الأعضاء الإشتراك و التسجيل

الملتقيات
ADs

تجمع موظفين ارامكو المستقيلين والمبتعثين من قبل ارامكو(اجازه استثنائيه)

تجمع موظفين ارامكو المستقيلين والمبتعثين من قبل ارامكو(اجازه استثنائيه)


NOTICE

تنبيه: هذا الموضوع قديم. تم طرحه قبل 4814 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Amazing Life
    Amazing Life

    مبتعث مستجد Freshman Member

    Amazing Life الولايات المتحدة الأمريكية

    Amazing Life , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسه ان شاء الله , بجامعة اي جامعه هندسه
    • اي جامعه هندسه
    • هندسه ان شاء الله
    • ذكر
    • بعدني والله بس رايح رايح, اي مقاطعه ولا القطيعه
    • السعودية
    • Apr 2010
    المزيدl

    January 24th, 2011, 10:38 AM

    السلام عليكم ورحمه الله وبركاته
    صباحكم مسائكم خير يااحلى منتدى واحلى اعضاء حبايب البي كلكم <<< بدا دهن السير
    نخش في الموضوع دغري مانبي نكثر مقدماااااااات
    موضوعي خفيف لطيف على قلوبكم وهو ان انا موظف في ارامكو ب من عام 2006 بنضام ITC ووقعت العقد معاهم في عام 2008 و واشغل وظيفه مشغل خدمات عيون الزيت well service operation في وسط الخليج العربي بنظام 12 ساعه ونوبه اسبوع دوام واربعه ايام اوف(اجازه) وطبعا دوامي تحليلx تحليل شغال مابين النار والحديد والغاز ومن داك الوقت الي وقعت فيه وانا حلمي في الدراسه خارجا ولكن مالقيت الفرصه الا الان بعد توفيق من الله وحصول اختي على بعثه الملك وقلت فرصتي احقق حلمي واروح كمرافق واكمل دراستي
    وطبعا انا قريت ردود كثيره عن الي استقالوا بس اغلبها كانت قديمه وماحد دكر اش صار معاه بعد محولاتهم اخد اجازه من دون راتب وانا حطيت هدا الموضوع ليكون مرجع للجميع للاستفاده من تجارب الاخرين في هدا الموضوع
    وطبعا انا الي سويته لحد الان كلمت السوبرفايزر والفورمن واعطوني موافقه على هدا الشأن
    وان شاء الله بروح للاداره شؤؤون الموظفين خلال الايام القادمه وبستفسر عن الاجازات الدراسيه بدون راتب
    لان ماودي استقيل وودي ادرس وارجع على نفس الباج نمبر واظم الشهاده واكون جامعي افضل من اكون ثنوي
    فياريت الي مر في نفس ضروفي لايبخل علينا بالمعلومات والاقتراحات والنصائح والله يكتب الي فيه الخير للجميع
    تحيااااااااااااااااتي واحترمااااااااااااااتي للجميع
    ^_^

  2. اخوي اذا فيك شده على الدراسه من ناحية قدرة على الدراسه والدفع
    يعني السالفه ما هي بس فلوس اذا تقدر تذاكر وتنجح وعندك العزيمه على الدراسه
    تعال والعن ابو الفقر لا ابو أرامكو لكن اهم شي يكون عندك مبلغ جامد ولا تفكر بالبعثه الحين فكر هل انت قادر على الدراسه ام لا بس*
    7 "
  3. السلام عليكم ورحمة الله وبركاته

    اخي الكريم ماحد راح يقدر الضغط الي انت فيه الا الي مر بالتجربه من المشغلين والفنيين الي عانو الامرين في البلانتات

    في البداية احب اقوولك ان عندك فرصة حلوة جدا وهو انك ترووح مع اختك كمرافق طبعا وهذا شي حلو لانك رااح تكوون كالمبتعث الا شووي يعني تفرق علييك حاجات بسيطه مثلا المكافاة وانك رااح تكوون مربووط باختك يعني متى ما خلصت اختك انت المفرووض تخلص وياها ولا الملحقية رااح تقول لك ارجع الى السعوودية.

