كيف نتعآمل مع العآئله في امريكـآإ ..
السلام عليكم و رحمة الله و بركاته
كيف الحال اخوآني عسآإكم بخير
انا ان شاء الله جاي لـ امريكآإ بكره ..
فـ تعرفون اي واحد بيروح امريكا رآح تجيه تساؤلات كيف اتعامل مع العائله
و كيف اختلط معهم و هل هم عندهم التزامات او قيود تجبر الوآحد على اتباع انظمه او الوضع عندهم عادي
انا لآحظت ان المنتدى ما تطرق من موضوع التصرفات مع العائله و كيفية التعامل معهم لتجنب اخطاء
قد وقعوا فيها البعض فـ حآب اعرف انا او اي مبتعث بالمستقبل لكي يضع فكره في رأسه
و تكون لديه خلفيه حول موضوع السكن مع العائله و نصائح
نحن هنا لكي نساعد بعضنا البعض
فـ ارجوا التفاعل مع الموضوع و طرح بعض المشاركات المفيده للجميع
و يعطيكم العافيه
ودي :heart:
رد: كيف نتعآمل مع العآئله في امريكـآإ ..
انا كنت بكندا اتوقع نفس الشي
اولا حتي لو ما معك لغه راح يفهمونك بلغه الاشاره مثلي انا جننتهم بلغه الاشاره
ربك ييسرها
اهم شي لا تسالهم عن اعمارهم لا تصير ملقوف لا تفتش بالاغراض حقتهم حالك حال نفسك لا تتاخر عليخم بالمواعيد مثل تبي تطلع معهم او غداء او عشاء خليك بالوقت
بعدين اذا ماتبي تاكل معهم قلهم قبل يطبخون
حاول تستخدم كلمت بليزز بكل شي يعني خليك مره مهذب وبولايت
وحاول الاختلاط معهم علشان تستفيد ترا بعض العوائل اذا ماختلط معهم يحسبونك عنصري ولا متشدد ديني ومايرتاحون لك بالعكس اضحك معهم ووسع صدرك ترا مره فله من جد
بالتوفيق ودعواتك
ايش انا حاضر
رد: كيف نتعآمل مع العآئله في امريكـآإ ..
حبيبي الوضع عااادي والعائله تعرف انك جيت لها لهدف وهو ممارسة اللغة وشي طبيعي اول الاشهر بالاشاراة
انا مع عائلة امريكية الان ومرتاااح وتو مسافر معهم ومرتاحين معي وانا كذالك اهم شي تكون محترم معهم
موتجي اخر الليل وتجلس تسولف بالمسن ولا الجوال وترفع صوتك تعرف بيوتهم مو طوووب زينا خشب
كذالك الكلاب اعزكم الله عادي لاتهتم فيها حتى مايتجرا عليك ويجي يجلس معك ولا جنبك ترى محدثك عطاهم وجه والنتيجه مرتين اسوي شكشوكة واتركها عالطاولة واروح ابي اجيب خبز ولابيبسي ولا غيره وارجع واحصل الكلاب مربعه فيها بصراحه شعوري وقتها مايوصف يعني ههههههههه خل اكلك دائم بغرفتك حتى ما تظطر تقول الكلب سوى ولا ماسوى ترى يقدرونها...
حاول دائما وقت فراغك انك تجلس بالليفنق رووووم وحتى لو كنت تستخدم الكمبيوتر غرفتك فقط للنوم والدراسة...
الابتساااااااامة شي مهم كذالك كلمات النفاق الاجتمااااعي الامريكيه هههههههههplease -thank you a lot - Iam so sory
بالاخير لابد ان تسال وتحاورهم في اي موضوع لاتنتظرهم يسالونك ويحاورنك اذا مانت حريص مارح يهتمون ...
تعبت من الكتابة وهذا جزء من تجربتي
تحياتي
رد: كيف نتعآمل مع العآئله في امريكـآإ ..
رد: كيف نتعآمل مع العآئله في امريكـآإ ..
وبرضوا هذا موضوع فيه اهم المواضيع اللي انكتبت في المنتدى . كــــــــل شي براسك تلقاه هنا
http://www.mbt3th.us/vb/forum8/thread214128.html
رد: كيف نتعآمل مع العآئله في امريكـآإ ..
اتبع طريقة ال mirroring اجمالا. يعني راقب تعاملهم و طريقة كلامهم مع بعض واتبع نفس الاسلوب. تلاقيهم دايما يستخدمون عبارات الشكر والاعتذار عند الحاجة. احترام المواعيد شئ مهم جدا. اذا ماتبغى تطلع معهم أو تبغى تاكل برة مع الشباب الخ ، علمهم من بدري علشان لايحسبون حسابك ويتوهقون. عادة مايطبخون كميات زايدة ، كل شي عندهم محسوب خصوصا مع الأزمة الاقتصادية. اذا طلعت برة لاتنسى تطفي النور في غرفتك الخ ، لأنهم حريصين جدا على هذه الأمور. غالبا مابيتدخلون في خصوصياتك ومن اللباقة انك ماتتدخل في خصوصياتهم.
اجمالا ، لاتخجل نهائيا انه يكون لك رأي مستقل ، يعني مثلا مو ضروري تطلع معهم اذا ماتبغى. في نفس الوقت هم بيعاملونك باحترام ويتوقعون نفس الشي منك. اذا شفت عليهم سلبيات ، لاتدقق ، طالما انها ماتضرك وتذكر انك ضيف عندهم. الابتسامة عندهم شئ مهم جدا ، خلك مبتسم دائما :-)
أفضل طريقة لتعلم اللغة هي الممارسة ، حاول تتكلم معاهم وتتعلم من طريقة كلامهم. ممكن برضه تطلب منهم بشكل صريح انهم يصححون أي أخطاء لغوية تسويها سواء في ال grammar أو في طريقة النطق (accent).
من الأفضل تجنب النقاش في المواضيع الدينية والسياسية الا اذا هم سألوك ، وحاول ماتدخل في تفاصيل مالها لزوم اذا سولفتوا في المواضيع هذه.
غير كذا ، وسع صدرك وتعلم اللغة واستمتع بوقتك.
Try to enjoy your time at the fullest
رد: كيف نتعآمل مع العآئله في امريكـآإ ..
يعطيكم العافيه و ما قصرتوا
بدعتوا صرآآحه
الله لا يرحمنآإ منكم
رد: كيف نتعآمل مع العآئله في امريكـآإ ..
يعطيكم الف عافيه
من جد استفد
الله يوفقكم جميعا يارب ..........ز
رد: كيف نتعآمل مع العآئله في امريكـآإ ..
مشكوورين اخواني
صراحه استفدت من هالموضوع وشكرا لكم
وشكرا لصاحب الموضوع لأنه جاب هالفكره
وبالتوفيق للجميع
رد: كيف نتعآمل مع العآئله في امريكـآإ ..
طيب لو انا واخوي بنسكن معاهم عادي تتوقعون ولا لازم نفر واحد
واش افضل انواع العائلات؟؟
بعضهم يقول خذا حرمه كبيره في السن
وناس تقول خد عائلع عندهم بزارين وتكلم معهم مدري واش الاحسن