تجمع موظفين ارامكو المستقيلين والمبتعثين من قبل ارامكو(اجازه استثنائيه)

اقتباس:

---

المشاركة الأصلية كتبت بواسطة !إبراهيم!

اخوي استخر وتوكل على الله

والبلد مليانه شركات افضل من ارامكو

انا متزوج وعندي ولد وبستقيل من الخطوط وبتوكل على الله

بالتوفيق

---

اهلين اخوي ابراهيم نورت الموضوع بالمشاركه
الله يوفقك ويسهل لك كل امورك يارب
تحيااااااااااااتي لك

والله يا زميلي اني مثل وضعك ومتبهدل

كنت كوردينيتور والان حولوني كليرك والوضع سيء جداً والراتب على ماهو ماتعدى الـ 5700

انا واحدً ماودهـ يقعد في الشركه ولا يوم ووالله اني اداوم مغصوب إلآ شوي

انا ودي اطلع بعد ما احصل شهادة الخبره 5 سنوات

وودي احصل على قرض البيت بس والله ما اعرف كيف احصل عليه وكيف بإمكاني تحصيل المبلغ اللي لي وارجع اللي لهم

والله اني محتار وسالفة الفلوووس اكثر شيء معوقني عن الطلعه



تكفون اللي عندهـ علم كيف يحصل على القرض وكيف نعود اللي لهم في اسرع وقت يعلمني

لاني إن شاء الله من احصل عليه ماراح ان شاء الله اتردد في البعثه "(


يعطيكم العافيه:(

والله يا زميلي اني مثل وضعك ومتبهدل

كنت كوردينيتور والان حولوني كليرك والوضع سيء جداً والراتب على ماهو ماتعدى الـ 5700

انا واحدً ماودهـ يقعد في الشركه ولا يوم ووالله اني اداوم مغصوب إلآ شوي

انا ودي اطلع بعد ما احصل شهادة الخبره 5 سنوات

وودي احصل على قرض البيت بس والله ما اعرف كيف احصل عليه وكيف بإمكاني تحصيل المبلغ اللي لي وارجع اللي لهم

والله اني محتار وسالفة الفلوووس اكثر شيء معوقني عن الطلعه



تكفون اللي عندهـ علم كيف يحصل على القرض وكيف نعود اللي لهم في اسرع وقت يعلمني

لاني إن شاء الله من احصل عليه ماراح ان شاء الله اتردد في البعثه "(


يعطيكم العافيه:(

السلام عليكم

ما شاء الله اشوف شباب ارامكو قاموا يصحون هالايام اكثر واكثر

والله اني مبسوط يا شباب

علي العموم ما اطول عليكم

انا كنت واحد من ابناء ارامكو

بس الام يوم تظلم عيالها ولا تعطي كل واحد حقة الواحد يفكر شوي بالمستقبل والحياة الكريمة والعلم بعد له ولعائلتة

انا ولله الحمد قدمت استقالي قبل سنة وحاليا اكلمك من كندا اللي اخترت ادرس فيها لاكثر من سبب

خلني اعطيكم القصة من البداية علشان يكون كلامي واضح

دخلت وتخرجت من الا تي سي وكانت والله فلة ما انساها بس التعيين جاب فيني العيد

تعينت علي دائرة جديدة وطبعا مرمطوا فيني تقريبا سنة ونص الين رحلت خريص

وسنة ونص في خريص هدت حيل ولا فيه انسان يتعامل باحترافية بالعمل ولاتقدير من الرؤساء