    الدراسة بكل مكاان في العالم تحتاج الى عزيمه وجد واجتهااد هذا يعني انك تعرف وش انت طمووحك ووين تبي توصل في المستقبل ؟؟

    يعني مثلا رااح تقتنع بوظيفه عااديه اول ما ترجع ؟؟ هذا السؤال ؟؟

    انا بصرااحه مادري عن وضع رؤؤسساك يمكن يوافقون على الاجازه كوونك مرافق.. بس الى متى الاجازه ؟
    يمكن اتوقع يعطووك اجازه سنه وحده بدوون راتب كحد اقصى>> اذا كنت محظوظ طبعا

    هذا الي الي شفته من واقع بعض التجارب لاكن اكثر من كذا ما اتوقع يعطوك ابدا


    في حال انهم ما وافقو يعطووك اجازه وش رااح تسووي ؟؟ تستقيل من عملك وتجازف على امل ان امورك كلها رااح تكوون ماشيه مزبووط وانك بتدرس وبتتخرج وبترجع السعووديه في اسرع وقت ممكن
    الحصول على وظيفه حلوه في هذي الايام صعب جدا ومو بالساهل تلقى لك وظيفه تامن فيها مستقبلك ومستقبل عيالك

    حتى لو مثلا وافقو يعطووك اجازه طوال مدة دراستك وهذا الشي ظرف من المستحيل وتخرجت واخذت الشهاده البكالرويس مثلا باعتبارها الشهاده الي انت رايح تجيبها وترجع
    لاتتوقع انك ترجع بوظيفه جديد لانهم بيرجعوونك على شهادتك القديمه واسال من تبي من الي حولك عمرها ما صارت انك تدرس وتجيب شهاده والشركه تاخذك على شهادتك الجديده سواا في ارامكو او سابك كونها اكبر شركات المملكه واقواها نادرا ما تحدث ولاشخاص معيين فقط وانت عارف وش اقول

    خلنا نكوون واقععين اكثر ياخووي ولا ناخذ الامور من ناحية عواطف وظغط عمل انت وغيرك كثير ما يطيقه ولا يتحمله ابدا لاكن يرووح الدوام كل يوم غصب عنه لان هذا مصدر رزقه الوحيد ولا يبي يفرط فيه وانت شايف غلاء المعيشه اشلوون كل يوم تزيد الاسعار وكل شي يرتفع ولا يتزل
    ماراح تحس بقيمة الوظيفه الا لما تفقدها وتفقد الاستقرار الي كنت عايشه حتى لو ما كنت تحب وظيفتك وتعاني منها


    لاتفكر الغربه سهله وانك ممكن تتماشى ومعاها بالسهوله والدراسة يبيلها جد وتعب مو بس الكلام انك تبي تدرس تفتك من وظيفتك وخلاص
    القرار الاول والاخير يرجع لك انت وارجع واقوولك فكر وش تبي تكوون في المستقبل

    اذا عندك طمووح عالي رووح لاكن اذا كنت بترووح وناوي ترجع بشهادة بكالرويس >> يعني مهندس تراها ماراح تفرق معااك شي
    يعني يابو زيد كانك ما غزيت

    تحياتي لك
    7 "
  4. المشاركة الأصلية كتبت بواسطة TIME HEALS
    السلام عليكم ورحمة الله وبركاته

    اخي الكريم ماحد راح يقدر الضغط الي انت فيه الا الي مر بالتجربه من المشغلين والفنيين الي عانو الامرين في البلانتات

    في البداية احب اقوولك ان عندك فرصة حلوة جدا وهو انك ترووح مع اختك كمرافق طبعا وهذا شي حلو لانك رااح تكوون كالمبتعث الا شووي يعني تفرق علييك حاجات بسيطه مثلا المكافاة وانك رااح تكوون مربووط باختك يعني متى ما خلصت اختك انت المفرووض تخلص وياها ولا الملحقية رااح تقول لك ارجع الى السعوودية.

