تكفون ياهل النخوه رحلتي قربت ومادري وش اسوي

السلام عليكم ورحمة الله وبركاته

اخواني رحلتي قرربت الى امريكا الى ولاية ميزوري الى مدينة سانت لويس
راسلة المعهد علشان يحجز لي سكن ورد علي في نفس التاريخ الي بتجي فيه ما نقدر نحجزلك سكن وانا ابغاسكن مع عائله يقولي تعال قبل فترة دراستك بيوم علشان نحجز لك قلت لهم اوكى راضي بس حجزولي ردو علي بعد احتمال ما نحصل لك ونا رحلتي 5/9/2007 ودراستي 17/9/2007 انا ابغا اروح بكير شوي علشان اشوف البلد واعرف راسي من كرياسي تكفون الي يقدر يساعدني لايقصر وانا اعرف انكم مارايح تقصرون مو شرط اسكن مع عائله المهم سكن كويس قريب من المعهد وبكم في الشهر وما ادري اخاف اوصل امريكا بتاريخ حجزي وانا ماحجزة لي سكن واتوهق ما احصل لي احد تدري بلاد غربه واللغه لك عليها وفترة دراستي بتكون بعيده شوي يعني بوصل وبقعد لي في البلد حوالي 12 يوم فأرجو من الأخوان مساعدتي ان مدير المعهد غير متعاون احس من شاف شروطي عصب بس تنازلة عنها 1- مايكون في كلاب 2- مايكون في بنات 3- ما يدخونو اويشربون تنازلنا وشكله اخذ مني موقف اهم شي استقر اول ما اروح والشباب يقولون بتحصل سكن وقريب من المعهد وبسعر معقول افضل لك من العائله بس مش معاي في نفس الولايه

http://www.mbt3th.us/vb/imgcache/14251.imgcache

اخوى اول الجامعه فيها سكن مؤقت . تقدر تسكن فيها لمدة محددة .
وبعدين الجامعه فيها سكن الطلاب اسكن لمدة ترم وبعدين دور على مهلك على سكن خارج الجامعه او معا عائله

انا راسلة المعهد والجامعه بخصوص السكن لا كن يقولون نفس التاريخ الي بتجي فيه احتمال كبير مانحصل لك حتى مؤقت ماعندهم يمكن بعد ثلاثة اشهر

ياليت أنا في نفس الولايه كان يمكن أساعدك وتراي توي وصلت قبل أسبوع امريكا وسكنت في أوتيل لمدة سبوع وحصلت سكن يبدأ من يوم السبت القادم .

وعشين أطمنك أكيد راح تحصل في الجامعه سعوديين وأكيد ما راح يقصروا وبيساعدونك إلين تحصل على السكن المناسب وبشروط الي انت تبغاها مع إني أشوف إنها شروط تعجيزيه . بس أهم شي تطمن يعني على قولة أخوانا المصاريه حط في بطنك بطيخ صيفي وربك يحلها ..

مع تمنياتي لك بتوفيق ....

مشكو ر على الكلام الحلو بس بسألك انت من وصلت امريكا سكنت بفندق كم باقي على دراستك وبكم حصلت السكن في الشهر شفت احد السعودين ولا نفس الملحقيه عطتك اسماء مكاتب تقدر من خلالها تحجز سكن يعني قلي وش سويت اول ما وصلت
وعلى فكره انا قبل بدرس لغه وبعدها بدخل الجامعه يعني في الوقت الي انا بجي فيه باقي على دراسة المعهد 12 يوم يعني مارايح اشوف سعودين الا ذا بديت الدراسه

سكنت بفندق اليوم 70 دولار بس يوم وريته بطاقة الجامعه وقلت بسكن عندك أسبوع خفضها إلين 40 دولار ..... وباقي على دراستي 14 يوم .. ،

أما بالنسبه لسعوديين فأنا كنت متعرف على واحد عن طريق المنتدى ومن أول ما وصلت وهو مستقبلني خويه بالمطار وخلص أموري كلها ودورت على السكن إلين حصلت على سكن مع روميت أمريكان غرفه مفروشه ودورة مياه ومستودع الصاله مشتركه طبعاً أنا في الدور الثاني والنت والتلفزيون فري وفيه نادي كاااااامل متكامل من وإلى والسكن جديد ونضيف مرررره ولكن الهيت وفاتورة الكهرب تنقسم علينا الثلاثه ... وقيمتة 419 دولار .

إممممممممممممم
هاه وش بعد تبي تستفسر عنه وتراي بولاية متشغن بمدينه كلامازو ...

طيب انت عندك بطاقة الجامعه ولا قبول الجامعه يعني انا عندي قبول الجامعه بس لازم اول آخذ للغة انت سكن مع امريكان كل واحد له غرفه خاصه ولا من هب ودب يقدر يخش غرفتك في نفس الشقه وقيمت الشقه كامله 419 دولار ولا هذا الي انت تدفع معاهم اذا هذا اجرة تمام انا مادري اول ما اوصل اكلم التكسي يلوحني في فنقدق كويس ولا برضو التكاسي نصابين وبسألك هل في مكاتب تسأل فيها عن هذي الشقق ولا كيف بحثت هل خذ منك وقت طويل على ماحصلت اتحتجت السياره كثير يعني جدا ضروريه