تجمع موظفين ارامكو المستقيلين والمبتعثين من قبل ارامكو(اجازه استثنائيه)

يا اخوان ابي الفزعة باقرب وقت احد يعرف او قد طلع من واحد قرض البيت بالرياض ؟

انا ابي استقيل وودي اخذ قرض البيت قبل لا امشي تكفون الفزعة يا اخوان مستعجل وابيه ضروري

وش تبي تعرف ممكن اقدر أفيدك عال عموم تواصل معي عال إيميل لأني قليل دخول هنا
Alhemali500@hotmail.com

ياشباب الحين لو الموظف استقال ومعه سنوات خبره بارامكو وراح يدرس هندسه واذا تخرج قدم على ارامكو هل فيه امكانيه تقبله

ألي يعرف احد عمولته منخفضة و معقولة حق مساعدة في قرض ارامكو الله يخليكم يرسل لي على الخاص

ناوي تاخذ القرض وتطلع ؟؟

ايييييه انا من 2006 في ارامكو ITC برنامج المو ت اللي فاتحينه ارامكو للناس اللي ما تدري وين الله قاطها فيه ودخلت من الزهق قالو ارامكو قال فوقها , المهم دخلت الاي تي سي وطبعا قالولي مشغل شبكة كهربائية , وخطير وبتعيين على قريد 8 ومن هالكلام ...... المهم خلصنا الاي تي سي ودخلنا 2008 الجبيل البري وكانت من اتعس ايام حياتي خاصتن للي عنده طموح طبعا ... هاتك من الفورمن كلام .. انا رايحله عشان الدراسة في نفس السنة المهم .. طبعا الكلام ليهه ترا الدراسة ما راح تسويلك شي وما تقدر ترفعك اي درجة يقول انا درست سنتين وطلعت لاني عرفت اني ما راح استفييد منها ومن هالكلام اللي يبي يحبطني وقالي اوكي بعد موتتتتتتتتت, المهم نظام السوبر فايزر مهمش عندنا... سيدا الفورمن وباموت طيب سوي البري ابروفل والخرابيط ودرست سنة في الجامعة ابي اسوي الريفند قالولي وين البري ابروفل قلتهم هذه قالوا لا قلت كيف قالوا اي مو هذا هذا الطلب حقه المهم بعد سين وجيم ومن هالكلام طلع السوبرتندنت حاطه في درجة ما وداها .... المهم وراحت فلوسك يا صابر لانو ما في امل يسون اوت اوف بولسي ... المهم رجت البرسونيل واشتكيت المهم 4 ايام الا هي خالصة البري ابروفل ... وبعد دقرولي في الروووول حقت الريفند لازم تكون قبل 3 اسابيع من التسجيل .. ومن هالخرابيط وراحت علي السنة الثاتية ..... طبعا ما في زيادات تخيلو ما شالو الجي اوووو حقي الا بعد 3 سنوات تخيلوا زيادتي 140 ريال في ثلاث سنةات حسبي الله ونعم الوكيل ؟؟!!! المهم كملنا ورحنا بعدها في ثلاثسنوات اكمل وياهم بالموت شالوها وبقس وملعننة خير وياهم جات السنييين العجاف اللي وراها ابي انقل طفشت من البري كل يوم يوميا وشفت دوامي 24 ساعة نظام 7 و2 7و2 7و3... الغبي المهم من الخبر الين الجيبل يومين .... على هالخياس والخط البايخ ... وابي انقل من 2010 الين 2012 وانا احاول انقل ما يرضووووون جبتلهم كل شي مديكل وصك اعالة دخيل الله السوبرتندنت والمنجر ما يبون يقابلوني دفيت ايميل للجي ام جاني 5 ميمو من السوبرفايزر الين المنجر وما همني حاولت اوصل للفي بي بس ما توصل ايميلاتنا له مقفلينها الاي تي حقين البري المهم ..... وطفشت وخلاص انا رجالن ابشلع منهم لابوهم لابو كلب ....هذي ارامكو تخيلو 5 سنوات وماشي في ال6 الحين وتخيلو زيادة ككل ها 950 ريال في 6 سنوات وشرايكم ال5 % حقت المينممم ما يعطوني اياها ........... الزبدة لا تعليق .... بس حبيت اشارككم واقول لكم اخوكم الطموح بيطلع من ارامكو بيستقيل وبيروح مرافق مع مرته وبنيته عسا الله يوفقنا كلنا ويخلينا ندرس برة ونجيب الدكتوراة بإذنه ......... ونرجع ذيك الساعة ويصير خير بعدين .......... وانا بالنسبة لقرض البيت ودي اخذه بس مو عاجبني وضعه وشولن بوفري مكان وابيعه في نفس الوقت وارجع فلوسهم في قريح ابو زنه يا شيييخ .... والله يوفقنا اجميع وكل اللي مضلومممين في هالشركة الخدعة لاكني ماني نادم الحمدلله على كل حال .. وهذا رزقي وانا رجالن استخرت وانشالله الشلعة قريبة باقيلي انشالله سمسترين واتخرج من العربية في شهر 6 2013 اتخرج وبعدها على طول باي باي ارامكو بعد ما اخذ البونس حق جولاي اقدم استقالتي من الظهران دايركت ...............

