الأعضاء الإشتراك و التسجيل

الملتقيات
ADs

شرح التقديم للجامعات خطوه بخطوة وبالصور

شرح التقديم للجامعات خطوه بخطوة وبالصور


NOTICE

تنبيه: هذا الموضوع قديم. تم طرحه قبل 4824 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية انا السفير
    انا السفير

    مبتعث جديد New Member

    انا السفير المملكة المتحدة

    انا السفير , ذكر. مبتعث جديد New Member. من السعودية , مبتعث فى المملكة المتحدة , تخصصى انجليزي , بجامعة جامعه
    • جامعه
    • انجليزي
    • ذكر
    • حدة, اورقن
    • السعودية
    • Jan 2011
    المزيدl

    January 14th, 2011, 01:08 AM

    بقلم سامر السلام عليكم ورحمة الله وبركاته

    طـبــعـــا ما يخفى عليكم ان نسبه كبيرة من الطلاب لايعرفو كيـفـيـة التــقــديم على الجــامعــات الامريكية او اي جامعه

    الـيــوم انــــــا جايبلكم شرح مصور مني شخصيا يخولكم الحصول على قبول من دون اللجوء لمكاتب تظطر تدفع لها 5000 ريال لشيء ما يستغرق منك الا الوقت القليل

    فترة الحصول على القبول تستغرق من اسبوع الى اسبوعين هذا بالنسبه لمعضم الجـامـعــات لاكن ما يخفى عليكم انو بعض الجامعات القويه تاخذ وقت اكثر في استخراج القبول بس عاده بيكون هذا فقط لطلاب الدراسات العليا


    طيب خلوني ابدء بالقبول بس لاحــظو شــبـــــاب انا
    حــفرض على سبيل المـثــال القبول اللي ابغاه من جامعه امريكيه ولتكن جامعة دايتون بأوهــايو


    بس قبل ما اروح لموقع الجــامعه لازم نــتـــــأكــد من حــــــــاجه مررة مهمه اللي هي

    لازم تكون هذي الجامعه
    معتـرف بها من قبل وزارة التعليم العالي بالمملكه العربيه السعوديه
    كيف نتأكد شغله ماتأخذ اكثر من دقيقه

    على طول روح لوزارة التعليم العالي لو ما تعرف الموقع روح للقوقل واكتب وزارة التعليم العالي

    هذا موقع الوزارة
    www.mohe.gov.sa

    في الصفحه الرئيسيه تلاقي تحت مكتووب مواقع مهمه

    دور على
    الجـــامــعـــــات المــوصى بهـــا

    اضغط عليها راح يقوللك اختر الدوله اختار امريكا
    ثم راح يسالك هل تريد البحث بالتخصص ام باسم الجامعه
    انت اختار البحث باسم الجامعه واكتب في المربع
    University of dayton
    اذا الجهاز ما جبلك شيء اعرف انو الجامعه مي موجوده اما بسبب انها غير معترف بها او ممكن تكون انت وانت بتكتب اسم الجامعه غلطت بـحــرف

    على العموم طبعا بعد ما ادخلت اسم الجامعه لقيتها موجوده لا وكمان ازيدك من الشعر بيت راح يجيك كل التخصصات المعترف بها ( يعني ياشباب في تخصصات معترف بها وفي تخصصات لايعترف بها لاسباب تكون معلومه من قبل المخولين لهذي الامور بالوزارة نفسها بس عاده معظم التخصصات معترف بها )

    كذه نبدء الخـطوه التانيه اللي هي عمليه التسجيل بالجامعه
    اول شيء نروح للقوقل
    www.google.com

    ونكتب اسم الجامعه
    university of dayton




    او باللغه الانقليزيه وهو افضل


    بعد ما ادخل الموقع الرئيسي للجامعه

    اختار
    Admission يعني القبول

    بعد كده حيجيك انواع القبول يعني قبول لطلاب البكالوريوس او للماجستير او الطلاب الدوليين وغيره




