عرض للطباعة
عندي موعد في قنصلية الظهران يوم 23 يناير
بس ماعندي قبول وطبعا ماسددت السيفس
السؤال:اروح اسوي المقابلة ولا أاجل الموعد شهر عشان تكتمل اوراقي ؟؟
السؤال الثاني: تجسير جنني اطلبهم معهد اكاديمي في فلوريدا فيخيروني بمعاهد تجاريه
والحل معهم ؟؟
ارسلولي عن معهد talk في افنتورا وكذا مكان حول ميامي
او معهد els في تامبا؟؟
شوركم بليز
يفيدونك الشباب انشالله الشباب
تصدقي انا بديت احب و اعشق و اتمني اشوف الجنود المجهوليين في مكتب تجسير هذا من كثر مايكتبوا عنه في المنتدى ! و المشكلة ان الموضوع بسيط لكن مايكلف نفسة الشخص ويتصل علي المكتب و ياخذ زبدة الموضوع !
ماعلينا
عندي واحد من اصحابي راح المقابلة في الرياض بدون الـ I-20 و مشيت امورة الحمد لله بس بعد مانشفوا ريقة بالاسئلة ، لا تروحي ويدك فاضية و خذي الاوراق الي تثبت انك من طلاب البعثة و توكلي علي الله ، في موضوع في المنتدى يتكلم عن نفس مشكلتك فضلا كلفي علي نفسك و ابحثي
موعد السفارة : نصيحة لوجة الله غيريها للرياض ترا القنصليات بجدة و الظهران محد يمدحهم ابد من موقع المواضيع يعني بيقولوا بالمواضيع انه نفوسهم شينة و معقدين و و الفيزة ماتخرج بسرعة و الغاء الفيزة اسرع من رمش العين يعني بنفس سرعة تغيير النمرة في جير سيارات فراري :)
توكلي علي الله و اعملي المقابلة في الرياض .. راجعي اخر مواضيعي و بتحصلي موضوعي الاخير يتكلم بالشرح الممل لمقابل السفارة الي صارت معاي قبل امس يوم الاحد ٢٠١١/١/١٦
اياد مشكور عالرداقتباس:
المشاركة الأصلية كتبت بواسطة إياد العنزي
المشكله انهم مايردون وازيدك انهم يجبروني بمعاهد مانبيها !!!
على فكرة كنت اقرا ردودك في موضوع في السعودية فقط جبتها عالجرح ولكن وش نقول"في الفم ماء"
up pu upu up up up up
اختي روحي اقرب قنصلية ليكي ترا الامورة سهالة لدرجة م تتصوري...اقتباس:
المشاركة الأصلية كتبت بواسطة لماااار
انا رحت قنصلية جدة وتعاملهم راقي واسهلتهم سهلة ورحت بدون القبول ولا السيفيس
انتي روحي سوي المقابلة وبعدين يعطوكي ورقة صفرا فيها النواقص ترسليها ليهم بالفيدكس وانتهينا
اقتباس:
المشاركة الأصلية كتبت بواسطة dr.sa3mi
مشكوووووووووووووووووووووووووووووووووووور هذا الجواب الشافي
شكرا لك .. بس خطيرة نقطة " في فمي ماء " وحاس اني بنطبق بعد شوي هههههههه
على العموم على راحتك روحي القنصلية الي تعجبك .. انا و اصحابي كلنا رحنا على الرياض و الحمد لله عمره ماجا واحد من اصحابي و اشتكى من تأخير او اي شي .. بعكس الي اشوفه من المواضيع الي تتكلم عن قنصلية جدة و الضهران
ANY WAY
معهد ELS و معهد كابلان .. من المعاهد القوية ، انا ما اقول انه كل الفروع قوية ، لكن فيه فروع و فروع ، و بالنسبة للاخوان الي كل شوية ناط لنا واحد و يقول و يسب في المعهد ، ترا اغلبهم يبغوا يدرسوا الارقام طول الاسبوع و نهاية الاسبوع يدرسوا الحروف بس ( و اختياري طبعا مو اجباري ) ولا بد يكون كتبهم فيها صور ميكي ماوس و بطوط .. لان اغلب مواضيهم تلاقيها هايفة و تافهه ، مثلا ليش ما يكون الدوام ساعتين بدل 8 ساعات في اليوم ؟ ولا المعهد بعيد ولا المدرسة مستقعده لي لاني ماسك الايبود و العب و في النهاية رسبتني ؟ يعني مواضيع تنم عن الكسل
توكلي على الله و خذي معهد ELS في تاما ، الا الان ماشفت موضوع اشتكى منه ( على الاقل انا ) ، لان ميزة ELS انه بيريحك من اختبار التوفل بالنسبة لدرجة البكلريوس و الماستر ، و كمان متعامل مع اكثر من 600 جامعه في امريكا ، يعني بإذن الله بيتوفر لك قبول مشروط بالطيب ولا بالبطال
توكلي على الله ولا تضيعي الفرصة .. ELS بتامبا و شغلك لا يختلف