المهم قبل اقدم الاستقالة ضبطت اوراق القبول من معهد لغة الي جامعة الي حتي الفيزا

يووم صار كل شي بيدي قبول معهد+قبول جامعة+فيزا دراسية

توكلت علي الله واخذت قرض البيت وخلصت منه بتقريبا شهر اخذ مني

وقدمت استقالتي وكان سبب الاستقالة اني ارغب ان اكمل دراستي الجامعية

الرئيس المباشر حاول فيني ورفضت

واللي فوقة حاول ورفضت الين وصلت للمنجر

بعدين كلموني شؤؤن الموظفين

وسألوني كم سؤال خاص بالعمل والراتب والرؤساء

واخر شي قالة لي الموظف لو جاك رئيس الشركة وقالك وش تبي ولا تطلع من الشركة

قلت له استثمروني وطلعوني ادرس واجيب الشهادة

قال لي الله يوفقك وانت اذا خلصت الجامعة ارجع وقدم شهادتك الجامعية علي الشركة

وانت راح تكون لك الافضيلة

سلمت عليهم وخلصت اوراقي وتوكلت علي الله الي كندا

وابشركم والله اني ماكملت 10 ايام كاملة الا وانا اصبحت مبتعث من وزراة التعليم العالي

ودراستي بالراحة ماخذها راح ادخل الجامعة خلال 3 اشهر تقريبا

وبصراحة الا الحين لم اندم ولو 1 بالمية اني استقلت من الشركة

بس انا ودي اقول كلمة قبل لا احد يورط نفسة منكم

اذا انت منت صامل استريح وخلك بحضن ارامكو

اذا انت ما راح تتخرج من جامعة محترمة ولها سمعتها الطيبة استريح

اذا ما تتخرج بميزة او مهارة تطورها خلال الجامعة استريح

لاني ابيكم تحسبونها بالعقل

كم فيه طالب سعودي مبتعث ومن جامعات كبيرة ومرموقة بعد

بعد كم سنة لما تتخرج راح يكون السوق مليان شهادات من خارج السعودية

انت لازم تكون مميز بشي

تحياتي للجميع

أخوي الهواوي كلامكـ بالصميم

طبعا انا اخوكم موظف بالشركة من خمس سنوات :rolleyes: طبعا بدائرة فاشله واكيد عرفتوها ( الأمن الصناعي ) :no3:مافيها غير رابتها والا الباقي خياس

المهم انا من ترسمت في عام 2008 براس تنوره وانا قاعد اقلب براسي فكرة الابتعاث :idea:وماتيسر لي الا عقب الزواج وقبول زوجتي بالمرحله السادسه صحيح تأخرت لكن ماكنت ابي اطلع الا وانا على حساب الدوله ... هذا سبب تأخيري مع شوية من تعقيدات الوالد الله يطول بعمره :beard:

مالكم بالطويله انا رتبت نفسي من قبل يتم قبول زوجتي بالبرنامج وفرت( قبول + فيزا) انتظرت الاسماء حتى اعلنت جبت القبول للوزارة ورفضته وحسبي الله على الدكتور الحربي قال مجبور بقبول الوزارة وقال جامعتك مو معترف بها من الوزاره مع العلم ان الوزاره معترفه بالجامعه وفيها اكثر من 150 طالب بنفس الجامعه يعني تناقض + تخبطات في الوزارة وبالاخص مزاجيه الحربي ..:santa:

انتظرت قبول الوزارة شهر شهرين ثلاثه مافي قبول من جهة الوزاره بعد تعب ومخاطبه وملعنة والدين جابو لي قبول بلوس انجلوس يعني من وين لك تعيش ونت متأهل هناك على الغلاء

رجعت للوزارة وقلت ابي اغير قالوا لي بكل سهوووووووولة ( وفـر قبول لنفسكـ) آهـ بس :angry2:

وفرت لي قبول بولاية يوتا بجامعة يوتا ... واضطريت اغير الفيزا من جديد على ولاية يوتا لأن الفيزا الاولى كانت على واشنطن المهم

دراستي تبدأ بتاريخ 22/5/2011 ورحلتي بأذن الله 16/5/2011 من الدمام

انا كتبت هنا لجل اقول اني سويت كل شي لجل احاول اتمسك وما افرط بارامكو واطلع عن طريق ارامكو ولكــــــــــن لاحياة لمن تنادي ... ولا لي غير الله (ونعم بالله ) ثم بالبعثه .