    الدراسة بكل مكاان في العالم تحتاج الى عزيمه وجد واجتهااد هذا يعني انك تعرف وش انت طمووحك ووين تبي توصل في المستقبل ؟؟

    يعني مثلا رااح تقتنع بوظيفه عااديه اول ما ترجع ؟؟ هذا السؤال ؟؟

    انا بصرااحه مادري عن وضع رؤؤسساك يمكن يوافقون على الاجازه كوونك مرافق.. بس الى متى الاجازه ؟
    يمكن اتوقع يعطووك اجازه سنه وحده بدوون راتب كحد اقصى>> اذا كنت محظوظ طبعا

    هذا الي الي شفته من واقع بعض التجارب لاكن اكثر من كذا ما اتوقع يعطوك ابدا


    في حال انهم ما وافقو يعطووك اجازه وش رااح تسووي ؟؟ تستقيل من عملك وتجازف على امل ان امورك كلها رااح تكوون ماشيه مزبووط وانك بتدرس وبتتخرج وبترجع السعووديه في اسرع وقت ممكن
    الحصول على وظيفه حلوه في هذي الايام صعب جدا ومو بالساهل تلقى لك وظيفه تامن فيها مستقبلك ومستقبل عيالك

    حتى لو مثلا وافقو يعطووك اجازه طوال مدة دراستك وهذا الشي ظرف من المستحيل وتخرجت واخذت الشهاده البكالرويس مثلا باعتبارها الشهاده الي انت رايح تجيبها وترجع
    لاتتوقع انك ترجع بوظيفه جديد لانهم بيرجعوونك على شهادتك القديمه واسال من تبي من الي حولك عمرها ما صارت انك تدرس وتجيب شهاده والشركه تاخذك على شهادتك الجديده سواا في ارامكو او سابك كونها اكبر شركات المملكه واقواها نادرا ما تحدث ولاشخاص معيين فقط وانت عارف وش اقول

    خلنا نكوون واقععين اكثر ياخووي ولا ناخذ الامور من ناحية عواطف وظغط عمل انت وغيرك كثير ما يطيقه ولا يتحمله ابدا لاكن يرووح الدوام كل يوم غصب عنه لان هذا مصدر رزقه الوحيد ولا يبي يفرط فيه وانت شايف غلاء المعيشه اشلوون كل يوم تزيد الاسعار وكل شي يرتفع ولا يتزل
    ماراح تحس بقيمة الوظيفه الا لما تفقدها وتفقد الاستقرار الي كنت عايشه حتى لو ما كنت تحب وظيفتك وتعاني منها


    لاتفكر الغربه سهله وانك ممكن تتماشى ومعاها بالسهوله والدراسة يبيلها جد وتعب مو بس الكلام انك تبي تدرس تفتك من وظيفتك وخلاص
    القرار الاول والاخير يرجع لك انت وارجع واقوولك فكر وش تبي تكوون في المستقبل

    اذا عندك طمووح عالي رووح لاكن اذا كنت بترووح وناوي ترجع بشهادة بكالرويس >> يعني مهندس تراها ماراح تفرق معااك شي
    يعني يابو زيد كانك ما غزيت

    تحياتي لك

    حبيبي مين قالك ماياخذون بشهادتك ،، راح ياخذون فيها بس ماراح ينقزونك على طوول راح ينفتح

    السقف الوظيفي حقك والمسمى ،،
    7 "
  5. السلام عليكم،،

    حبيبي ماابي اطولها عليك ،، انا توني مستقيل من ارامكو قبل ٣ اسابيع

    وانصحك لاتاخذ لااجازه ولا بطيخ ان كنت ناوي دراسه وصاامل انك بتدرس منت رايح تجرب او تلعب

    انا اقولك بهاللحظه قدم استقالتك واتركهم ،، واذا تبي نصيحتي ،، خذ قرض البيت قبل ماتطلع << يسمونها

    حركه البيت للي يبي يستقيل واسآل عنها الشيبان عندكم اللي بالدوام وهم يعلمونك اياها ،،

