لواحد رايح لامريكا من الديره !!

السلام عليكم ورحمة الله وبركاته

كيف حالكم ياجماعة الخير

والف مبروك للي انقبلوا في المرحله السادسه والله يوفق الجميع يااارب

طيب ياجماعه نبي ندخل في الموضوع على طول وبندخل عررض بعد

بالعربي الفصيح انا رجال طوووول عمري في الديره وتخرجت منها ماعمري رحت لمدينه الا ان كان باجازه واروح لها ابو اسبوع وارجع بعد < عمانه وخواله دايم يجونهم يعني قلق

المهم مالكم بالطويله انا رجال ماعمري شفت حركات زي كذا امريكا وانفتاحيه وكذا وبالعربي خااايف على نفسي لا ادشر واخرب ومن هالكلام

فـ وش وضع امريكا هناك انا لاحطيت قناة غنوة ضاعت علومي اجل لو اروح هناك وش بيصير فيني ، السؤال هو

تنصحوني اتزوج واخم الحرمه واروح هناك ولا اطلع واشوف وش الوضع وامسك عمري طرق عن خشمي .؟

هذا شى والشى الثاني انا انسان مدخن عشان كذا ابي اسئل كيف الوضع بالنسبه للدخان وكم اسعاره وهل هو بيجلدني ويطفرني ولا انثبر واترك عني الدلع والهياط حق الديره ذا :Dr_Evil:

والشى الثالث واللي مو اهم من الاول اني انسان راعي كيف قهوة وحركات والعود يكون جنبي < عزيّف عود

مسموح لي القطه هناك واعزف متى ما اشوف نفسي فاضي ولا فيه اجازه اقعد اسلي نفسي
يعني يقدر هالعود يصير مرافق لي في غربتي تغرب النور عن عيني وش حاجتي في نور عينن غاب غاليها < يابو الشباب اركد تراك رايح تدرس منت تسوي جلسه :1eye:


ع فكره نسيت اقولكم اني انقبلت في المرحله السادسه في ولاية الاباما جامعة تروي

ولكم جزيل الشكر والامتنان والاحترام ....

وعليكم السلام
يا ابو الشباب خذ العود وخذ القهوه وخذ الحرمه اذا تقدر
لكــــــــــــــــــــــــــــــــــــــــــــــــ ــــن اترك التدخين نصيحه
لكــــــــــــــــــــــــــــــــــــــــــــــــ ــــن اترك التدخين نصيحه من واحد خايف عليك لان الدخان يجر غيروا وراه
وبالتوفيق

هههههههههههههههههههههههههههههههههه
اما ضاعت علومك عند غنوه
مثلك مثل باقي العزاب كان الله في عونهم و سدد خطاهم خخخخ

والله يالغالي شف بالنسبه للزواج و ما الى ذلك ..

انت رح اول شي ,, و اجلس كم شهر , عشان تعرف الديره زين
مو تروح انت و حرمتك مع بعض .. وتدربون روسكم هناك خخخخ

و غير كذا تشوف نفسك تقدر تمسك نفسك .. و لا الوضع تأزم ^_^
اذا تازم الوضع رتب امورك و تزوج ,,

بس اهم شي انك تروح اول شي لحالك .. عشان تعرف الديره و طبعها


بالنسبه للدخان والله ما عندي علم .. لكن ما اتوقع انه يفرق كثير عن السعوديه

و اكيييييد تقدر تاخذ العود . و لو تبي تعزف بالطياره خذ راحتك >> يبي ينكبه خخخخ
و العود ما اظن فيه اي مشكله ..

و الله يوفقك . و ان شاء الله اني افدتك

وعليكم السلام ورحمة الله وبركاتهـ ،،

الحمد لله بخير دامك بخير ،،

شوف يا أخوي تبي الكلام إللي يجمد على الشارب ،،

ما دام انك بقراطيسك وداخل على تغيير ،،

خلي قراطيسك في السعوديه وغير عاداتك -السيئه- مع تغيير المكان ،،

ترى إلي يبغى يتغير يتغير في أي مكان سواء كثرت المعاصي في المكان ولا قلت ،،

على سبيل المثال الأستاذ أحمد الشقيري كان صايع قبل لا يروح أمريكا ،،

راح هناك إلتزم ،،

نصيحتي لك ،، <- إعتبرها من أخوك الصغير ^_^

1: خل عنك التدخين بعض النظر عن كل أضراره ترى هناك أغلب الاماكن المقفله ممنوع التدخين فيها وسعره اغلى من السعوديه بكثير ،،

2: إذا تقدر تتزوج تزوج أو أخطب على الأقل بس لاتشيل حرمتك روح هناك على الاقل شهر ضبط وضعك من سكن وغيره وبعدين خليها تلحقك ،،