انا حاب اقول لكل موظف بيستقيل ومتخبط شوي حط ببالك كذا شغله :

اولا :ان ارامكوا ماتمنحك اجازه من غير راتب (x time ) الا شهر عن طريق المنجر طبعا اتكلم من واقع تجربه تقدر تأخذها مع اجازتك السنويه لجل تشوف الاوضاع ناسبتك تكمل وترسل استقالتك وتوكل احد اخوانك يقوم باجراءات الاستقاله او انك ترجع وتكون ماخسرت وظيفتكـ

ثانيا :اذا كنت ناوي ترجع لارامكو بعد الدراسه لاتفكر بالفصل من الشركه او بكثرة الغياب خلك ع الاستقاله لأنها تعطيك اولويه على الطلبه الجدد المتخرجين

ثالثا :مثل ماقال الاخ اللي قبلي اما انك تطلع تدرس وتحاول تتميز عن غيرك من الطلبه بالدراسه او اجلس بارامكو مع مراعاة الجامعات اللي تبعث اليها ارامكوا وهي عاده تبعث الشركه على جامعات صعبه شوي

رابعا انا بصراحه ما قدمت ع قرض البيت لأن لو وفقك الله ورجعت لأرامكو حط ببالك انك ماراح تحصل على فرصة البيت من ارامكو دامك اخذت القرض وكذا بتكون ارامكوا حالها حال اي شركه ثانيه

خامسا: اذا انت حاب انك تلتحق بارامكو من امريكا وتصير ضمن برنامجهم cpc حط ببالك ان فيه تخصصات مطلوبه للأنضمام وهي كالتالي :

1/ الهندسه الميكانيكيه
2/ الهندسه الكهربائيه
3/ هندسة البترول
4/علوم كمبيوتر
5/جيو فيزياء
6/ كيمياء صناعية
7/ إدارة سلسلة الانتاج
8/ كيمياء
9/ علم الأرض (جيولوجيا)
10/ ماليه

طبعا يحق لكـ الالتحاق بعد انتهاء 30 ساعه دراسيه اي مايقارب سنه او سنه ونصف بمعدل لا يقل عن 2.5 من 4


طبعا هذا المصدر أرامكو السعودية :: برنامج المتابعة الجامعية



أتمنى تحديث هذا الموضوع لجل نفيد بعضنا واللي عنده شي لايبخل على اخوانه

اتمنى من الله بأسماءه الحسنى وصفاته العلى ان يكتب لنا الخير ويوفقنا لما يحب ويرضى

أخوكم :book:راعـي طموح

المعذره منكـ ياصاحب الموضوع توني اشاركـ بموضوعكـ بس يعلم الله من كثرة الأشغال وضيق الوقـــت والله يوفقنا جميع

بس حبيت اوضح معلومه من خلال تجربه شخصيه
انا قبل لا استقيل طلبت اجازه بدون راتب مده سنتين و كتبت طلب رسمي و ارفقت صوره من قبول الجامعه و الفيزا
و رفضوا انهم يعطوني اجازه وبدوا يعطوني وعود كاذبه اجلس و حنا نوديك و نزبطك و و و و و و طبعا من خبره ٥ سنوات اعرف انه كلامهم بالهوا :)
المهم طلبت اقابل المانجر و قال ما بيدي شي قلت اجل ابي اقابل ال في بي و فعلن قابلته و جلس معاي ساعه نقاش
اخر شي قال والله لو فيه بالنظام ان نعطي اجازه من دون راتب كان ما عندي مانع بس اكثر مده تسمح فيها الشركه هي ٦ اشهر و السبب يكون صحي مو دراسه
و قال جب لي اي باج نامبر ماخذ اجازه من دون راتب اكثر من ٦ اشهر اخليهم يوافقون لك ع الطلب
الزبده الحمدالله استقلت في ديسمبر ٢٠١٠ و التحقت بالبعثه مارس ٢٠١١ :)
علما اني مهندس و كملت ٥ سنوات خبره و اخذت قرض البيت :)
و لابو ارامكو لابو .... :)