    وفالك التوفيق ،،، ياعمي ل تطلع وتاخذ الشهاده وتكون قويه ماعليك من احد بأذن الله بترجع لنفس الشركه وبمنصب اقوى

    وفكر فيها خلال ٥ سنوات بتختصر ٢٠ سنه من حياتك كا اوبريتر ،،
    7 "
  6. انا كنت ادرس في الاي تي سي وكان تخصصي كليرك
    اللي اعرفه ان تخصص الكليرك هوو التخصص الوحيد اللي في ارامكو اذا جبت لهم شهاده جامعه سواء انساب ولا غيره
    يرقونك 11+ على طول
    بس باقي التخصصات ماينقزوك على طول حبه حبه بدل ماتحصل على ترقيه كل اربع سنوات تحصل مثلا كل سنتين
    واذا تبي نصيحتي اذا تشوف روحك شاطر في اللغه استقيل من ارامكو وتعال واخذ التوفل وانضم
    وبعدين بتصير عندك شهادتك مااحد يذلك والشركات تتصل لك وتبيك
    مو تشتغل عندهم والمنه عليك
    خلي تفكيرك لبعيد
    وانا كنت في ارامكو وشايف وش صاير فيها من واسطات ولعب
    وعاد هذا مستقبلك وانت تقرر وش بتسوي لانه هل شي راجع لك
    7 "
  7. هممممممم


    حبيييييبي انت ,, أنا نفس هرجتك بالضبط ,, وانت معاي في نفس الدفعة ونفس التخصص يا حلوو ,, شكلو في نفس الكلاس كمان هههه

    بس أنا في الجعيمة تعييني ,,وشغال هنا ,,, ياخي احس اني عرفتك ,, اذا انت اللي في بالي فالله يوفقك ياارب ,

    واذا مو اللي في بالي ,, فالله يسهل أمرك ويوفقك برضو ,,


    انا عندي نفس الفكره ,, والان قاعد أجيب قبول ,, مع انو عندي قبول لكن ابغى اغير الجامعة ,,

    واذا الله يسرها في رمضان بأطلع ان شاء الله ,, طبعا استقالة لانو مالك امل يعطوك اجازة استثنائية ,,

    ياوااد الفيبي بكبرو ما يقدر يعطيك غير شهر واحد فقط ,, فشيل الفكرة من مخك ,,

    بس استقيل واتوكل على الله ,, وعلى فكره ياااكثرهم الشباب اللي في نفس ددفعتنا واستقاالو ومشيو ,, الان قاعدين يدرسو هناك ,,

    وأكيد عندك خبر عن هالعيال ,, شد حيلك يا حلو ,, واستخير قبل كل شي ثم استشير واتوكل على الله ,,

    والله اني سألت كل السوبرفايزريه الل عندنا والناس اللي لها 15 سنة 16 سنة وتوها على قريد 9 !!

    كلللللهم قالولي اططططططللللللع ,, وربي كلهم نصحوني اروح أكمل دراستي ,, واذا الله يسرها هذا اللي بيصير ,,


    دعواتك القلبية ياحلو ,, والله يوفقك
    7 "
  8. المشاركة الأصلية كتبت بواسطة بو حسين
    اخوي اذا فيك شده على الدراسه من ناحية قدرة على الدراسه والدفع
    يعني السالفه ما هي بس فلوس اذا تقدر تذاكر وتنجح وعندك العزيمه على الدراسه
    تعال والعن ابو الفقر لا ابو أرامكو لكن اهم شي يكون عندك مبلغ جامد ولا تفكر بالبعثه الحين فكر هل انت قادر على الدراسه ام لا بس*
    اهلين اخوي بو حسين شاكرلك مرورك العطر
    والله عندي الرغبه الكامله بالدراسه وعندي الطموح ومن ناحيه المبلغ لاخوف بس السوال هل لو استقلت اني انظم الى ارامكو مره ثانيه بعد مااجيب الشهاده او لا ؟؟؟
    تقبل تحيااااااااااااتي
    ^^
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.