الله يفرج كربت كل من يفرج كربتي . .

السلام عليكم ورحمة الله ..



مســـــــــــــاء الخير ..على الجميع ..


أرجو من كل يقرا موضوعي انه يفيدني بكل ماعنده من معلومات ..

وتأكد انك ساعدة اخوك المسلم راح يجي يوم وتحتاج مساعده ويكون فيه احد يرد لك اياها ..



انا ان شاء الله خلال الشهرين الجايه ممكن تكون سفرتي للامريكا ..وشايل هم وخايف مثل ماانا متحمس ..


ضبطة اوراقي من مكتب وجابلي قبول من معهد بولاية فلوريدا ..

اسم المعهد ..
inlingua florida



اسم المدينه ..


fort lauderdale



فا بحتة عنهم واحد يسب واحد يمدح ..


وبالطريق اوراقي الجامعيه بولاية متشيقين ..



لكن الي لخبط مخي ..جاني واحد من الشباب وانتقد المعهد التجاري من جميع النواحي ..

وقالي ان الاكاديمي افضل ومدري ايش ..وفيه ناس تقول لا العكس ..


انتم يااهل الخبره تكفون شرايكم لاني كلمت المكتب ماعنده مشكله انه يجيب لي قبول مره ثانيه اللهم بس انه يتأخر ..

وقالي انا انصحك ماتغيره اهم شيء معترف فيه ..





شرايكم ..اتوكل على الله واكمل اوراقي بس ولا اقوله لا يجيب لي قبول معهد اكاديمي ..

لاني بفهم هي على حسب المعهد ولا على حسب الطالب وكيف اجتهاده عشان يحصل على افضل درجة توفل ..


والاستستفار الثاني ..


لو مثلا رحت للمعهد اقدر لارحت امريكا اغيره ولا فيه صعوبــه ....


ومن ناحية التخصصات الجامعية انا جاني قبول جامعي تقريبا لكن لارحت هناك وخلصت دراسة معهد ..

وهونت عن التخصص الي جاني القبول له ..اقدر ابدله بتخصص ولا لا ..

لاتقريبا جاني تخصص طب اسنان ..فا كثير قالو لي انه دراسته طويلــه جدا ..




ارجو الرد باسرع وقت عشان اقدر افيد المكتب ..



يعطيكم الف عافيه والله يوفقكم ...

مساء الخير
موضوعك ان شاء الله في السليم
بالنسبة للمعهد شي ما يختلف عليه اثنين ان الأكاديمي اللي تابع لجامعة أفضل مليوم مرره من التجاري
ولا أخفيك ان المسؤلية تقع على الاثنين الطالب والمعهد ولكن مع كل الظروف أسوأها وأفضلها الأكاديمي أفضل

وبالنسبة للمكتب فهذا شي طبيعي انه بيقوللك خليك على قبولك لأن المكتب مهما كان مخلص برضه ما يهمه .

واذا كنت مستعجل وسافرت تقدر تحول بكل سهولة ان شاء الله لكن من الأفضل ان الشخص يرتب أموره من هو لسه في السعودية ويظبط الفيزا على أساس القبولات اللي هو مقتنع فيها .وهذا كمان يعتمد على الشخص نفسه في ناس تحب تروح والأمور واضحة ببالنسبة لها وفي ناس تحب المجازفه

بالنسبة للتخصص كمان تقدر تحول بعد ما تبدأ الدراسه بس هذا له شروط وقوانين محدد وكل جامعة لها شروط خاصة فيها

أتمنى لك التوفيق والسداد بإذن الرحمن

الله يعطيك الف عافيه ويوفقك ان شاء الله ..


والله يسهل دربك ..


بأنتظار الاخوان الي يعرف معلومات عن المعهد والمدينه ..

استخيررررررررررررررري

شوف يا عزيزي خذها قاعدة من واقع بحثي في المنتدى هنا

ياعزيزي محد يعطي الخير الا قليل جدا من الشباب و البنات .. و الكل يجلس يسب و يسخط في اي معهد حتي لو كان ممتاز و كل الناس ماشيين فيه لكن هو يعلق فشلة على المعهد ، لكن فيه بعض المعاهد و الشهادة لله زبالة اخر 3 4 حاجات يعني بتضيع وقتك فيه ،

توكل على الله و صدقني الي جلس يذم لك في المعهد هذا واحد مايبغى مصلحتك ، نعم المعهد التابع للجامعه ممتاز ، لكن مو معناها ان كل المعاهد التجارية تعبانة و الدليل ان الملحقية معترفة بفروع مره كثيرة من معهد ELS لكن البعض يبغى واحد يعلمة 1 / 2 / 3 و نهاية الاسبوع يعلمة A,B,C و طبعا الاحرف اختيارية مو اجبارية ، و يحبذ ان يكون الكتاب فيه صور ميكي و بطوط و بندق .. هذا الواقع


الخلاصة ..

مادام المعهد و الجامعة معترف فيهم .. توكل على الله ولا تشاور اصلا ، و اذا ماعجبك ترا انت دارس على حسابك و تقدر تغير على كيفك ، و في الاول و الاخر لما بإذن الله تنقبل في البعثة روح غير الجامعه كمان لو تبي

نصيحة :
احتفظ بكل الايصالات و لما بإذن الله تنقبل في البعثة قدمها لهم علشان يعوضوك عن فلوسك الي دفعتها

..........

و اي سؤال انا حاضر سواء خاص او بالموضوع هنا

الله يعطيك الف عافيه ويوفقك اخوي ..


شاكر لك نصيحتك والله يسهل دربك ..

السلام عليكم

كيفك يا الغالي

لا تهتم بالي يحاولون يحطمون

بيني و بينك والله 50% على المعهد و 50% عليك

المعهد بيعطيك اساسيات و انت من تعاملك و ممارست تجمع كلمات و كذا

يعني المعهد يعطيك قاعد ه انت لو ما عندك كلمات ما حتقدر تطبق القاعده

يعني شد حيلك و اهم شي يكون المعهد معترف فيه و الجامعه معترف فيها

و الله يوفقكـ يا رب

دعواتكم تطلع فيزتي

الله يوفقك ان شاء الله


وويسهل امركم وكل مسلم