فيزا كارد وماستر كارد يااهل العلم
سلام عليكم ورحمته الله وبركاته ارجو منكم اخباري كيف نطلع فيزا كارد او ماستر كارد لان رحت للبنك راجحي وطلبت فيزا كارد قال لازم تكون موظف بس انا مش موظف انا طالب بسافر للبعثه فارجو من احد يساعدني في كيفيه اظهار بطاقه فيزا كارد وهل لازم لاختي هي مبتعثه ان تظهر بطاقه فيزا كارد وانا مرافق حقها لازم نطلع بطاقتين فيزا كارد ولا يكفي واحد منا وجزاكم الله خير
رد: فيزا كارد وماستر كارد يااهل العلم
طلعها مسبقه الدفع من البنك الاهلي ... رسومها 100 ريال في السنه
بطاقه وحده تكفي لك و لاختك
و يقدرو الاهل يشحنوها لك باي مبلغ و انت في السعوديه
انا صار ليي سنه معتمد عليها
رد: فيزا كارد وماستر كارد يااهل العلم
الراجحي يطلعولك ورسومها 50 ريال قلهم ابي بطاقة تسوق مسبقة الدفع وتخلص في نص ساعة
رد: فيزا كارد وماستر كارد يااهل العلم
طيب انا بخلص لك الموضوع في هذا الرد بإذن الله :)
فيه بطاقة يعطيك هي البنك الاهلي ، عننا نحن فئة الشباب نستخدمها للشراء من الانترنت و شراء الحسابات في مواقع مثل رابدشر وغيره .. الخ لكن :
مزاياها :
1 - تغنيك عن حمل النقد معك في كل مكان
2 - البطاقة مثل شريحة الشحن ( سوا - حلا .. الخ ) يعني تحط فيها مبلغ معين و تسحب منه ، غير كذا لو تقلب الازفلت وتمشي عليه مابيعطيك ريال زياده .
3 - قيمة البطاقة 100 ريال فقط تدفع كل مره في السنة فقط
4 - لا توجد اي مستقطعات او ( مستنقعات ) او فوائد او اي شي من هذا القبيل
5 - لا يستلزم ان يكون عندك حساب في البنك الاهلي اصلا ، و اذا عندك حساب يكون احسن و احسن
6 - ممكن تدفع فيها قيمة مشترياتك و قيمة المطعم و حجز الفندق من خلال الانترنت .. الخ و اي شي تتوقعة
7 - تقدر تحط البطاقة في اي صراف و تسحب دولار امريكي ( في امريكا طبعا ) اما في السعودية مدري عنها
8 - التحويل فيها فوري ، فمثلا عند حساب في الاهلي ، خل اخوك يحول لك على حسابك او تخلي بطاقة صرافك عنده وهو يروح يودع المبلغ من الصراف ، وانت ادخل على موقع البنك و حول المبلغ على البطاقة . و التحويل بيوصلك في نفس الثانية مايحتاج تنتظر 3 ايام او 4 ايام !
و غيره من المميزات الكثيرة يعني بالامانة ، مايمديك تستغني عنها في اول ايامك في امريكا .
عيوبها :
العيب الوحيد الي اشوفة : على كل عمليه ياخذ على كل عملية 5 دولار مايعادل 20 ريال ( اذا استخدمتها في امريكا للسحب او الدفع) اما لما تشتري من الانترنت ما ياخذ عليك اي ريال اضافي .
و اضن انها عيبها الثاني انها لما تقدم عليها تنتظر اسبوع الي 10 ايام علشان توصلك ! << لكن مو مشكلة الله خلق السماوات و الارض في 6 ايام ثمى استوى على العرش .. فما اضن انها مشكلة :)
استخدمها بذكاء :
خذها من هنا و حط فيها تبع 500 او 1000 ريال تحسبا للمفاجاة لا سمح الله ، و اول ما توصل ولايتك و تستقر فيها ، افتح حساب في اي بنك و خذ رقم الحساب اسمه ( اي بان ) و اعطيه لاهلك و خليهم يحولوا لك عليه و اسحب المبلغ الي بالبطاقة كامل دفعة واحده و اودعه في الحساب الجديد ( الحساب الامريكي ) و البطاقة هذه انساها خلاص الا في الحالات الحرجة الي تستلزم التحويل الفوري .. و اذا شفت انك ما تحتاجها و صرت في نهاية السنة ممكن تتصل على البنك و تلغيها او تخلي اخوك يتصل و يقول لهم يلغوها ( انتحال شخصية ولكن يستخدم ارقامك المصرفية :) )
رد: فيزا كارد وماستر كارد يااهل العلم
مشكورررررررررررر الله يجزاك خير
رد: فيزا كارد وماستر كارد يااهل العلم
الراجحي مسبقة الدفع افضل وتطلع لك في نفس اليوم الاهلي تطلع بعد 10 ايام
رد: فيزا كارد وماستر كارد يااهل العلم
مشكوررررررررين الله يجزاكم خير طيب علشان اطلع بطاقه اسمها بطاقه تسويق مسبقه دفع يعني بالشحن ماله فوائد للبنك عدل وثاني شي لازم افتح حساب سواء راجحي او الاهلي علشان بطاقه وثالث شي عادي اشحنها باي مبلغ حتى لو 50 ريال وجزاكم الله خير
رد: فيزا كارد وماستر كارد يااهل العلم
سلام عليكم ورحمته الله وبركاته لدي سوال في صديقي راح للبنك راجحي وقال يبغى رقم للسفاره الامريكيه وعطوه رقم معين ومن خلال هذا رقم اقدر اقدر احط اي مبلغ وبدون فوائد هل صحيح وهل يوجد احد سوى هل حركه ولاتوجد مشاكل
رد: فيزا كارد وماستر كارد يااهل العلم
السلام عليكم
انا بالنسبة لي اليوم طلعت بطاقة تسوق
طبعا اول شي تروح لبنك الراجحي عند موضف المبيعات تعبي طلب بطاقة تسوق
واهم شي تجيب معك صورة من جواز السفر عشان يحطون الاسم نفس اللي بالجواز عشان لا تعتبر تزوير في امريكا
بعدين يرفع الطلب واذا تم الوافقة عليه تطبع البطاقة عند موظف الاستقبال
وتروح تدخل رقم سري وهذي ميزة لبطاقة تسوق ان لها رقم سري مكون من اربع ارقام
بعدين تتصل على الهاتف المصرفي وتسوي لنفسك عضوية في الهاتف المصرفي اذا ما كان عندك عضوية
وهذا رقمهم 920003344
وبعدها تسوي تفعيل لبطاقتك الاتمانية
طبعا رسومها 100 ريال سنويا وتخصم من رصيد البطاقة كل سنة
والنسبة اللي تؤخذ عليك 1 % من قيمة مشترياتك
يعني مثلا لو اشتريت بقيمة 100 دولار هم ياخذوا 1 دولار فقط
طبعا انا انصحك مثل ما قال الاخ اياد انك تودع فيها مبلغ للطوارئ
وتفتح حساب في امريكا وتستعمل بطاقة اللي يعطوك هي في البنك
وانتبه تاخذ اي بطاقة ائتمانية من اي بنك امريكي لانك بتدخل نفسك في متاهات وديون
مالها داعي هذا غير الربا
اتمنى اكون افدتك
رد: فيزا كارد وماستر كارد يااهل العلم
مشكوررررررررررررررررالله يجزاكم خير