المشاركة الأصلية كتبت بواسطة إياد العنزي
بجاوب الي بقدر عليه بس بشرط انك انت تجاوبني بعد ..
1 - عن تسجيل الملف .. افضل انك تراسل مشرفتك او انك تراسل مدير الدارسين على حسابهم الشخصي وشوف من بيرد عليك اسرع
2 - بعد فتح الملف .. خذ الشيك و اكتب عليه ( ماني عارف فين تكتب بالظبط ) لكن بعد ما تكتب يعتبر الشيك ملغي ، حطة على ورقة بيضة A4 و اعطية صورة بالجوال ( صورة واضحة ) ويكون واضح فيه بيانات البنك و رقم الحساب و ارسلة بالايميل ، و اذا عندك اسكانير .. ريحت نفسك
3 - التعويضات المادية : اتمنى يكون عندك وصل او فاتورة من كل شي دفعته ، في الغالب بيدفعوا لك تبع الشهر الاول فقط و غيره كذا الله يعوض عليك ، وهم مكفلين بالدراسة فقط يعني لا ترسل لهم فواتير البيتز :) ، و اذا عندك فواتير المكتب الي وفر لك القبولات بعد ارسلها .. و انت ارسل كل الفواتير الي عندك سواء تبع المعهد او الطيارة او المكتب الي وفر لك القبولات .. وهم يختاروا الي يبغوة
4 - اذا زوجتك و اطفالك ممكن تجيبهم و خليهم من الحين يقدموا على الفيزة ، و اعتقد لزوجتك خليها تجيب فيزة F2 لانها بتكون مرافقتك و ممكن تدرس بالمعاهد بدل ما تجلس بالبيت ، و اطفالك ممكن تدخلهم حضانات في امريكا و اعتقد لو عندك ولد بيدرس ابتدائي ممكن الملحقية تتكفل فيه بعد .
.....................................
سؤالي او اسألتي :
1 - انت وش طالع تدرس ؟ بكلريوس او ماستر او دكتوراه
2 - كم المدة الي قضيتها قبل الالتحاق ؟ هل خلصت فترة اللغة ثم دخلت على الجامعه و ضموك او انت الان في مرحلة اللغة ؟
3 - ماهو انطباعك عن الملحقية عندما تتصل لتستفسر او تطلب خدمة معينة ؟
واذا عندك اي اضافات اخرى فضلا ( ادلو بدلوك :) ) لاني بإذن الله رايح قريب و بدرس ماستر