكن اقل. ( من واقع المواضيع بالمنتدى )
٢ - طلبة الماجستير : التحاقهم بيكون مابين اسبوعين الي ٣ اشهر اذا ملفهم مكتمل ( متاكد منها بإذن الله من واقع اصدقائي )
الخلطة السحرية للالتحاق :
١ - اكثر من الاستغفار و التسبيح لان الله يجعل لك من كل هم مخرج و من كل ضيق فرج
٢ - واضب علي الدراسة و جيب اعلي الدرجات و زود مشرفك بأجدد التقارير عن دراستك
٣ - خل سمعتك مثل العسل بين الناس علشان حتي لو سال مشرفك عنك يمدحك المعهد له
٤ - اترك الصرفدة و الهجولة و السلسة في الشوارع و اكتفي انك تفلها اخر الاسبوع
هذه هي الخلطات السحرية للاتحاق بالابتعاث غير كذا مافي حلول ، خل الواسطات و المذلة و سؤال غير الله ، و بإذن الله نشوفك تكتب لنا موضوع عنوانة ( الحمد لله انقبلت بالبعثة ) ، اوامر الاركاب و غيرها ، اعرف واحد طلع و جاب امر اركاب من الوزارة وجاه القبول بعد ٣ شهور ههههه رغم ان صاحبة طلع بدونة و جاه القبول في نفس الفترة و اليوم بعد هههه
لا تنساني من دعواتك ترا انتظر موعد السفارة علي نار و خايف :)
رد: داخل على الله ثم عليكم ارجوكم ساعدوني !!
اقتباس:
المشاركة الأصلية كتبت بواسطة Nice touch
والله و انا اخوك اللي اعرفه انه ..
لازم تخلص اقل شيء 30 ساعه في المعهد ..
و ما عندي خبره كبيره بهالموضوع ،،
اتمنى يفيدونك الاخوان اكثر ..
و اسال الله لك التوفيق ..
يا اخي هذا الكلام علي الورق و في الموقع ، يعني ( كلام فاضي )
اعرف ناس كثيرة دخلوا للبعثة وهم في مرحلة اللغة و بعد 3 اشهر فقط من تقديم الملف
الـ 30 ساعة هذه لاهل البكلريوس
الـ 9 ساعات لاخل الماستر
يعني هذه الفقرة مثل الي يقول لك اذا انت فلة و ماجبت قبولاتك معاك و بعد فترة اللغة جبت القبول و دخلت الجامعه ، بالله ارسل لنا القبول و اول شي نشوف اذا الجامعه موصي بها و الجامعه مو مقفلة و و ثالث شي نرفع ملفك المركون و المغبر للوزارة في الرياض وهي توافق علية او ترفض !
فهمت الموضوع :)
رد: داخل على الله ثم عليكم ارجوكم ساعدوني !!
احسنت والله ماقصرت يااياد العنزي
على هالشرح الوافي ورفعك لمعنويات زملائك بالمنتدى
وكلامك الرائع وتذكيرك بالله
وياليت االاخوه في المنتدى
ينتهجون نهجك ومشكووووووووووووووووور
رد: داخل على الله ثم عليكم ارجوكم ساعدوني !!
كفيت ووفيت أخوي إياد
وفقكم الله جميعا
رد: داخل على الله ثم عليكم ارجوكم ساعدوني !!
اضافه على كلام الاخوان
- موضوع الضمان المالي للحصول على قبول من الجامعات الامريكيه اغلب مكاتب القبولات تسويه لك . .
موفق