الفنادق الي تتعامل معها الملحقيه..........

السلام عليكم

أنا بسافر واشنطن الاسبوع الجاي وأبي أحجز في فندق بس سمعت
ان هناك فنادق تتعامل معها الملحقيه مثل دبل تري و كومفرت ان
هل هذا صحيح واذا صحيح وش الافضل وياليت احد يعطيني رابط لفندق كومفرت ان

نعم فيه فنادق تتعامل معاها الملحقية و انا اعرف ٢ و هم الي تفضلت بذكرهم

لا انصحك بالحجز المبكر لانه اول شي بيسوية السواق بيوديك لدابل تري لانة الاقرب واذا مافي غرف وداك لكمفورت ان

الجدير بالذكر ان كمفوت ان ارخص ببضع دولارات من دابل تري و كلهم متميزين في الخدمة .. علي كلام صديقي انه حصل واحد حاجز من فترة في كمفورت ان و طلع علية قيمة الليلة ٧٥ دولار بدل من ٨٧ دولار في الليلة ...

بالامانة بالنسبة للمواقع معرفها لكن كن حذرا قبل لا تتهور .. فندق دابل تري كمفورت ان كلها في فرجينيا مو واشنطن لانه مطار دالاس الي انت بتجي فية مع السعودية بينتظرك فية سواق الملحقية

فانتبة للنقطه الاخيرة

احجز قبلللللللللل

^^^^
صارت مع صاحبي انه حجز بفندق جورج واشنطن ولا وش اسمة ، لما وصل للمطار قال له السواق ليش مكلمتنا وانت بالسعودية علشان نرتب امورنا <<< و الدعوة كلها توصيلة لكن مايبي يتعب نفسة السواق ، علي العموم اخذها من قاصرها و ركب تكسي و خسر نفسة و راح للفندق لانة حجز من بدري و دفع بعد يعني بيروح غصب

يعطيكم العافيه
اجل بحجز في كمفرت ان بس اي واحد لان في كم واحد فندق بهالاسم

انا ثلاث مرات اجي على واشنطن واسكن تبع فنادق الملحقيه
الملحقية عادة تتعامل مع فندقين قريبات جدا من المطار
الاول دبل تري والثاني كمفورت ان ... الفنادق تبعد عن واشنطن مسافة نص ساعة تقريبا بالسيارة وسعر التكسي يكلف خمسة وثلاثين دولار لمشوار واشنطن والملحقية
------------------------------------------------------
Doubletree Hotel Dulles Airport-Sterling
21611 Atlantic Blvd.
Sterling, VA 20166
(703) 230-0077
اتذكر ان السعر كان حدود مية دولار للغرفة في الليلة
------------------------------------------------------
Comfort Inn & Suites Dulles International Airport
45515 Dulles Plaza
Sterling, VA 20166
(703) 471-5005
اتذكر ان السعر كان حدود تسعة وسبعين دولار للغرفة في الليله

دابل تري : 93 دولار لليله
كمفورت ان ن : 89 دولار لليله

كلهم فيهم انترنت مجاني + فطور مجاني .. شكرا للاخ / حسام 88 الي اضاف عنوان كمفورت ان ن ..

فندق دابل تري الي يميزة عن كمفورت ان ن التالي :

المسافة بينه و بين دالاس وسترن بلازا : 12 دقيقة فقط ( مشي )
المسافة بينه و بين فرع bank of America : هي 15 دقيقة ( 15 )
المسافة بينه و بين مطار دالاس : 12 دقيقة ( بالسيارة ) - 25 دقيقة تقريبا ( بالباص ) - ساعتين و 4 دقائق ( مشي )

تبي ازيدك ولا خلاص :)

اما كمفورت ان ن : بصراحة معرف الكثير لكن بقارنة بنفس المحلات الي محددها لدابل تري .

المسافة بين المطار و بينه : 8 دقائق ( بالسيارة ) - ساعة بالباص ( لانه بياخذ لفة كبيرة ) - ساعة و 7 دقائق ( مشي )
المسافة بينه و بين دالاس وسترن بلازا : ساعة و 18 دقيقة ( مشي )
المسافة بينه و بين اقرب فرع لـ bank of america : ما اتوقع اقل من ساعة !
المسافة بينه و بين دابل تري : ساعة و 6 دقائق ( مشي )

ازيدك ولا بس :)

طبعا انصحك انك تحدد كل الاماكن بالخرائط ( اذا عندك ايفون او ايبود تتش او اي باد ) صدقني بتستفيد كثير مره من الخرائط في تحديد كل شي ، و البرامج الامريكية المساعدة في كل شي مثلا لما تبي تسوي رجيم فيه واحد من البرامج يعطيك السعرات الحرارية في كل وجبة ، و لما تبي مطعم او بنك او موقف باصات بيحدد لك اقرب فرع بناء ً على مكان تواجدك الحالي ، اذا تبي شقة فيه برامج مره كثيرة مجانية ، بس حدد المنطقة او اكتب الـ zip code تبعها و شوف الشقق بالاسعار بالصور بعد ..

اخوي حسام واخوي اياد الله يعطيكم العافيه يارب

وماقصرتوا بصراحه معلومات جداً قيمة ورائعه

سؤال ..

هل هاذي الفنادق تعوضنا عنها الملحقيه ولا كيف ؟؟؟