تجمع موظفين ارامكو المستقيلين والمبتعثين من قبل ارامكو(اجازه استثنائيه)

اخوي سلو داون ونعم فيك يالسميّ مكتوب اسمك فهد

الله يعطيك العافيه على ردك وصادق 100% بمعلوماتك لاني توني جاي من وزارة التعليم العالي

قالوا لي التالي :

اهم شي شهادتك ما مضى عليها اكثر من عشر سنوات
وقالوا لي عن نظام طلب قبول من الوزاره جديد للي بيدرس على حسابه

متطلباتها عاديه جداً يبون بس اسم الولايه والتخصص اللي انقبلت فيه مع فورم الـ i20 اللي للحين ما فهمته وشو بالظبط ويبون كشف طبي من مستشفى حكومي وغيره انك توقع انك فاهم الشروط وفاهم انك مو بهذا الطلب تجبرهم على اضمامك للبعثه ( شباب هذا الكلام جديد بعض اصحاب المرحله الثامنه طلعوا قبله بس انا من اللي شملهم هالشي ولكن ما اشوفه عقبه )

يعني جب القبول من الجامعه والمعهد وخلص فيزتك وخلص طلبات الوزاره وعطهم اياها الكترونياً وتوكل على الله وسافر وبعدها افتح ملف بالملحقيه بدون اي نواقص بإذن الله وسيتم التحاقك خلال اربع شهور بالنسبه للي مبتعث لأمريكا


وفيه خبر مو اكيد انه بينزل قرار جديد تصير فيه امريكا مثل غيرها من الدول يعني تاخذ منك سنه دراسه على حسابك بعدين تنضم لنظام الالحاق وهالشي يمكن يبدا في 2013

واحب افيد الاخوان انه فيه مرحله تاسعه يعني دفعه جديده لعام 2013 مفتوح التسجيل فيها لين رمضان الجاي

وفيه مرحله بعدها عاشره لكن مو شرط يكون فيها نظام الدراسه على حسابك والالتحاق


اتمنى اني افدتكم واحب اوضح ان مصدري من وزارة التعليم العالي بتاريخ هذه المشاركه .

مموفقين اخواني جميعاً ادعو لي بالتوفيق كلها كم يوم واقدم استقالتي من ارامكو

اخواااني
كل عام وانتو بخير
فيه حد عنده معلومات عن الاستقاله يعني لو استقيل واطلع برا ادرس
ثم لا بشهاده هندسه هل يقبلوني ؟؟؟؟*

السلام عليكم
معانتكم صعبة ياموظفي ارامكو
انصح موظفيم اي تي سي اذا جاتهم فرصه الاتبعاث انهم يستقيلون وبالخط العريض
الي متى وانت تحت اوامرهم من مدينه لمدينه وتغيب بالاسبوع عن هلك واخر شي لاترقيه ولاراتب زي الناس

ماراح ينفعك الا شهادتك
انا تكلم من تجربه شخصيه وانشالله انتظر قرار الابتعاث ويقدم زوجي استقالته من هالشركه
والحمدلله الشركات بكثره هالايام وتعدت مستوى ارامكو في المميزات
والله يكتب التوفيق للجميع

السلام عليكم , يا شباب هل نعتبر حنا يا موظفين ارامكو موظفيين حكوميين , لان من شروط قبول طلب الدراسة على الحساب الخاص مايكون موظف او يعمل لدى اي جهة حكومية ,, يعني انا اقدم
على طلب دراسة على الحساب الخاص قبل ولا بعد الاستقاله ..؟

طيب اخواني ماتكلمتوا عن بعثات ارامكو نفسها يعني ابتعاث الموظفين هذي كيف تصير ؟
سواء ابتعاث اكاديمي
أو ابتعاث نقل وظيفي ؟
افيدونا

السلام عليكم ، اخوكم من المرحله التاسعه وقدمت على برنامج الابتعاث في التعليم العالي.

حاب اسأل. انا موظف في شركه ارامكو وقدمت ماجستير ودققت اوراقي مع التعليم العالي الحمدلله وخلصت.

لكن هل راح يرفضوني بما اني الى الحين موظف في شركه ارامكو. لان ما ادري هل يعتبرون ارامكو حكوميه او خاصه!!

ابي الجواااب الاكيد

اذا يأثر فهل اقدر اذا رفضوني استقيل واجيب لهم الاستقاله واقولهم انا استقلت ويلا طلعوني على البرنامج !!

او يقولون كان المفروض تفصل من اول


( تمت المشاركة باستخدام تطبيق مبتعث )

الدراسه تحتااااااااااج تعب

ارمكو تعتبر خاصة ماهي حكومية ,هذا اول شي, اثنين في احد من الاخوان كاتب فوق اذا في ابتعاث من داخل ارمكو خارجيا؟ ابقولك شي عندك واسطة في بي وفوق ولا احد واصل , غير كذا ولا تفكر ياحبيبي مالك امل في نقل لمكان ثاني هذا بعد مو ابتعاث من معمل لمكان ثاني يبيلها قلق ومصخرة اقولك شد حيلك كانك تبي تدري وقد الدراسة , اما اذا متردد فخذ بعضك وتحمل اللي انت فيه سالفة انك اتعب نفسك وماودك تخسر الشركة (طبعا بتخسر حياتك,اهلك ..... الخ) للكن اذا انت قد الدراسة فرزقك ما راح يوقف على الاامكو وانا اخوك ولا تقول الفرصة الوضيفية شهادتك مهما كانت بتدخلك ! المكان اللي انت تبيه واستخير واستشير وقدم على الابتعاث ... نقطة انتهى!

للرفع و جاري التفكير في الموضوع .... بالتوفيق يابطل

للمعلوميه وللإفاده، انه ما فيه اي مشكله تقدم ابتعاث وانت ما زلت موظف بأرامكو. كحالتي مثلا ، تم قبولي الحمدلله في الابتعاث وانا الى الآن ما زلت موظف في الشركه. لكن كإحتياط مني، دخلت على موقع وزاره الداخليه وطلعت برنت عني الكترونيا ولقيت مكتوب اني طالب مع العلم ان لي ٧ سنوات في الشركه. فهذا ممكن له علاقه بالموضوع. لكن حبيت افيد.


( تمت المشاركة باستخدام تطبيق مبتعث )