طلبت تغيير ولايه .. وش قال تجسير ؟ ..
بسم الله الرحمن الرحيم
السلام عليكم و رحمة الله و بركاته
والله يا تجسير هذا ما ينفهم له ..
انا قبل اسبوع جاني قبول في ولاية نيويورك .. ما عجبتني الولايه ..» ما فيها ناس يعرفهم و غاليه ..
طلبت تغيير ولايه .. بعد اسبعو من رسالتي جاني رد اليوم ..
و هذا محتوى الرد
اقتباس:
السلام عليكم ورحمة الله وبركاته
اخي الكريم
نعتذر عن التاخير
يرجى العلم بانه لا يمكننا تحويلك لاي مدينة او معهد وذلك حرصا من مكتبنا على الطلاب حيث انك من طلاب البكالوريوس وبالتالي ستحصل على قبول مشروط بالجامعة وعند تحويلك او تغير المعهد ستفقد حقك بالحصول على القبول الجامعي
لذلك لا يمكننا تحويلك وعليه يرجى الالتزام بالقبول
وسيتم التواصل معك عند وصول القبول
مع الشكر
محمد حمدان
انا الحين ما فهمت لهم رفضوا ؟ والا لا ؟
لانه يقول لايمكننا تحويلك ... و بآخر الرساله يقول سيتم التواصل معك عند وصول القبول ..
هل رفضوا و الا لا ..؟؟
و اي واحد يعرف ايميل معهد ELS يسدحه لنا الله لا يهينكم ..
و انتمى تقولون لي وش اسوي ..
مشكورين انتظر ردودكم و آرائكم ..
اتمنى انكم تساعدونيً //~
رد: طلبت تغيير ولايه .. وش قال تجسير ؟ ..
اذا رحت هناك غير الملحقيه ما راح تقصر معك .. ان شاء الله
اما سوالك الاخير حتى انا مافهمت ..
رد: طلبت تغيير ولايه .. وش قال تجسير ؟ ..
عافاك الله ..
اختي انتي جربتي التغغير من هناك ..
يعني تهقين يكون التغيير سهل .. ؟؟
اسعدني تواجدك ..
النك نيم للبيع .. » :D
رد: طلبت تغيير ولايه .. وش قال تجسير ؟ ..
اسهل الشي التغيير يوم تكون بامريكا ...
بس اذا انت مصرّ على التغيير , راسل تجسير مره ثانيه وقولهم سبب تغييرك وانك ماتقدر تعيش بنييورك , وخليهم يودونك مكان ارخص ..
اما العذر الي مرسلينه لك تجسير ماني فاهمته وصراحتن احسه تصريفه :D
قبولك الجامعي ماله دخل بقبولك بالمعهد ... < والاخير هذا هو اهم شي ..
واذا غيرت موعد او مكان الدراسه , راح يجيك قبول جديد :)
اتمنى اكون افدتك , وانت استخير الله وخل ربنا يختار لك :)
رد: طلبت تغيير ولايه .. وش قال تجسير ؟ ..
ما قصرتيَ .. الله ييسر لك امرك ..
و بالنسبه للتصريف .. فهو موجود بس بطريقه غير مباشره » يرقع لنفسه :D ..
* سؤآل اخير » بلشهَ :D ..
انتي من واقع تجربه يوم تقولي التغيير من هناك اسهل ..؟
موفقه خيتي ..
رد: طلبت تغيير ولايه .. وش قال تجسير ؟ ..
حبيبي اعرف كثير غيرو من نفس المكتب ...هدي تصريفه لا تصدقهم زن عليهم الف مرة لاتخليهم ... يغيرون وهم م يشوفو الدرب
رد: طلبت تغيير ولايه .. وش قال تجسير ؟ ..
يقصد بالقبول اللي في الأخير هو قبول الجامعة
لأنه الحين وصلك قبول المعهد
وباقي قبول الجامعة
هذا اللي أستشفيته وإن شاء الله يكون صحيح
رد: طلبت تغيير ولايه .. وش قال تجسير ؟ ..
أخي العزيز
هذا رد مكتب تجسير عندما أرسلت لهم بشأن تغيير الولاية والمدينة وأتاني الرد خلال 3 أيام
اقتباس:
اخي الكريم
يرجى العلم بانه بامكانك تغيير الولاية التي تريد التحويل لها وليس المعهد او المدينة وان طيك موجود لدينا في مدينة اخرى غير اورلاندو وهي مدينة تامبا University of South Florida
ويرجى تحديد موعد الدراسة وشكرا جزيلا
محمد حمدان
راسلهم واضغط عليهم وربي يسهل امورك ويوفقك
رد: طلبت تغيير ولايه .. وش قال تجسير ؟ ..
يعطيك العافيه وانا اخوكَ ..
اسعدني تواجدك .. و مشكور ع المعلومهَ ..
هلابك .. اسعدني تواجدك ..
و مشكور ع المعلومهً .. ربك يعين مع تجسير ،،
يعطيك الف عافيه ..
رسالتك برضوآ من نفس الشخص .. اللي ارسللي..
اوريك فيه والله لازعجواَ ..
اسعدني تواجدك ..
رد: طلبت تغيير ولايه .. وش قال تجسير ؟ ..
اقتباس:
المشاركة الأصلية كتبت بواسطة Nice touch
ما قصرتيَ .. الله ييسر لك امرك ..
و بالنسبه للتصريف .. فهو موجود بس بطريقه غير مباشره » يرقع لنفسه :D ..
* سؤآل اخير » بلشهَ :D ..
انتي من واقع تجربه يوم تقولي التغيير من هناك اسهل ..؟
موفقه خيتي ..
اول شي تجسير غصبن عليهم يغيرون لك ..
وقبولك الجامعي هذا ديكور بس عشان يصدر لك قرار الابتعاث من الوزاره , اصلن محد يطالع فيه غيرهم :D
حتى السفاره على ما اظن ما تهتم فيه
اما بالنسبه لقبول المعهد , فلا وصلت واشنطن الملحقيه تعطيك ضمان مالي ان شاء الله , تقدر به تسجل في اي معهد في امريكا وين ما كان < وهذا عن تجربه :)