عرض للطباعة
السلام عليكم .. كيفكم ..؟
حاب اخد رايكم .. عن معهد امبيسي CES من جمييييع النواحي ..
لانو اليوم جاني اتصال من مكتب تجسير .. وقلي اسم المعهد اللي حادرس فيه ..
اما الولاية وتاريخ بدء الدراسة ما قلي .. ولا شي عنهم .. ويوم السبت الجاي يرسلولي هوا ع المدينة ..
وبعدين ابى اسال قبول الجامعه .. متى حيجيبوه لنا ..؟؟
وكمان سؤال تاني .. لما نروح ونسوي امر الاركاب .. نسوي ع الخطوط السعودية ولا يمدينا نسويه ع خطوط تانية ..
ياليت تفيدوني ..
ومشكووووورين مقدما ..
تحياتي ,,
هلا والله بولد المدينة على العموم انا من المينة برضوا جاني القبول عل معهد embassy ces في نيويورك مانهاتن
احتمال كبير نفس المعهد الي قالولك تجسير بالنسبة للدراسة 7/3/2011 قبول الجامعة يقولوا بعد اسبوعين
بالتوفيق لك
اهلين والله اخوي .. اتشرفنا ..
امين يا رب والجميع ..
بس ما تعرف المعهد كيف .؟؟ كويس ولا لا ..؟ لانو في كم واحد ما يمدحوه ..؟ ممدري صح ولا لا..؟
والله ان كان المعهد اللي في نييورك زي الزفت اللي انا فيه فالافضل انك تغيره على طول
بعطيك معلومه صغيرونه تبي تدرس في معهد زي الناس انحش عن المعاهد التجاريه زي امبسي وخواتها لانها زي قلتها
اللي يبي ياخد توفل يبي مهد يقويك في الكتابه والقراءه مو بس التحدث لاني كويسه في التحدث بس ميح من ناحيه الكتابه والفضل للمعهد اللي انا فيه مافيه كلاس اسمه كلاس للكتابه انت وحضك ازا كان الاستاز يحب ان الطلاب يتقووون في الكتابه والا لا
يسلمووو .. يا ناهد .. ع .. الرد ..
انا لسا ما وصلني القبول .. وحيوصلني يوم السبت ان شاء الله ..
لانو لما اتصلوا عليا ما قالولي .. الا اسم المعهد وانو القبول وصل ..
وبصراحه خوفتيني .. طيب دحين انتي في ايت معهد ..؟؟..
وازا ابغى اغير المعهد .. اختار ايت معهد .. <<<<< لاني مني عارف عن المعاهد ولا شي ..
وانا كمان التحدث نص و نص .. اما القراءة مو مرة .. والكتابة كمان مو مرة ..
ومشكووورة ع المعلومة ..
ومعليش حاتعبك معايا .. ^_^
معااااكم في نفس الكليه ميرماك كولج
ياليت اقدر افيدك بس الشباب مايقصروا