اموركم ما شاء الله بالسليم انا يا طويلين الاعمار فصلت فصل عطيتهم الورقه انا بروح بعثه وبكمل الدراسه وباقي ما خلصت العقد حقهم واعتبروه فصل محترم لا ني خلصت الاي تي سي واشتغلت سنه وشوي سنه مالله بها عليم اذا احد منكم يعرف رق الووتر ول حسبي الله عليهم كل يوم بديره من طعس بطعس من اقصى شيبه الى خريص والراتب ااكلينه اكل حتى الاوفر تايم نا شبين لنا فيه كل ها التنقل والترحال والمرمطه حتى االكفرول يودون اقشمه لخياط باكستاني ويجبونه لنا على انه كفرول لعلمكم ما عمر جاني كفور دكيز او جزمه محترمه منهم الله يكرمكم ما لكم بالطويله كلمت الفورمان قال انت ما كملت العقد ومن هالكلام رحت البرسونيال قالو ما نقدر نسوي لك شي الا لما تدفع حول 40 الف لانك ما كملت العقد قلت وش الدبره قال ورقتك راح نا خذها والاجراءات راح تاخذ مكانها سلمت عليه وقلت الله يحفظك انت والشركه ولا تدقون علي لاني بعد اسبوع ان شاء الله اني امرح بامريكا ولا اخت يومين الا دقو علي وقلت لهم مو فاضي لكم جالس ارتب اغراضي للسفر والحمد لله الحين كملت ما يقارب سنه ولا حس ولا خبر وحسبي الله حسبي الله حسبي الله على الظالم والي ظيعنا والحمد لله على كل حال الحين مرتاح نفسيا وبدنيا <<<<فقد الشيئين هذي ايام الدوام وفقكم الله لما يحب ويرضى وخل ارامكو تولي

السلام عليكم ..

كنت ارمكاوي مثلكم .. درست في الاي تي سي 6 شهور .. تخصص انسترومت
وقدمت استقالة :/

ورحلتي لأمريكا بعد يومين .. على حساب الحكومة


والله يوفقنا وياكم

اقتباس:

---

المشاركة الأصلية كتبت بواسطة ارامكو السعوديه

والله يا زميلي اني مثل وضعك ومتبهدل

كنت كوردينيتور والان حولوني كليرك والوضع سيء جداً والراتب على ماهو ماتعدى الـ 5700

انا واحدً ماودهـ يقعد في الشركه ولا يوم ووالله اني اداوم مغصوب إلآ شوي

انا ودي اطلع بعد ما احصل شهادة الخبره 5 سنوات

وودي احصل على قرض البيت بس والله ما اعرف كيف احصل عليه وكيف بإمكاني تحصيل المبلغ اللي لي وارجع اللي لهم

والله اني محتار وسالفة الفلوووس اكثر شيء معوقني عن الطلعه



تكفون اللي عندهـ علم كيف يحصل على القرض وكيف نعود اللي لهم في اسرع وقت يعلمني

لاني إن شاء الله من احصل عليه ماراح ان شاء الله اتردد في البعثه "(


يعطيكم العافيه:(

---

اهلين اخوي ارامكو السعوديه حلو انك تطلع بعد ماتاخد خبره 5 سنين لان اغلب الشركات لما تقدم ليها اول متتطلب يسالوا عنه الي هو الخبره فتفكيرك جيد جدا وركز على اهدافك ولا اضيع الفرصه وسالفه قرض البيت في واحد في الردود السابقه اسمه ميدو حاول تتواصل معاه وبدلك على الطريقه وربي يوفقك ويسهل عليك امرك يارررب

تحياااااااااتي لك