انا خلصت دراسه اول سنه في itc (الانقليزي )

ودي اكمل الدراسه براء بس خايف امكن اطلع و اذا رجعت ما الاقيلي وضيفه

تخصصي ابريشن وعمري الان 21 سنه

وش تنصحوني ؟

والله شووووف انا بالنسبة لي بقولك شغلة اذا انت قد الابتعاث وهوايله شق الطريق من اوله قبل ما تتوهق وتاخذ قروض ومن هالكلام ......... لاكن اذا انت متردد استخير واذا حسيت انك لا طموحك خلاص ما تبي تخليه وانا اخوك اقولك تراك ثانوي ومهما جبت من شهادات بيقولونلك انت داخل ITC مالنا شغل فيك الا اذا عندك واسطة هذا شي ثاني ادرس في السعودية في اي مكان والله يوفقك .... واذا لا استخير وانحش قبل لا تتدبس .!

سلام عليكم يا اخوان باختصار

انا خدمتي بارامكو خمس سنين ( مع الاي تي سي )

وصراحه الاوبريشن ما توكل عيش بشهادة الثانوي وانا انسان طموحي اكبر من كذا لكن انغريت بسمعة ارامكو قبل ادخلها

ناوي اقدم على بكالريوس هندسه ميكانيكيه في احدى الجامعات الموصى بها من الوزاره على حسابي الخاص بامل التحويل على نظام البعثه


بس عندي بعض الاسئله عشان ما استقيل من ارامكو واطلع بها بلوشي ..

انا عمري الان 23 يعني الشهاده الثانويه لها خمس سنين وتوني ساحب شهادتي من جامعة الملك سعود امس .. لاني كنت مقبول فيها قبل اتوظف بارامكو

هل اقدر احول على نظام البعثه بعدين ولا هذا الشي بيخرب علي باعتبار اني منسحب او مفصول من جامعه سعوديه ؟

وهل عمري مناسب للمنحه ؟

وهل القبول ساري حتى عام 2013 ولا بيوقفونه مثل ما سمعت ؟

اتمنى من الاخوان يفيدوني باقرب وقت انا مابي شي من خدمتي الخمس سنين لا القرض ولا حقوق ولا شي ابي اطلع واجيب الشهاده بس : (


افيدوني قبل استقيل يا جماعة الخير انا استخرت و وكلت امري لله وهذي اخر شهرين لي مع ارامكو

اول شي دام انه على حسابك مالهم شغل بعمرك والله اعلم ,ماله دخل لا عادي بالنسبة للانسحاااب ,القبول باقيله مرحلتييين الى اذا بيزودون مراحل الابتعاث واتوقع اخر مرحلة في 2015, لا خذ شهادة خبرة منهم قبل لا تطلع تحتاجها هالشهادة بعدين يقولون انت متخرج وما عندك خبرة, حقوقك كلها خذها لا تصير شسمه >>>> معليه بغيت اجيب العيد خذ حقوقك كلها لا تخلي شي لهم ّّ والله يوفقك .