3: بالنسبه للقهوه إذا كنت في سكن جامعه ما في مطبخ يعني ما في قهوه لكن إذا كنت في شقه خذ راحتك بس لا تنسى تشيل معاك بن وهيل ونانخه وزنجبيل وقرنفل وغيره من متطلبات القهوه وإذا كنت ساكن مع عائله على حسب في بعض العوائل يمنعونك من دخول المطبخ وبعضها عادي ،، <- أهم شي إذا ما تعرف تسوي قهوه خذ كورس من الوالده

4: بالنسبه للعود أو الأغاني بصفه عامه أنصحك بعدم سماعها لأنها تثير العواطف وتجرك للزنا وانت أدرى أن طرق الزنا هناك ممهده وسهله ،،

لو تبي تسمع شي أحلى وأفضل وأعذب من الأغاني شي يرد الروح على قولهم ،،

إسمع ،،

[ame=http://www.youtube.com/watch?v=uomIX-of7xU]YouTube - &#x202b;خشوع عجيب وبكاء حتي من الاطفال تراويح الشيخ ياسر الدوسري(Quran islam )&#x202c;&lrm;[/ame]

[ame=http://www.youtube.com/watch?v=FPGWktguAtM]YouTube - &#x202b;سورة القيامة سوف تبكي عند استماعك ياسر الدوسري Holy Quran&#x202c;&lrm;[/ame]

الله الله على مقام الصبا ،،

5: [ame=http://www.youtube.com/watch?v=ynGSd2XKdM4]YouTube - &#x202b;ثلاث وصايا من القلب للشيخ صالح المغامسي إلى المبتعثين&#x202c;&lrm;[/ame] ،، <- نصائح رائعه

هذا إللي عندي وآسف على القصور ،،

الله يوفقك ويسهل لك غربتك وإن شاء الله تروح وترجع بالسلامه ومعك أفضل الشهادات ،،

تحياتي ،،

مسا الخير كيف الحال ياشباب سفري في شهر 3 وعندي مخاوف من السفر من ناحيه الامان ومن ناحيه المطار ومن ناحيه اختيار الولاايه [اورقن او فرجينيا] ومن ناحيه الغلا المعيشي وهل تكلف لاني رايح على احسابي الخاص وهل الملحقيه بطول اذا بغيت اتحول على احسلب الحكومه


ابي الرد الله يخليكم

وعيكم السلام والرحمة

والله يااخوي روحتك لامريكا هو اختبار حقيقي لايمانك ومدى صبرك

مدام شوفتك للقناة ضيعت علومك فأنا أنصحك تتزوج وتروح..


والعود ماأنصحك فيه ابدا لانه طالما هو جنبك ماراح تتعلم انقلش وطول الوقت جلسات طرب ووناسة

ف الاخير حترجع لاهلك ع اقرب طيارة

وترى الغربة هناك يبغالها كفاح وتعب يعني الوناسة اللي هنا انساها ..

اذا تبي تتونس اقلها تروح مع اجانب وتضحك وتتكلم معاهم ..

طبعا انا ماأحبطك ..أنا أبغى احسسك بجدية الخطوة اللي انت مقدم عليها

الموضوع مو سياحة!


الموضوع كفااااح ..ياتكون أو لاتكون!

اخوي انصحك نصيحه من قلبي تزوج والا خطب والا ملك اخاف تجيب العيد لا سمح الله واذا جبت العيد من اول مره بتصير عادي تجيب أعياد وراها الله يبعدك عنها ان شاءلله و لو ترتبط احسن ترى الحرمه تصبرك وتشد من أزرك وتكون عون لك ان شاءالله وخذها من اول مره الله يسعدك صدقني بترتاح كثير وبتقطع عليك المشوار والتعب كثيير ترى الفتن كثيره وأصحاب السوء واجد ومنهم سعوديين للأسف اخاف يجرفونك من اول مره وبالتوفيق لك

لآهنتـــوا ياجماعه ع الردود وكفيتوا ووفيتوا

لكن بالنسبه للي يقولون اترك الدخان ياجماعه تركة الدخان ماهي بسيطه والله ماهي بسيطه لكن بنحاول اننا نتركه ونبتعد عنه لكن المصيبه مو في الدخان المصيبه في غيره من البلاوي اللي هناك

وبالنسبه للعود واللي يقول اتركه انا ترى ماني بجالس اربع وعشرين ساعه عليه يعني قلت لكم في اوقات الفراغ و الاوقات اللي اكون فيها متعكر شوي في المزاج ادندن شوي والحن من ما تبوح به نفسي < وش عنده البحتري !!
لكن اللي تقول لي اني لازم اخذ الموضوع بجديه انا ماخذ الموضوع باقصى جديه والله العالم ومضبط اموري هنا لي بالرياض تقريبا اربع ايام < ياكبرها كبرااااااه اربع ايام !!

