رحلتي بعد عشر ايام احتاج توضيح لبعض النقاط ^_^

السلام عليكم ومساكم الله بالخير .. كيف الحال ^_^

1- ياخوان في موقع الملحقيه بالتحديد اشعار وصول مبتعث طالبين مرفق ماعرفت ايش هو بالضبط اسمه (قرار الإبتعاث ) هل المقصود فيه الـ i-20 وهل المرفق لازم يكون ملف صورة لأنه عندي ملف بي دي اف
هنا >> إشعار بوصول مبتعث جديد الى واشنطن العاصمة

2- احد المستندات المطلوبه هو الشهاده للمرحلة الاخير ( انا معي ثالث ثانوي ) هل يبون صورة ام يبون الاصل << تكفون لاتوهقوني بهذي النقطه

3- احد المستندات الملطلوبه هو ( إرفاق كشف درجات للجامعات أو الكليات التي درس فيها الطالب للمرحلة الحالية مصدقة من الملحق الثقافي - إرفاق تقرير دراسي من مسجل الجامعة )
ماهو كشف درجات الجامعة ؟
ياشباب هل التقرير الدراسي هو السجل الاكاديمي ؟؟ ( انا اخذت سجل اكاديمي من الجامعة )
مع العلم اني درست السنة التحضيرية في جامعة الملك سعود بعدين سحبت عليهم ... دخلوني تخصص مابيه :(

4- ابي احجز من واشنطن الى دايتون يعني رحلة داخليه في امريكا ودي لو تعطوني موقع لخطوط جوية حلوه وسعرها مناسب لو تكرمتو ..

وآسف للإطاله ..

رففع

الله يسهل لك

1- ترفق لهم قرار الإبتعاث إذا كنت مبتعث أو قرار إركاب إذا عندك وننتظر الأعضاء يفيدونك
2- هم يبون صورة بس لازم الأصل يكون معاك
3- ماتحتاج السجل الأكاديمي دامك بتقدم بالثانوي
4- بخصوص الخطوط ماعندي أي خلفية


وفقك الله

1- اذا انت مبتعث من الحكومه لازم يكون معك قرار الابتعاث من الوزارة أو أمر إركاب.
2-صورة طبعآ الأصل لا تفرط فيها أبدآ
3- انت لسة بالثانوي يعني ماعندك سجل أكاديمي
4-الخطوط يونايتد اوف أمريكا سمعت انها حلوة
وبالتوفيق يااارب

ابي اعرف بس ..
كيف نحتفظ بالشهاده الاصل و هي اصلا عند الوزاره .. ؟؟

الله يجزاكم خير ياخوان والله ردودكم اثلجت صدري وانشاء الله يكون ناس غيري انتفعو فيها بعد ..

طيب عندي سؤال اخير واتمنى ماكون ثقلت عليكم : هل احتاج اي ورقه او مستند او وثيقه من ( وزارة التعليم العالي او وكالة البعثات التابعه لوزارة التعليم العالي ) ؟؟