    احنا كـــطلاب دوليين لازم ندور على
    International admission

    وهــذا نحصلو على حسب نوع القبول يعني لطلاب البكالوريوس يدخلو على
    Undergraduate
    اما بالنسبه لطلاب الدراسات العليا اللي مثلي يدخل على

    graduate

    طيب عــشــان معـظــم الطلاب هم طلاب يبحثو عن قبول بكالوريوس خــلوني ابدء معاهم يالله

    نضغط عـلى
    Undergraduate

    بعدها نــظــغـــط على اللي موجوده في الاعلى على اليسار
    apply online
    يعين قدم عن طريق النت

    لاحـظ هنا حـصــلنـــا القبول للطلاب الدوليين
    International
    اضغط عليه
    تجيك الصفحه العامه يعني هـ الصفحه فيها كل شيء من ناحيه القبول والمطلوب وقد ايش تاخذ وقت
    ع العموم انت المطلوب منك انك تفتح حساب في موقع الجامعه طبعا هـذا الحساب مجاني وهذا الحساب الفائده منو انو يدخل اسمك في النظام عندهم عشان يكون سهل الوصول اليك عن طريق النت يعني سهل يرسلو لك رساله عن طريق الايميل


    طيب يالله نفتح حساب وانا حدخل باسم غير صحيح يالله نبدء

    اول شيء نظغط على
    apply online

    تجيني هــ الصفحه
    اختار فتح حساب اللي هو
    creat account

    بعدين عبي البيانات ولازم بياناتك تكون صحيحه


    بعد كده حيجيك الــ
    structure
    يعني التركيب

    لو تلاحــظــو انو عبارة عن 6 صفحات لازم تعبوها لو تلاحظو مكتوب فوق
    page1 page 2 page 3.....etc
    يعني مطلوب منكم تعبو بياناتكم



    طيب بعد ما تعبي الصفحات كلها السته
    لازم تضغط عــلى
    submit

    تلاقيها مكتوبه تحت page6
    يعني زي كدا
    page6
    submit
    انت بعد ما تعبي فقط اضغط على submit
    طيب هــنــــا خليني بس اشرح لكم ايش يعني هـ الكلمه
    submit
    يعني انت دخلت اسمك بالنظام عندهم كده هم راح يعرفو انو في طالب جديد قدم ع الجامعه
    يعني كمان لو عدلت او غيرت اي شيء هم يشوفوه عندهم بالنظام

    لاحــظــو أنـــــا بعد ما ضغطت ايش صار جاني هـ الصورة


    الكلام اللي مكتوب في الصورة فوق معناتو انو في نـــواقص عندي والنواقص هي اللي محدده بنقاط
    طبعا النواقص لاني ما كتبت اي شيء بس انتو بدوركم لازم تعبو كل شيء
    وبعد ما تعبو كل شيء وتسوي submit
    لازم تـــقوم بــالتـــالي

    ارسال رساله عن طريق الايميل للشخص المعني عن القبول بالجامعه واخباره بالتالي
    اخبره فقط انك قدمت ع الجامعه ومنتظر القبول

    طبعا هذا الكلام اللي انا اقولو لكم انا مو جايبو من راسي هذا الكلام مكتوب بالصفحه التركيبيه
    instruct


    طيب ايش ترسللهم بالبريد
    اول شيء اية بريد افضل كل البريد الموجود بالسعوديه طيب وانا شخصيا ما احب ارسل عن طريق فيديكس او دي اتش الDHL or FEEDEX
    لانهــــــــــــــــــــا غــــــــــــــاليه
    انا كنت ارسل عن طريق البريد السعودي
    بــ 11 ريال سعودي فقط وتوصل بعد اسبوع بالتمام
    اما DHL
    سريع بس بــ 300 ريال سعودي ويوصل خلال 3 ايام