وقاعد اجمع من الكلمات واحفظ فيها للي تهمني في امور التوصيل وامور المخاطبه

وسالفة الحرمه والله اني خايف منها لكني اقتنعت برد اللي يقول رح رتب امورك هناك بدال ماتدربي راسك انت وياها


بس نرجع لموضوع الدخان ياجماعه اللحين الطياره يقال والعهده ع الراوي مريض المحبه ماله مداوي < لا تبي تروح لامريكا هاه !!

يقولون انها 16 ساعه يعني معقوله ابي اقعد متصلب في الطياره 16 ساعه وبدون دخان ماكنها شووي صعبه وقويه ؟

اقتباس:

---

وعليكم السلام ورحمة الله وبركاتهـ ،،

الحمد لله بخير دامك بخير ،،

شوف يا أخوي تبي الكلام إللي يجمد على الشارب ،،

ما دام انك بقراطيسك وداخل على تغيير ،،

خلي قراطيسك في السعوديه وغير عاداتك -السيئه- مع تغيير المكان ،،

ترى إلي يبغى يتغير يتغير في أي مكان سواء كثرت المعاصي في المكان ولا قلت ،،

على سبيل المثال الأستاذ أحمد الشقيري كان صايع قبل لا يروح أمريكا ،،

راح هناك إلتزم ،،

نصيحتي لك ،، <- إعتبرها من أخوك الصغير ^_^

1: خل عنك التدخين بعض النظر عن كل أضراره ترى هناك أغلب الاماكن المقفله ممنوع التدخين فيها وسعره اغلى من السعوديه بكثير ،،

2: إذا تقدر تتزوج تزوج أو أخطب على الأقل بس لاتشيل حرمتك روح هناك على الاقل شهر ضبط وضعك من سكن وغيره وبعدين خليها تلحقك ،،

3: بالنسبه للقهوه إذا كنت في سكن جامعه ما في مطبخ يعني ما في قهوه لكن إذا كنت في شقه خذ راحتك بس لا تنسى تشيل معاك بن وهيل ونانخه وزنجبيل وقرنفل وغيره من متطلبات القهوه وإذا كنت ساكن مع عائله على حسب في بعض العوائل يمنعونك من دخول المطبخ وبعضها عادي ،، <- أهم شي إذا ما تعرف تسوي قهوه خذ كورس من الوالده

4: بالنسبه للعود أو الأغاني بصفه عامه أنصحك بعدم سماعها لأنها تثير العواطف وتجرك للزنا وانت أدرى أن طرق الزنا هناك ممهده وسهله ،،

لو تبي تسمع شي أحلى وأفضل وأعذب من الأغاني شي يرد الروح على قولهم ،،

إسمع ،،

المصدر: http://www.mbt3th.us/vb/forum8/threa...#ixzz1APuAsXBw
حفاظاً على حقوق الكاتب نرجو عدم حذف المصدر مبتعث

---

تسسسسسسسسسلم يالغلا والله يجزاك خير وتسلم ع المعلومات اللي افدتني فيها كثير

لا يالغلا سالفة القهوة وامورها خلها علي ولو تبي تسير حياك الله مالك الا واحد يعدل راااسك واذا بغيت الحق افكر اخذ النجر معي ونجمع الجيران ان حصل < يابو الشباب وش رايك تجيب النياق بعد !!
وتسسلم ع النصيحه

هههه ذكرتني بواحد في كندا في مونتريال بدووووي من الرياض مايعرف الا يس ونو وعااااايش كيف ماادري ؟؟؟؟؟؟؟؟؟؟؟؟؟؟؟؟؟؟؟؟؟؟ كل مااحد يسأله يقولهم يس ولا نو يكلموه بالفرنسي ومايعرف الا يس او نو

ياااشيخ خايف من ايش؟؟؟ انت بشري وهم بشر انت تاكل وهم ياكلون وانت تفكر وهم يفكرون ماعليك من شي بس اللي اتغير العادات والتقاليد وهذي سهله كلها كم يوم وتتعود

وبخصوووص العود والقهوه والشاهي انت رايح تدرس ولا تفل ؟؟؟؟ انساها
والتدخين بيخسرك كثيرررر

والحرمه هذا شي يرجعلك اذا حاسس نفسك اتكمل بلاش واذا حاسس نفسك ماتقدر تصبر اتزوج

وسلامتك