    طيب ايش ترسللهم بالبريد
    1- صور مصدقه من الشهادات باللغه الانقليزيه

    ولاحــظ لاترسل الاصليه
    وكشف الدرجات لطلاب الدراسات العليا Transcripts

    2- الضمان المــالي الاصلي

    3-ثلاث توصيات لطلاب الماجستيرو الدوكتوراه

    4- الغـايه من الدراسه Statement of Purpose
    موجوده على هـذا اللينك
    http://sfa.saudiclub.us/vb/showthread.php?t=99
    حمل الملف الموجود وغير مايلزم تغييره

    http://sfa.saudiclub.us/vb/showthrea...tement+Purpose

    5- درجات التوفل ان وجد

    6- شيك مصدق من اي بنك وليكن حوالات الراجحي بـقيمة التسجيل والقيمه تختلف من جامعه الى جامعه بس معظمهم ما يعدي حدود 75 دولار امريكي


    وترسلهــا على العــنــوان التـــالي لطلاب البكالوريوس

    Supporting documents should be sent to:

    Office of Admission
    University of Dayton
    300 College Park
    Dayton, OH 45469-1300
    USA

    اكتب نفس العنوان اللي موجود فوق على الضرف

    طيب السؤال هنا ايش اكتب له بالانقليزي وكيف احصل ايميل الشخص المعني تعالو اشرحلكم

    في نفس الموقع اللي فيه
    international admission
    http://admission.udayton.edu/apply/international.asp
    انزلو تحت تلاقي الايميل
    intl_adm@udayton.edu
    طيب انا حكتبلكم مضمون الرساله
    Hello

    My name is XXXXX I'm from saudi arabia. I have already applied to UD ( University of Dayton ) and I want to ask you about my status. I sent all the documents via mail box.

    Thank you

    اكتب اسمك بالكامل باللغه الانقليزيه بدل (XXXXX )
    وبس
    طبعا الجامعه راح يتواصلو معك بالايميل وراح يرجعو يرسلو لك رساله يطلبو منك عنوانك بالمملكه العربيه السعوديه لاتنس بعد كتابة عنوانك تحــط رقم تلفونك لانو الشركه ( هنا اقصد شركة النقل مثل فيديكس ودي اتش ال ) اللي يوصلها قبولك ما يعرفو بيتك بالسعوديه فيضطرو يتصلو على رقم التليفون او الجوال

    طبعا بعد ما يوصلك القبول راح تلاقي الاتي
    1- القبول مكتوب باللغه الانقليزيه وهو عبارة عن صفحه واحده فقط

    2- I-20
    وهو عبارة عن ثلاث صفحات هذا هو اللي تحتاجه في معاملاتك مع السفارة الامريكيه وعند الدخول والخروج من الولايات المتحده الامريكيه

    مــلاحــظــات

    1- عمليه القبول هذي هي مـثــال اي ليست عمليه حقيقيه انما هي مثال على كيفيه التقديم للجامعات الامريكيه وهي عمليه بسيطه جدا تحتاج فقط قراءة ماهو مطلوب من قبل الجامعه

    2- بعض الجامعات ما يحتاج ترسل لهم شيك مصدق بل يمكنك الدفع عن طريق بطاقة الائتمان Credit Card or Visa card
    وطبعا هذا اسهل من انك ترسلهم عن طريق شيك مصدق

    3- هذي الطريقه لاتفرق كثير عن طريق التـــقديم لاي جــامــعه بالعالم سواء كــان بــكــنــدا او استراليا او حتى اندنوسيا والصين ( انا قد قدمت على جامعه كـارلتون بكندا بنفس الطريقه وكانت 100% صحيحه)
  2. يعطيك العافية وجعلة الله في موازين حسناتك
    الفترة هذي حابه ابدى أقدم جزاك الله خير
    بس اناحابه احصل على قبول مشروط هل اقدم على الجامعة وايضا اقدم على معهد اللغة التابع للجامعة وفي الرسالة اخبرهم بأني مقدم على معهد اللغة أم التقديم على الجامعة يكفي وهم يرسلون لي القبول في المعهد؟
    7 "
  3. المشاركة الأصلية كتبت بواسطة Enough
    ^^

    نفس السؤال عانيت منه..

    الجواب عليه قدمي على الجامعه اذا كانت توفر قبول مشروط وهم بيسجلونك بالمعهد..

    والموضوع قريته من قبل لكن تشكر عليه ياباشا
    مشكور وجزاك الله خير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.